Алтын туйга сценарий татарча

Кешеләр һәм язмышлар

Пар сукмактан — алтын туйга

Алтын туй — еллар сынавына бирешмәгән олы мәхәббәтнең чагылышы ул. Ярты гасыр гомер бергә яшәү өчен кешеләргә күпме сабырлык, түземлек, акыл, өмет-ышаныч кирәк.

Следите за самым важным и интересным в Telegram-каналеТатмедиа

К сожалению, реакцию можно поставить не более одного раза
Мы работаем над улучшением нашего сервиса

 Сценарий свадьбы на татарском языке — Котлы булсын туегыз!

Туй узасы залда “Туйга рәхим итегез!”, “Туй көне – тормыш башы” дигән язмалар эленә. Салмак кына көй уйный. Шулчак алып баручы сәхнәгә, халык янына чыга. Кунаклар табында утыралар.

Тамада:

Тормыш итү – диңгез кичү, диләр,

Ә тормышлар тормый дулкынсыз.

Тормыш дулкыннарын басар өчен,

Яшәп булмый сөю, ялкынсыз.

Хәерле көн, хәерле кич хөрмәтле туганнар! Кода-кодачалар! Дуслар-иптәшләр! Без бүген сезнең белән безнең өчен иң кадерле булган якыннарыбыз (фәлән) белән (фәләннең) туй мәҗлесенә җыелдык. Аларның кавышуы – олы куаныч, зур шатлык, бәхет. Ә хәзер әйдәгез, бу очрашуның сәбәпчеләре кәләш белән кияүне көчле алкышлар белән каршы алыйк! Рәхим итегез!

Ай икегез, икегез,

Тигез гомер итегез.

Икегез дә пар килгәнсез,

Тигез гомер итегез!

Котлы булсын туегыз,

Безгә үрнәк булыгыз.

Мәңге-мәңге бергә булсын

Тормыштагы юлыгыз.

Кадерле кияү белән кәләш! Сезнең бүген иң бәхетле, иң шатлыклы көнегез! Галәмдә тагын бер матур гаилә туды. Сезнең кебек гаиләләр безнең тормышыбызның бизәге. Гаиләгез һәрчак нык булсын. Хөрмәтле кияү һәм кәләш, мәҗлесебез кунаклары! Ә хәзер гаилә учагы кабызырга тәгъдим итәм.

кияү белән кәләшкә шәм һәм шырпы бирәләр. Алар гаилә учагын кабызырга тиеш булалар. Бу вакытта залда утлар сүнә, талгын гына музыка уйный. Парлар ут кабызган вакытта алып баручы түбәндәге сүзләрне җиткерә

Кайчандыр, бик борынгы вакытларда Ут кешегә җылылык, яктылык бирүче булган. Ут – тормыш терәге, тормыш символы. Сез дә яшьләр үзегезнең гаилә учагын кабызып җибәрегез. Шушы учакның ялкыны гомерлекә сезне озатып барсын, күңелегезне җылытып, бер-берегезгә булган мәхәббәтне арттырып торсын. Юлыгыз һәрчак шушы учак кебек якты булсын, балкып торсын. Тормыш утыгыз мәңге сүнмәсен. Якты учакның ялкыны белән дөньяны яктыртып, күпләрне сокландырып озак-озак яратышып яшәгез! Бәхетле булыгыз!

Сезнең бәхет капкасын

Бәла-каза какмасын!

Кайгы-хәсрәт дигән нәрсә

Сезнең өйне тапмасын.

Ягылмасын ялалар.

Кагылмасын бәлаләр.

Өйгә-илгә ямь биреп,

Гөрләп торсын балалар.

Кулыгыз кулга тотынып,

Бәхетегез мул булсын.

Ахыр суларга кадәр

Адресыгыз бер булсын!

И гүзәл пар! Сезне

Яңа тормыш башлавыгыз белән котлыйбыз!

Бәхетле озын гомер телибез!

Хөрмәтле кунаклар рөхсәт итегез бүгенге туй мәҗлесен башлап җибәрергә! Җырлап, биеп, күңел ачып бүгенге көнне онытылмаслык итеп уздырыйк әле. Кызыл туйлар котлы булсын!

Алып баручы кунакларга табындагы ризыклардан авыз итәргә кыстый. Кунаклар саларталр ашап, сулар эчкән вакытта “Пар балдаклар” җыры башкарыла

Тамада: Кешенең чын бәхете – гаилә иминлегендә. Тормыш юлы шома гына бармый. Төрле каршылыклар, киртәләр дә очрый. Моның шулай икәнлегенә сезнең әти-әниләрегез шаһит. Беркайчан да җиңел юллар эзләмәгез. Олыларны-олы итеп, хөрмәт итеп яшәргә насыйп булсын сезгә. Ә хәзер сүзне кияүнең әти-әнисенә бирик әле. Алар менә шундый тырыш, эшчән, акыллы ул тәрбияләп үстергәннәр. Аларның да уллары белән киленнәренә әйтер сүзләре бардыр. Рәхим итегез. Иң элек үзегез белән таныштырып китсәгез иде.

Кияүнең әти-әнисенә сүз бирелә

Тамада: Кияүгә шундый аккош кебек гүзәл, матур, чибәр, уңган-булган кыз тәрбияләгәннәре өчен кәләшнең әти-әнисенә мең рәхмәт. Аларның да балаларына үгент-нәсыйхәтләре, әйтер сүзләре бардыр мөгаен. Рәхим итегез! үзегез белән дә таныштырып җибәрергә онытмагыз

кәләшнең әти-әнисенә сүз бирелә

Тамада: Әйдәгез әле, хөрмәтле кунаклар бокалларыбызны тутырып, әти-әниләр өчен күтәреп куек. Һәм әниләр хөрмәтенә җыр тыңлап алыйк. (җыр башкарылган вакытта беренче кайнар аш китерелә).

Тамада: Түр башында, кияү-кәләш, әти-әниләрдән тыш тагын бер егет белән бер кыз утыра. Алар шаһитлар. Әйдәгез әле алар белән дә танышып китик булмаса. Үпкәләп калулары да бар бит! (Шаһитлар үзләре белән таныштыралар).

Тамада: Шундый зур хезмәткә

Алынган шаһитлар!

Туйның күркәмлелеген

Алар тикшереп торалар.

Яшь парларның туе

Гөрләп узсын әйдә.

Ә бу бокалларны

Күтәрик шаһитлар хөрмәтенә.

Тамада: Кунаклар кыбырсына башлады,

Аяклар ойи башлады.

Булмый болай утырып,

Киттек җаным, әйдә биергә.

Хөрмәтле кунаклар әйдәгез бию залына. Рәхәтләнеп күңел ачып, биеп, уеннар уйныйк. Ә иң беренче биюне безгә кияү белән кәләш башкарыр. Ә инде аларга сез дә кушылырсыз. Рәхим итегез, беренче гаилә биюненә. (бию вакытларында төрледән-төрле уеннар да үткәрергә була).

Тамада: Хөрмәтле кунаклар әйдәгез табыннарга утырышыйк. Менә монда, кияү белән кәләш адрысына меңләгән хат, посылка килеп иреште. Әйдәгез әле аларның кайберләрен укып алыйк.

икенче аш китерелә

Сезнең кавышуыгыз белән котлыйбыз. Тормышыгыз ширбәт ае кебек узссын. Хөрмәт белән: умартачылар оешмасы.
Котлыйбыз һәм сезгә искәртеп үтәбез. Якын арада һәм 50 ел эчендә аерылышу турында гаризалар кабул ителмәячәк. Халыкара суд комиттыннан.
Бураннар да, салкыннар да, җилләр дә сезнең капкагызны шакымасын. Бары тик йортыгызда мәхәббәт, сөю атмосферасы гына хөкем сөрсен. Гидроменцентр.
Сезнең өчен палатада махсус урын әзерләнгән. Түземсезлек белән яшь әнине көтәбез. Балалар табу йортыннан бер көтү шәфкать туташлары.
Кияүгә махсус хат: Сезне балалар коляскасын йөртүгә өйрәтү курсларында көтеп калабыз. ГИБДД дан.

Тамада. Хөрмәтле кияү һәм кәләш! Кода-кодагыйлар, кодачалар! Шушы көнгә кадәр сез кайберләрегез әле бер-берегезне белми ә йөргәнсез. Ә бүгенге шатлыклы вакыйга сезне туганлаштырды да куйды. Сез бер-берегезне әле белеп тә бетерми торгансыздыр. Шуңа күрә кунаклар белән таныштырып китү бик кирәклк күренеш булыр. Таныштыру өчен микрафонны ике як кодагыйга тапшырам. Алар үз туганнары белән таныштырып җибәрсеннәр әле.

Ике кодагый үз ягыннан килгән туганнары белән таныштыра, исемнәрен әйтеп үтә

Хөрмәтле кунаклар! Табындагы ризыклардан авыз итегез. Оялып утырмагыз. Сез ашап-эчеп алган арада сезнең хөрмәткә җыр башкарыла. (туй турында берәр җыр. Туй турындагы җырларны сайттан карарга була).
Хөрмәтле дуслар! Әйдәгез әле бер уен уйнап алыйк. Сәхнәгә ике кеше чакырыла. Алар башта бер, аннары ике, аннары өч, аннары дүрт һ.б. чупа-чупс конфетын авызларына кабып, шигырь яисә җыр җырларга тиеш булалар. Кемнең авызына күбрәк конфет сыя шул җиңүче була.
Хөрмәтле туганнар, дуслар! Сезнең кияү белән кәләшкә теләкләрегез күптер. Махсус теләкләр өчен альбом тәгъдим итәбез. Сез анда үзегезнең теләкләрегезне, киңәшләрегезне язы аласыз. Туй ахырында ул истәлек яшь гаиләгә тапшырыла. Туй бетеп өйгә кайтып киткәч рәхәтләнеп төне буе теләкләрне укып ятсыннар.
Хөрмәтле кунаклар туебызның иң мөһим өлеше – килгән кунаклар теләкләр әйтә башласын. Гаилә бюджетына киләсе акчаларны менә шушы матур бер сандыкка салып барыйк.

Теләкләр әйткән вакытта төрле уеннар да уйнарга мөмкин

Шушында яңгыраган барлык теләкләр хөрмәтенә бокалларыбызны күтәрик. Һәм барыгызны да бию залына чакырам. Анда безне кызыклы гына шоу көтә. (бию залында төрле уеннар уйнатып, биетергә мөмкин.
Кәләш туй букетын кияүгә чыкмаган кызларга “ата”.
Кияү белән кәләш! Килгән кунаклар табынга рәхим итеп килеп ягы әзерләгән күчтәнәч: каклаган каз белән чәк-чәктән авыз итик.

Чәк-чәк һәм каклаган каз алып чыгу презентациясе төрле туйда төрлечә үткәрелә. Ул бары тик фантазиядән генә тора
Әйдәгез тагын бер уен уйнап алыйк. Сәхнәгә 3 пар чакырыла. Уенның тәртибе буенча ирләрнең күзләрен яулык белән бәйләргә тиеш булабыз. Ә хатын-кызларга причепкалар эләктерәбез. Ирләр аны тиз арада йомык күз белән эзләп табырга тиеш булалар. Башладыкмы!? Бер! Ике! Өч!
Туй мәҗлесебезнең иң югары ноктасына килеп җитәбез. Туй тортын алып чыгарга вакыт килеп җитте. Көчле алкышлар белән каршы алыйк!!!.

тортны кискән вакытта шигырь укыла

Бүген сезнең иң бәхетеле,

Иң бәхетле көнегез.

Матур булсын күңелегез,

Тәмле булсын телегез!

Гөрләтеп әйдә, туйлагыз,

Туйның кимен куймагыз!

Тик башыгызны җуймагыз,

Яратышып туймагыз!

Яратып кына яшәгез

Берегезне берегез –

Ходай биргән мәхәббәтнең

Кадерләрен белегез.

Арабыз да сокланырлык

Матур оя корыгыз!

Матур, җылы оягызда

Тату гына торыгыз.

Туйганчы биеп калыгыз,

Туйганчы җырлашыгыз!

Бәхетле картлыкка илтсен

Бүгенге юл башыгыз.

Яшь чакларның узганын да

Сизми калырсыз әле.

Туегызны сагыныплар

Искә алырсыз әле!

Хөрмәтле кунаклар! Безнең бүгенге туй мәҗлесебез ахырына якынлаша. Монда булган монда калсын. Үпкәләштән булмасын. Ничек кенә күңелле булса да таралышыр вакыт. Исән-имин булыйк. Бәб туенда очрашканга кадәр саубулыгыз!!!

Тәмам.

Поздравления

Пар сукмактан — алтын туйга

К сожалению, реакцию можно поставить не более одного раза
Мы работаем над улучшением нашего сервиса

Мәхәббәт — кеше хисләренең, мөгаен, иң серлеседер. Нишләп әле кинәт кенә икенче кешегә бик нык тартыла башлыйсың? Ни өчен әле нәкъ менә шул кешене күрәсең килә, күрмичә түзә алмыйсың. Никадәр кеше арасыннан бары тик берәү сине магнит кебек үзенә тартып тора һәм, бөтене белән сине урап алып, хис дөньясына дәшә. Бу ләззәтле, сихри хисләрне кем генә кичермәгән дә, кем генә бу хисләр белән янмаган….

Олы Карагуҗа авылында узган кичә әнә шул мәхәббәткә, яшьлектәге мәхәббәтләренә тугры калып, 50 ел бергә гомер иткән авылдашларыбызга багышланган иде.
Без аларны бу олы юбилейлары белән котлар өчен, барлык балалары, оныклары, туганнары белән кунакка чакырдык.
Иң беренче парлар булып авылда үз дәрәҗәсен белеп, хезмәттән тәм, ямь табып, тормышның матурлыгын күреп яшәүче гаилә — Габдрахмановлар сәхнәгә күтәрелде.
Мәхәббәт нәрсәдән
башлана икән?
Утлы карашлы
күзләрдән микән?
Әйтергә теләп,
йөрәк түрендә
Әйтелми калган
сүзләрдән микән?
Госман абыйның Рәйсә апага карата булган хисләре, мөгаен, шулайрак башлангандыр.
Атаклы Насыйр нәселеннән булган Госман, армиядән ялга кайткач, әле 16 яше дә тулмаган озын толымлы, алма кебек тулып пешкән, бик тә чибәр кызны күреп китә, гәрчә йөргән кызлары булса да. Һәм күңеленә салып куя: «Бу зәңгәр күз минеке булырга тиеш!» Санаулы көннәр шул зәңгәр күзле кызны уйлап, очрашу минутларын күзаллап үтеп китә. Армиядән кайткач, матур очрашулар, вәгъдәләр һәм хисләрнең чынлыгына инангач, бер елдан, татарча, матур итеп туйлар ясап, алар кавыша.
17 яше дә тулмаган Рәйсә олы нәселгә килен булып төшә. Күп балалы, җитеш гаиләдә эшләп үскән уңган-булган, җитез кызны бу гаилә бик тиз үз итә. Рәйсә апа да әнисенең мираска тиң киңәшен истән чыгармый: кәефең ниндигә карама, өең җыелган, ашың пешкән булсын, сырхауласаң да, көндез урынга ятма! Кояштан оялырга өйрән! Хатын-кыз өлгер булырга тиеш.
Ә Госман абыйның кулы эш белә, үз куллары белән йорт җиткезеп чыгалар, үз хезмәтләре белән көн күрә алар. Госман абыйның булганлыгы улларына да күчкән, «нәрсә тотсалар, шуны булдыралар», — ди ата кеше горурланып.
Ә менә икенче юбилярларыбыз Йосыповларның кавышу тарихы болайрак була.
Разия апа бу авылга апасы Мөнәвәрә янына кунакка килеп йөри һәм, авылларында эш булмау сәбәпле, савымчы булып эшкә урнаша. Комсомол тормышы кайнап торган чак, яшьләр клубта төрле кичәләр, театрлар әзерләп халыкка хезмәт күрсәтәләр.Телгә оста, үткен, чибәр, җитез Разия апа да шул тормышның эчендә кайный. Сәхнәдә дә үзен күрсәтергә өлгергән бу чибәргә, күз атучылар күп булгандыр, әлбәттә. Тик Рәшит барысыннан да өлгер булып чыга. Озак уйлап йөрмәстән, кызны урлап үзенеке итәргә җаен таба!
Тормыш бик барлык белән башланмый, һәммәсен табып, үз кулың белән, хезмәтеңне куеп яшәргә, көн итәргә тиеш була бу пар. Тормыш шулай дәвам итә, берсе артыннан берсе 3 малай дөньяга килә. Бер кечкенә генә Разияга — 4 ир-ат, хөкүмәт эше, өйдәге хезмәт. Шулай үзенең вак-төяк мәшәкатьләре белән гомер әкренләп узган, күпме еллар, ә еллар арасында шатлыгы, куанычы, бер рәттән борчу-хәсрәтләре дә аз булмагандыр. Олы малаен шатланып-куанып армия сафларына озаталар, тик аларның бәгырь җимеше, ул елларның афәте — Әфган җиренә эләгә. Ике ел эчендәге кичерешләрен, малаеннан хат-хәбәр көтеп, ут йотып яшәүне, моны кичергән кеше генә аңлар. Ходайга шөкер, уллары исән-сау әйләнеп кайта.
Рәшит абыйның тормыш юлы гади хезмәт белән бәйләнгән, кирәк икән — мич чыгаручы, кирәк икән — балта остасы, ә иң яраткан хезмәте — бакчачылык. Бу гаиләнең тагын бер шөгыле — алар атсыз тора алмый. Хезмәт өчен генә түгел, ә ихлас яратып асрыйлар атны.
Гаилә бәхете ул — бер-береңә терәк, таяныч булып, бер түбә астында мөмкин кадәр озак килешеп яши алудыр. 50 ел бергә бер һаваны сулап, бер хыяллар белән яшәгәннәр икән, димәк, монда нидер бар. Бу нидер — бер-береңне аңлау, бер-береңнең кадерен белеп яшәүдер, мөгаен. Фәтрахмановлар турында шулай әйтеп буладыр.
Нәкъ 50 ел элек, Живидур урамы кызы Мәгъфирә апа авылның дәрәҗәле гаиләсенә килен булып төшә. Тәртипле гаиләдә эшләп үскән кыз, туган авылы чишмәсеннән көянтә белән су китерү, токмач кисү кебек гамәлләрне оста башкарып, килен сынавын җиңел үтә. Кияү дә сыната торганнардан түгел. Кияүнең учында балта сабы ипле ятуын искәртә Мәгъфирәнең әтисе.
«Табигате белән үтә тыныч, йомшак күңелле Мәгъфирә каенанасы белән килешеп тора алыр микән»,- дигән уй да урап узгандыр, бәлки, авыл халкын. Тик бу гаиләнең тавыш-гаугасы чыкмый, татулыкта, барлыкта-көрлектә, бер-берсен аңлап, бер-берсен хөрмәт итеп, татар гаиләләренә генә хас булганча, динебезне, йолаларыбызны хөрмәт итеп, саклап яши белә алар. Бу ике кеше тарафыннан төзелгән кечкенә генә, әмма мөстәкыйль дәүләттә үз кануннары, тәртипләре, дипломатиясе, «хәрби» серләре бар.
Равил абый — авылның мөхтәрәм аксакалы, мәчет карты. Аның турында сөйләгәндә, чын ир затына хас булган барлык сыйфатлар тупланган дип әйтеп була: ул — атаклы балта остасы, ул — умартачы, ул — гаиләдә үз урынын, үз сүзен ныклап әйтә белүче дә, кирәк чакта кырыс та, гадел дә кеше.
Ә Мәгъфирә апаны без, шушындый сыйфатларга ия булган ир-атны бәяләп тора белүче, чын татар хатыны итеп беләбез. 35 елдан артык каенана белән яшәп, берничә ел каенанасының әнисен тәрбияләп, икесенең дә хәер-догасын алып калды ул.
Татар халкы элек-электән кунак чакырырга, кунакка йөрергә яраткан.Һәм инде чит авылга кунакка килгән егет, күп вакытта үзенең насыйбын да очрата. Менә Габделхәй абый белән дә нәкъ шулай була. Бишнә авылына кунак егет булып баргач, күршедәге Кәүсәрияне күзләп кайта.Төпле фикерле, акыллы, тыйнак Габделхәй, барысын да бизмәнгә сала: киленне бит әле 3 каенана янына төшерәсе бар. Ул уңган да, булган да, чая-җитез дә һәм, әлбәттә, акыллы да булырга тиеш. Ә Кәүсәриядә бу сыйфатларның һәммәсе дә тупланган, авыл халкы, күрше-күлән дә Кәүсәрия хакында шундый фикердә. Озак уйлап тормыйча, элеккеге матур гадәт буенча, Габделхәй Бишнәгә яучы җибәрә һәм бу дөрес адым була. Менә алар 50 ел бергә. Аларның тату-матур, аңлашып, киңәшеп яшәве бөтен Карагуҗа халкының күз алдында.
Гомер узганы сизелмәгән дә. Өйләнү кызыклы, гыйбрәтле хатирәләр булып кына истә калган… Хәтта аның турында бик сөйләп тә булмый. Шәхси хисләрне изге санагангадыр, мөгаен. Шуңа да бу парлар артыгын ачылып китми генә, татарга хас тыйнаклык белән гаилә чыбылдыгын чүт кенә ачып карарга рөхсәт иттеләр. Шунысы өчен дә аларга зур рәхмәт. Тормышларыгыз мул, балаларыгыз тигез, оныкларыгыз тәртипле-инсафлы, үзегез бәхетле тормышта парлашып әле озак еллар саулык белән гомер кичерегез, кадерле авылдашларым! Билгеле, мәхәббәт тә мизгел генә булып калырга тиеш түгел. Гомеребезнең «меңнән-мең бәхил» дигән сүзләр белән төгәлләнәсе бар. Үзеннән-үзе шушы шигъри юллар искә төшә:
Мәхәббәтнең гомере чикләнмәгән,
Ул хас түгел бары яшьләргә.
Ул — яраткан кешең йөрәгендә
Гомер буе янып яшәүдә.
Дания Җиһаншина.
Карагуҗа

Котлаулар

АЛТЫН ТУЕГЫЗ БЕЛӘН!

К сожалению, реакцию можно поставить не более одного раза
Мы работаем над улучшением нашего сервиса