Авыл хуҗалыгы
Авыл хуҗалыгы һәм эшкәртү сәнәгате хезмәтчәннәре көне уңаеннан котлау
Авыл хуҗалыгы һәм эшкәртү сәнәгате хезмәтчәннәре көне — барыбыз өчен дә әһәмиятле вакыйга. Авыл кешесе хезмәтенә кадер-хөрмәт күрсәтә белүебез бу һөнәри бәйрәмне дәрәҗәле итә.
Көз җиткәч, басу-кырлардагы, терлекчелек фермаларындагы эшләргә йомгак ясау, авыл хуҗалыгы алдынгыларына олы рәхмәтебезне белдерү — иң күркәм традицияләребезнең берсе. Быел һава шартлары игенчеләрне зур сынаулар алдына куйды. Шуңа да карамастан, тармак хезмәтчәннәре сынатмадылар, үз бурычларын намус белән үтәделәр һәм үтиләр, хезмәттә фидакарьлек үрнәге күрсәтеп, яхшы нәтиҗәләргә ирештеләр һәм республикада тулаем җыем буенча алдынгы урыннарны яулап, авыл хуҗалыгында үзебезнең күркәм традицияләрне саклап калуга ирештек.
Хөрмәтле авыл хуҗалыгы һәм эшкәртү сәнәгате хезмәтчәннәре! Мөхтәрәм аграр тармак ветераннары! Сезне һөнәри бәйрәмегез белән ихлас күңелдән котлыйм.
Кыенлыклар белән исәпләшмичә, үз эшен намус белән башкарган, табыннарыбызда азык-төлек муллыгын тәэмин итү өчен тырышкан тәҗрибәле игенчеләребез, механизаторларыбыз, терлекчеләребез, гомумән, күпкырлы авыл хуҗалыгының фидакарь хезмәтчәннәре белән чын мәгънәсендә горурланабыз. Кадерле авыл хуҗалыгы хезмәтчәннәре, эшкәртү сәнәгате хезмәткәрләре! Тырыш хезмәтегез өчен олы рәхмәтемне кабул итеп алыгыз. Сезгә һәм сезнең гаиләләрегезгә, туганнарыгызга, якыннарыгызга нык сәламәтлек, бәхет, күтәренке рух һәм яңа хезмәт җиңүләре телим.
Олы хөрмәт белән район башлыгы Рамил Нотфуллин
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Оставляйте реакции
К сожалению, реакцию можно поставить не более одного раза 
Мы работаем над улучшением нашего сервиса
Теги:
250
Авыл хуҗалыгы
Хөрмәтле авыл хуҗалыгы хезмәтчәннәре, әлеге тармакта эшләп лаеклы ялга чыккан ветераннар! Һөнәри бәйрәмегез – Авыл хуҗалыгы хезмәтчәннәре көне белән сезне ихластан котлыйбыз.
Җиргә карата хуҗаларча мөнәсәбәтегез, җаваплы булуыгыз белән сез авыл хуҗалыгы үсеше өчен уңай шартлар тудырасыз.
Кыенлыклар белән исәпләшмичә көнне төнгә ялгап эшләүче, табыннарыбызны мул итү өчен тырышкан тәҗрибәле игенчеләребез, механизаторларыбыз, терлекчеләребез белән, чын мәгънәсендә, горурланабыз һәм сезгә сокланабыз.
Бәйрәм көнендә тырыш хезмәтегез өчен олы рәхмәтләребезне кабул итеп алыгыз. Сезгә һәм гаиләләрегезгә, олы хөрмәткә лаек ветераннарга нык сәламәтлек, бәхет, күтәренке рух, яңа хезмәт җиңүләре телибез.
Район башлыгы Валерий МАКАРОВ.
Район башкарма комитеты җитәкчесе Андрей АВДЕЕВ.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Оставляйте реакции
К сожалению, реакцию можно поставить не более одного раза
Мы работаем над улучшением нашего сервиса
«Туган авылым – горурлыгым»
темасына класстан тыш чара
Төзеде: башлангыч сыйныф
укытычысы Нуриева С. В.
2015 ел.
Максат: авылыбызның тарихи үткәне, аның табигате, чишмә-таулары,аларның атамаларының килеп чыгышы, тарихы турында тулырак мәгълүмат бирү;табигатьне сакларга, аңа мәрхәмәтле , игътибарлы булырга өйрәтү, туган төбәгебезне ярату, аның белән горурлана белү хисе тәрбияләү.
Шушы максаттан чыгып бурычлар:
- Әхмәт авылының барлыкка килү тарихын өйрәнү;
- Әхмәт авылының билгеле кешеләре белән танышу;
- Бөек Ватан сугышы ветераннарның тормыш юлы белән танышу.
Җиһазлау : плакат ,авыл картасы, фотографиялар.
Чараның барышы.
Җыр “ Башкортостан – Родина моя”
Ризван: Кадерледән дә кадерле
Туган үскән ил генә.
Чит – ят җирләр күп булса да,
Туган җирем бер генә.
Айгиз: Син тәүге кат баскан җирем,
Кояшлы таңым минем.
Иң шат булып җирем,
Авылым – даным минем.
Чулпан: Авылым матурлыгына
Таң калам, сокланам мин.
Чөнки аның туфрагына
Тәпи баскан бала мин.
Фирзәт: Туган якта сулар, һава гел саф,
Җилләре дә йомшак сирпелә.
Кендек каны тамган, тәпи баскан
Туган ягы кирәк кешегә.
Айдар: Бәхет елмаеп, шатлык килсә,
Ашлык ойсәң бөек көшелгә,
Шатлыкларны уртаклашыр өчен
Туган ягы кирәк кешегә.
Алина: Кайгы-хәсрәт төшсә иңнәреңә,
Эшләрең гел китсә кирегә.
Авыр чакта кайтып сыенырга
Туган ягы кирә кешегә.
Урал: Читтә йөргән чакта сагындырып,
Керер өчен төнлә төшенә
Зәңгәр таңлы, биек аяз күкле
Туган ягы кирәк кешегә.
Аделина: Сагыш-сагынудан туган хисләр
Уятсалар кереп төшеңә,
Дәрман алып, бер рухланыр өчен
Туган ягы кирәк кешегә.
Миләүшә: Яшәсен урман-кырлар,
Күктә тургай сайрасын.
Гөлчәчәкләргә күмелсен,
Гел яшәсен Ватаным!
Туган авыл…Туган җир …
Йөрәккә нинди якын һәм кадерле бу сүзләр . Безнең һәрберебезнең газиз туган йорты,нигезе урнашкан кадерле туган авылы бар . Һәр авылның үзенә генә хас кабатланмас,истә кала торган урыннары күп
Сокланып туймаслык тугайлар, челтерәп ага торган йөгерек чишмә буйлары,җикән камыш белән капланган сазлыклар ,балыклы күлләр, куе әрәмәләр белән уратылган елга үзәннәре ,туган ягыбызның кырлары, басулары, шаулап торган урманнары күңелләргә рәхәтлек биреп туган туфракка мәхәббәт тәрбияли. Кая гына барсак та,туган төбәгебезнең гүзәллеген берни дә алмаштыра алмый . Туган ягыбызның һәр сукмагы,һәр агачы ,һәр үләне,аның барча кешеләре күңелгә ифрат та якын. Тәпиләп киткән, беренче тапкыр әттә-әннә дип әйтергә өйрәнгән вакыттан ук күңел түренә туган телебез аша кереп утырган ул кадерле урыннар.
Һәр авылның тирә-юнь табигатен су чыганаклары бизи . Халыкның тормышы су белән бәйле. Әхмәт авылы бик уңайлы җиргә урнашкан. Авылның менә дигән көтүлекләре,печәнле болыннары,урманнары бар.
Укытучы: Исәнмесез,укучылар, кунаклар! Без бүген авылыбыз,аның салкын, саф сулы чишмәләре, балыклы күлләре,үзенчәлекле таулары буйлап сәяхәткә чыгабыз.Аларның исемнәренең килеп чыгышы белән танышырбыз. Чөнки исем, атамаларда безнең тарих тамырларыбыз. Ләкин аларның күбесен яшь буын инде белми,алар онытыла, юкка чыга баралар. Күп кенә атамалар һәйкәл кебек бик күп серләрне узләрендә саклыйлар. Аларны барлау һәм ачыклау безнең изге бурычыбыз.
Җыр “ Туган авыл”
Тау башына салынгандыр безнең авыл,
Бер чишмә бар якын безнең авылга ул…
Г.Тукайның бу юлларын укыгач, минем күз алдыма үз авылым килеп баса. Чөнки Әхмәт тә тау итәгендә.Якында гына чишмәләре.Әйдәгез шушы гүзәл табигатьле авылыбыз буйлап сәяхәтебезне башлыйк. Иң беренче тукталышыбыз “Тарих”.
- Самигуллина Гөлназ “ Рафик һәм Яңа Мәскәү” авыллары чыгышы.
- Зарипова Миләүшә “ Әхмәт” авылының килеп чыгышы
Ләлә апа йомгак ясый
Укытучы: Рәхмәт, юлыбызны дәвам итик.
2 нче тукталышыбызның исемен белү өчен табышмакның җавабын белергә кирәк.
Бертуктаусыз көн-төн ага ,
Бөтен кеше рәхмәт әйтә аңа. (чишмә)
Газетдинова Әлфия җыр “Туган авылым”
Авылым -тау куенында,
Борма инеш буенда .
Кайларга барсам да,
Һаман минем уемда.
Хәтфә таулар ,зифа таллар,
Җиләкле үзәннәрең,
Синдә генә сихри моңы
Тылсымлы чишмәләрнең.
Яр астында чишмә ага,
Челтер-челтер тавышы.
Җил искәндә иелеп кала
Читенә үскән камышы.
Челтер-челтер чишмәбез,
Ярдан балчык ишмәгез.
Суны шуннан эчегез,
Башка җирдән эчмәгез.
“Чишмә”тукталышы
Чишмәләр турында мәгълүмат бирү.Слайдта авыл чишмәләре күрсәтелә.
Елга-күлләр, чишмәләр атамалары безнең борынгы тарихыбызны, данлы үткәнебезне көзгедәге кебек чагылдыралар. Бер атама да юкка гына бирелмәгән. Аларның нигезендә берәр сәбәп ята.Әйе,һәр чишмәнең үз тарихы, үз моңы, үз агымы, үз юлы бар. Бер ише шарлап ага, тавышы еракларга ишетелә, икенчеләре исә әкрен генә үзенә юл ала. Өченчеләре, җир куеныннан кайнап, ургылып чыга.
Җир куеныннан көмеш балдаклар чыгарып ургылучы чишмәләр кемгә генә кадерле түгел икән? Яшел чирәмле чишмә юлы безгә тормышка юл күрсәтә. Чишмәләр кайнап чыгуын без һәрвакыт үзебезнең йөрәк тибеше аша тоябыз.
Салих коесы. Урдалы тау астында бик күркәм акланда челтрәп чишмә ага. Аны Салих коесы дип йөртәләр.Чөнки аңа Салих дигән бабай нигез салган. Шушы кое бик күп еллар буена халыкка файда китерә.
Фәрит: Безнең чишмә борыла-борыла
Зур инешкә коела
Чишмәлекул шундый бик күп
Чишмәләрдән җыела.
Айгиз: Сусавымны басар кебек
Туган як чишмәләре.
Җилләрнең дә иң назлысы
Шул яктан искәннәре.
Урал:Туган ягым,туган авылым,
Мин-синең газиз балаң.
Саф сулы чишмәләреңнән
Җаныма сихәт алам
Укытучы: Балалар, без сәяхәтебезне дәвам итәбез. Мин сезгә табышмак әйтәм. Җавабын белсәгез, тукталышның исемен дә белә аласыз.
Үзем кызу җәйдә торам,
Башым белән кышка җитәм. (Тау)
Укытучы: 5 нче тукталышыбыз “ Таулар» .(слайдтан карау ) Сез шулай ук тау атамаларының килеп чыгышын да өйрәндегез, әйдәгез тыңлап үтик.
Әхмәт авылы тауларга бай: Готлунд, Кылыч тау, Урдалы тавы, Таштау, Нәскәй тавы, Бурлы тавы, Кызыл тау.
- Рудин “ Готлунд” тавы
- Фәрит “ Урдалы тавы ”
“Киндер туку” биюе.
Сәяхәтебезне дәвам итәбез юлыбыз ерак , юлга кузгалыйк.
Укытучы :Алдагы тукталышыбыз “ Мәктәп” тарихы.
Зөхрә: Кеше гомере мәктәп юлы аша
Моңлы бер җыр булып сузыла.
Сукмакларын яра-яра
Киләчәккә юлы сызыла.
Тормыш дигән олы юллар буйлап,
Адаштырмый бару өчен әйдәп,
Барысын туплап бирә мәктәп.
Азалия: Кешеләргә шәфкать, көч өләшеп,
Еллар узган, күпме таң аткан.
Туганда ук, табигать үк Сезне,
Ахры, укытучы итеп яраткан!..
Әйе, бу сүзләр турыдан туры бөтен гомерен балаларга белем һәм тәрбия бирүгә багышлаган, Әхмәт авылында бик озак еллар укытучы булып эшләгән Хабибуллина Фина Фоат кызы турында.Ул әтисе Касимов Фоат хәзрәтнең эшен дәвам иткән. Үзегезнең истәлекләрегез белән безнең белән дә уртаклашсагыз иде. Рәхим итегез.
Касимова Фина Фоат кызына сүз бирелә.
Рәхмәт Фина апа. Алдагы тукталышыбыз “Күренекле кешеләр”
Вилнар Ни белән үлчәнә гомер?
Эзләре белән…
Кеше күңеленә орлык итеп
Салган сүзләре белән.
Һәр төбәк үзенең данлыклы уллары, кызлары белән горурлана. Төбәккә бәяне дә шуннан чыккан күренекле кешеләрнең дәрәҗәсенә карап бирәләр. Авылыбызның данлыклы тарихы, күренекле,бөек, мактаулы исемнәр алган мөхтәрәм кешеләре бихисап. Аларның һәрберсе – зур тарихлы Әхмәт мәктәбен тәмамлаган шәхесләр. Бүгенге бәйрәмдә аларның барысын да атап китеп булмаса да, кайберләрен искә алып үтми мөмкин түгел.
Рудин: Кеше җирдә йорт – җир, нигез кора,
Тимәс диеп җилләр, салкыннар.
Зур илемнең рухи хәзинәсе,
Чал тарихы булган халкы бар.
Хәтерләүдән курыкма син!
Үткәннәрне онытма син!
Бел син ерак бабайларның
Ничек итеп көн иткәнен,
Ни иккәнен, ни чәчкәнен,
Нинди уйлар, нинди моңнар
Безгә калдырып киткәнен.
Гөлназ: Нур Гайсин “Безнең туган як ”
Әлфия: Нур Гайсинның тормыш юлы.
Әлфия, Рудин: Туган ягым – Базы буе.
Билгеле Башкортостанның мәдәният хезмәткәре Марис Назыйф улы Нәзировның да тамырлары Әхмәт авылына килеп тоташа.
Фәрит:М. Назиров “Нигез”.
Рудин: җыр “ Туган авыл”
Искиткеч матур тәбигатьле үстем мин. авылда нибары ике урам. Шул урамнарны “ Базы” дип исем кушылган елга аерып тора. Елга мул сулы, балыклы. Яулык белән, кабык белән балык тота идек. Трактор тәгәрмәченә дә ияреп чыга иде балык. Безнең як халкын ачлык-ялангачлыктан Базы елгасы алып калган дип сөйлиләр. Бу сүзләрдә хаклык бик зур. Гомумән, Ходай Тәгалә, безнең як халкына бай табигать бүләк иткән. Авыл белән янәшәдә генә – Кызыл тау. Кызыл тауның хикмәте бар: шул таулыкта чия урманнары, җимеш өлгергәч тау чыннан да кып-кызыл була, ул матурлыкны, андагы муллыкны язып кына, сөйләп кенә бетерерлек түгел. Бөтен матурлык шунда туплангандыр кебек – дип әйтә Җәвит Шакиров.
“Үги әни” (Җ. Шакиров) (26 җыр)
Гөлназ Җ.Шакиров турында сөйли.
Бәйрәмебезне дәвам итеп, хәзерге көндә доцент Сабиров Рабис Назыйф улы турында әйтеп үтәсе килә.
Аделина Сабиров Р.Н. — тормыш юлы.
Энҗе: Безнең өчен бит бу изге туфрак,
Тамырыбыз моннан таралган.
Милләтебез монда яралган,
Һәрбер нәсел үзенә җан алган.
Сәяхәтебезне дәвам итәбез. Әхмәт авылыннан 2 дистәдән артык медицина хезмәткәрләре чыккан. Шуларның күбесе Исхаковлар династиясыннан .
Республикабызның иң абруйлы хирургларының берсе Шәрипов Мөхәммәтгариф Мөхәммәтгали улы турында да сөйләп үтәсе килә..
Гөлназ: “ Күрәсем килә”
Алдагы тукталыш “Ветераннар”
Әхмәт авылына Бөек Ватан сугышына 142 кеше китә. 46 исән-сау әйләнеп кайта, ә 96-сы вафат була. Ә көндә безнең авлда 2 ветеран яши.
Сүзне исхаков Фәһим Сахибҗамал улына бирәбез.
Шафиков Әкрәм _______________ улына бирәбез.
Үзенең карт картәтәсе Касимов Васил Харис улы турында Азалия сөйли.
Вилнар – Касимов Фоат Нурлыгаян турында сөйли.
Бию: “ Танго”
Дөньяда төрле авыллар бар. Бер авыл – үзенең таулары, икенчесе – сулары, өченчесе – урманнары белән дан тота. Ә минем авылым шуларның барсы белән дә мәшһүр.
Туган ягым, туган авылым, Әхмәтем!
Аның туфрагында йөзләгән, меңләгән кешеләрнең эзе калган һәм аларның өчен дә ул туган авыл, туган як, туган төяк. Шул кешеләрнең кул көче, акылы белән авылым көннән-көн баеган, матурланган. Мин Сәлих коесы чишмәсенең сафлыгына, ялан-кырлардагы чәчкәләрнең гүзәллегенә, Таштау өстендәге һәм Нәзкәй таудагы чыршылырның яшелеллегенә һәм каеннарның төзлегенә сокланам. Авылым табигате белән генә түгел, кешеләре белән дә матур. Ул миндә горурлык тойгысы уята. Безнең авылдан күренекле язучылар, җырчылар, хәрби кешеләр врачлар укутучылар чыккан.
Киләчәктә ул тагын да гүзәлрәк булыр. Чөнки аның киләчәге – без- бу мәктәп укучылары.
Соклангыч матур җирләр күп булса да, туган җиргә җитми. Табигатьнең матурлыгы әти-әниләрнең тормыш итә торган йорты һәм нәкъ менә туган туфрагым булган өчен дә шулай якын ул.
Мин авылымны яратам, горурланам.
Әлфия: Чәчәкләрдән матур илең булу,
Анда яшәү нинди күңелле!
Ерак үткәндәге йөз елга да
Бирмәс идем бер көнемне.
Бәхетле булып тудык без
Бу якты илдә.
Хуҗалар булып калырбыз
Мәңге бу җирдә!
Җыр “ Кояшлы ил”
Язмалар
Авыл хуҗалыгы хезмәтчәннәренең фидакарь хезмәте турында
Бу көннәрдә булдыклы игенче-механизаторларыбыз, уңган терлекчеләребез район үзәгендә узачак бәйрәмгә әзерләнә. Аларның берише башкалада узган Уңыш бәйрәмендә катнашып кайтты. Игенчелекне үстерүгә, ил табынын баетуга ел әйләнәсе куйган хезмәтләрен бәяләп, аларны хөрмәтләү тантанасына чакырдылар. Кирәк чагында алны-ялны белмәгән авыл хезмәтчәннәрен дә сәхнә түреннән күрү бәхетенә ирештек. 29 сентябрь көнне башкалада узган…
Бу көннәрдә булдыклы игенче-механизаторларыбыз, уңган терлекчеләребез район үзәгендә узачак бәйрәмгә әзерләнә. Аларның берише башкалада узган Уңыш бәйрәмендә катнашып кайтты. Игенчелекне үстерүгә, ил табынын баетуга ел әйләнәсе куйган хезмәтләрен бәяләп, аларны хөрмәтләү тантанасына чакырдылар. Кирәк чагында алны-ялны белмәгән авыл хезмәтчәннәрен дә сәхнә түреннән күрү бәхетенә ирештек. 29 сентябрь көнне башкалада узган бәйрәмдә муниципаль район башлыгы Илдус Зарипов җитәкчелегендә 12 кешедән торган делегация катнашты. Иң-иңнәре республикабыз җитәкчелеге кулыннан бүләк алды.
Җаваплылыгы чикләгән «Алан» ширкәте савымчысы Алсу Нурисламова, «Теләче Агро» ширкәте механизаторы Рәҗәп Гарипов, «Таң» ширкәте механизаторы Әмир Әскаровларның гына түгел, алар кебек үк мәртәбәле бәйрәмгә чакырылучыларның бәйрәм алды ыгы-зыгысы бүген. Алай гына да түгел, республиканың аграр министрлыгында да, район авыл хуҗалыгы һәм азык-төлек идарәсендә дә сизелә бу җанлылык.
Сүз дә юк, әлеге уңышларда урыннарда эшләүче җитәкчелек һәм белгечләрнең дә, шул исәптән җаваплылыгы чикләнгән «Алан» ширкәте җитәкчесе Хәбир Фәсхетдиновның, гади терлекче һәм механизаторлар — җаваплылыгы чикләнгән «Агролак» ширкәте сыер савучысы Зөлфия Шәмсетдинованың, җаваплылыгы чикләнгән «Таң» ширкәте механизаторы Илсур Бикчәнтәевның һәм авыл хуҗалыгында хезмәт куючы бик күп хезмәт ияләренең дә карусыз, тырыш хезмәте кергән. Ул меңнәрчә кешенең күмәк хезмәте.
Шул ук иген кырында тир түккән механизаторларның да, ындыр табагында икмәк җилгәргән укучыларның һәм әби-апаларның да өлеше кергән әлеге уңышларга.
Район авыл хуҗалыгы һәм азык-төлек идарәсе җитәкчесе Ралиф Низаметдинов әйтүенчә, игенчеләребез һәр гектардан 26,8 центнер уңыш җыеп, амбарларга 51161 тонна икмәк салды. Иң күп уңыш җыеп алган хуҗалыклар арасында җаваплылыклары чикләнгән «Алан», «Игенче», «Теләче Агро», «Таң», «Агролак» ширкәтләре бар. «Алан» ширкәте игенчеләре тулаем 7674 тонна иген уңышы җыеп куандырса, «Игенче» ширкәте игенчеләре 5029 тонна уңыш җый нап, ил табынын баетты.
Реклама
Кемгә ничектер, миңа калса, авыл хуҗалыгы хезмәтчәннәре көнен каршылаганда, игенчеләр хезмәте ешрак телгә алына кебек. Бәлки бу кыр эшләре төгәлләнүнең шушы вакытка туры килүенә бәйледер. Терлекчелек бит ул авыл хуҗалыгының ел әйләнә табыш китерүче тармагы. Районда терлекчелек үсешенә, аз чыгымнар тотып, мул продукция алуга нык игътибар бирелә. Иң мөһим фактор — терлекләрнең баш саннары сакланып калган. Бүген район хуҗалыкларында 14245 баш мөгезле эре терлек исәпләнә. Терлекчеләребез тырышлыгы белән агымдагы елның тугыз аенда 15680 тонна сөт һәм 1768 тонна ит җитештерелгән. Хезмәт шартлары да куандырырлык. Инде берничә ел рәттән федераль программа нигезендә кайбер хуҗалыкларның терлек торакларына ремонт үткәрелде. Әлеге мөмкинлекне җаваплылыгы чиклән-гән «Алан», «Игенче» һәм «Агролак» ширкәтләре оста файдаланды. Әлбәттә, әлеге хуҗалыкларда хезмәт күрсәткечләре дә куанычлы. Бу очракта дәүләт авылларны ташлады дияргә һич кенә дә тел әйләнми. Шундый ук программа нигезендә җаваплы-лыклары чикләнгән «Игенче», «Алан» «Агролак» ширкәтләренең остаханәләренә ремонт үткәрелсә, җаваплылыклары чикләнгән «Теләче Агро», «Алан» ширкәт-ләре үзләренең техника паркын яңа бөртек суктыру комбайннары белән тулыландырдылар. Шулай ук хөкүмәтебез, республика һәм район җитәкчелеге тарафыннан крестьян-фермер хуҗалыкларына, шәхси хуҗалыкларга да зур кайгыртучанлык һәм игътибар бирелә. Аларга җир, иске терлек торакларын рәсмиләштерүдә бернинди тоткарлыклар юк. Быел да өч һәм аннан күбрәк сыер асраучы хуҗалыкларга бушлай саву аппаратлары өләшенде. Сыер, кәҗә малы тотучыларга бер башка өч һәм бер мең сум хисабыннан акча бирелде. Әлбәттә, мондый ярдәм һәм кайгыртучанлык күңелдә ышаныч тудыра, эшләү теләген арттыра.
Һәр тармакның, һәр һөнәрнең дә тырыш хезмәт ияләре бар. Авыл хуҗалыгы әнә шул фидакарь, тырыш хезмәтчәннәре белән бай һәм тотрыклы! Татар авылларының матурлыгы һәркайсында үзенчә. Ә менә шул гүзәллеккә яңа сауган җылы сөт исе, икмәк исе дә өстәлсә, тагын да ямьле. Әлеге матурлыкны таңның үзе белән уянып, кырга киткән игенчеләр, фермага төшкән терлекчеләр тудыра да инде.
Район авыл хуҗалыгы һәм азык-төлек идарәсе җитәкчесе Ралиф Низаметдинов авыл хезмәтчәннәрен бәйрәм белән ихлас котлап, авыр, әмма игелекле һәм нәтиҗәле хезмәт аша зур җиңүләргә ирешүегезне теләп кала. Һәркайсыбызга яшәеш көче биргән авылның язмышы, яшәү рәвеше сезнең тынгысыз хезмәтегезгә бәйле. Киләчәктә дә мактаулы хезмәтегездә зурдан-зур уңышлар, гаиләгезгә һәм үзегезгә ныклы сәламәтлек, имин көннәр насыйп булсын.
Әңгәмәдәш — Фәнил Нигъмәтҗанов.
Следите за самым важным и интересным в Telegram-каналеТатмедиа
Оставляйте реакции
К сожалению, реакцию можно поставить не более одного раза
Мы работаем над улучшением нашего сервиса
Авыл өчен янып яшәүчеләребез бар.
Туган авылы өчен җан атып яши
Илебездә барган сәяси үзгәрешләр, социаль хәлнең чуарлыгы, шәһәр белән авыл арасындагы аерманың көннән-көн арта баруы, колхоз-совхозларның таркалуы авыл халкының яшәешенә нык тәэсир итте. Авыл җирендә эш урыннары булмау, булган очракта да хезмәт хакының түбән булуы, социаль обьектларның ябыла башлавы аның психологиясенә тискәре йогынты ясады.
Шунысы куанычлы, илебездә барган мондый тискәре үзгәрешләр безнең авылыбызны читләтеп үтте, дисәк тә дөрес булыр. “Ак Барс” агрокомплексы” ширкәте җитәкчелегенең тырышлыгы һәм авыр вакытларда югалып калмавы нәтиҗәсендә авылыбызда бер генә терлекчелек тармагы да ябылмады, машина-трактор паркы гөрләп эшләп тора. Бүгенге көндә авылыбызда урта мәктәп, медпункт, культура йорты, китапханә, кибет һәм мәчет эшли.
Авыл йөзен кешеләр билгели. Авылның төп байлыгы — аның тырыш, уңган, эчкерсез кешеләре. Безнең Курса-Почмак авылы халкы борынгыдан эш сөючән һәм һөнәрле булулары белән аерылып торган. Заманында ул үзенең балта осталары, итек басучылары, тегүчеләре, шәл бәйләүчеләре белән дан тоткан. Тирә-як авылларда: “Курса Почмакта шакы-шокы, ә бездә татлы йокы ”, — дип әйтә торган булганнар.
Авыл яшәсен өчен, ниндидер яңалык булдыру өчен янып йөрүчеләребез бүген дә шактый безнең авылда. Мотыйгуллина Вәсилә Илгиз кызы — шундый шәхесләрнең берсе. Авылны саклап калу, аның элеккеге данын югалтмау өчен җан атып йөри ул. Әти-әнисе Илгиз абый белән Фирая апа да шушы авылда туып үскәннәр, гомер буе шунда яшәп, шунда хезмәт иткәннәр. Алар 5 балага гомер бүләк иткән мөхтәрәм кешеләр. Балаларын да кешелекле, хезмәт сөючән итеп үстергәннәр. Шуларның берсе, алда әйткәнебезчә, үз җиренең чын патриоты Вәсилә ханым. Ул кечкенәдән фермада әнисенә булышып үсә, бер генә авыр эштән дә курыкмый. Авыл баласы булгач, гаиләсе белән бергә колхозда кара көзгә кадәр бәрәңге алырга, чөгендер эшкәртергә, ындыр табагында эшләргә, печән хәзерләргә дә туры килә аңа.
Урта мәктәпне тәмамлап үсеп буйга җиткәч, үзенең авылдашы белән матур гына итеп тормыш корып җибәрәләр. “Эшләгәнгә эш язган ” дигәндәй, төп нигездә калу мөмкинлеге булса да, йорт җитештереп чыгалар. Яшь кенә булсалар да үз көчләре белән буш җирдә йорт һәм каралты-кура төзиләр. Йорт төзегәндә нинди генә эшләр башкарырга туры килми аларга. Эшләмәгән эшләре юк, көлдән төймә генә төймиләр инде, диләр алар турында авылдашлары. Шул ук вакытта ике бала тәрбияләп үстерәләр.
Ләкин тормыш шома гына бармый. Вәсилә ханымга да төрле сынаулар аша үтәргә туры килә. Үзенең тәвәккәллеге, тырышлыгы, максатчан булуы аркасында төшенкелеккә бирелми, югалып калмый ул. Тормышта юл ярып баруын дәвам итә.
Максатчан, белемгә омтылуы яшьлек хыялын да тормышка ашырырга мөмкинлек бирә аңа. Вәсилә читтән торып Казан мәдәният институтын тәмамлый. Ун елдан артык инде үзенең туган авылында китапханәче булып эшли. Үз эшен яратып, намус белән башкара. Төп эшеннән бушаган арада авыл җирендә генә була торган, бетмәс-төкәнмәс хезмәтне башкарырга да өлгерә. Бүгене көндә дә абзар тутырып мал, кош-корт асрый ул.
Сүз башыбыз шүрәле иде бит әле дигәндәй, Вәсилә Илгиз кызы авылыбызның йөзен саклау калу, анда яшәүчеләрнең тормышын тагын да файдалырак һәм кызыклырак итү өчен башлап йөрүчеләрнең берсе. Ул бер генә чарадан да читтә калмый. Замана белән бергә атларга тырыша, һәр нәрсәдән хәбәрдар, туган авылының киләчәге өчен борчыла, аның уңай эшләренә сөенә, җитешсезлекләренә ихластан көенә ул. Авыл җирлеге үткәргән җыеннарда авыл өчен мөһим мәсьәләрне дә күтәрә белә. Үзенең туры сүзле, киләчәккә карап фикер йөртә, халык белән уртак тел таба белүе нәтиҗәсендә ихтирамга лаек кеше ул .
Мәдәният йорты җитәкчесе Сәрия Фасхиева белән берлектә үзләренең төп эшләреннән тыш бик күп чаралар үткәрәләр алар. Мәсәлән, җәй көне үткәрелгән Авыл көне өчен дә авылдашларыбыз бик рәхмәтле аларга. Никадәр туганнарны, сабакташларны, яшьлек дусларын, әби-бабайларны очраштырды һәм серләштерде бит алар. Бу бәйрәмне киләсе елга да үткәрергә, аңарчы авыл эчендәге юлларны рәтләргә, капка төпләрен матурларга кирәк, дип таралышты авылдашлар. Бу фикер үзе үк инде халыкның авыл язмышы, аның йөзе турында борчыла башлавын күрсәтә.
Реклама
Гомумән, Вәсилә Мотыйгуллина кешеләрне ышандыра белә, һәркем белән уртак тел таба. Ул балалар белән дә ихлас күңелдән сөйләшә, аларны игътибар белән тыңлый, аларның хәлләрен сораштыра. Күрше-тирә балаларын җыеп, авыл тирәли сәяхәтләр оештыра, авылыбызның матур табигате белән таныштыра, аларга милли уеннарыбызны өйрәтә. Уен барышында аларга тәрбияви киңәшләрен бирә. Шулай итеп, Туган җиребезгә мәхәббәт тәрбияли. Кич җитүгә безнең оныкларыбыз: “Бүген Вәсилә апа янына уйнарга керәбез”, — дип ашкынып торалар. Соңгы вакытта авылда балалар өчен ял итү мәйданчыгы төзү идеясы белән янып йөрүчеләрнең дә берсе ул.
Вәсилә ханым барлык күршеләре белән яхшы дустанә мөнәсәбәттә яши, һәрвакытта да көченнән килгәнчә ярдәм итәргә тырыша. Берәр аңлашылмаучылык килеп чыкса, аны тиз генә үпкәләшмичә хәл итү юлын таба.
Дөньяда рәхимсезлек көчәйде, кешенең чит кешедә эше юк, дип сөйләнәбез. Ләкин бар кешегә бер төрле мөһер сугарга ярамый. Әнә, Вәсилә ялгызы гына көн күрүче әбекәйне үз яннарына алды. Кайбер кешеләр үз әниләрен дә карамаган вакытта бөтенләй чит-ят кешене тәрбияләү һәркемнең дә көченнән килми. Шундый шәфкатьле, миһербанлы кешеләр сирәк очрый, әмма бар алар.
Тынгысыз җанлы, туганнарының, туган җиренең, авылдашларының кадерен белеп яшәүче Вәсилә Илгиз кызына ныклы сәламәтлек, эшендә тагын да зуррак уңышлар, гаилә бәхете, җан тынычлыгы телибез. Кешеләргә эшләгән игелегенең әҗер-савапларына ирешергә язсын.
Минҗан Галимҗанов.
К сожалению, реакцию можно поставить не более одного раза
Мы работаем над улучшением нашего сервиса
Яңалыклар
Авыл хуҗалыгы хезмәтчәннәре хөрмәтләнде (ФОТОРЕПОРТАЖ)
Мөслим — чиста авыл хуҗалыгы районы. Борынгыдан ук җиребездә иген иккәннәр, терлек тотканнар, кош-корт үстергәннәр. Еллар үткән саен авыл хуҗалыгы тармагында хуҗалык итүнең төрле формалары барлыкка килде. Бүген җирлегебездә тармакны агрофирмалар белән бергә ике дистәгә якын крестьян-фермер хуҗалыгы, гаилә фермалары, кошчы фермерлар тота. Еллар үткән саен, кул көче кими барып,…
Тантанада катнашучыларны иң элек район башлыгы Рамил Муллин да тәбрикләде. «Кайсы гына тармакны алып карасак та, бөтен эшебез, тормышыбыз җир белән бәйле. Җирне хезмәт кешесе тәрбияли, җир исә үзен тәрбияләүченең хезмәтен данлы, мактаулы итә. Бүгенге бәйрәмдә катнашучы һәм бәйрәмгә килә алмаган барлык авыл хуҗалыгы хезмәтчәннәрен бәйрәм белән тәбрик итәм. Куйган хезмәтегезнең нәтиҗәсен күреп, сәламәт яшәгез» — дип, үзенең рәхмәт сүзләрен җиткерде ул.
«Хезмәте авыр булса да, ризыгы тәмле», ди халык. Күпереп пешкән икмәк табыннарыбызда урын алганга кадәр күпме хезмәт куела, күпме маңгай тире тама?! Син яңгыр көткәндә кояш кыздыра, син кояш көткәндә көннәр буе яңгыр ява. Басу-кырларда хезмәт куючы механизатор, комбайнчылар, орлыкны җир куенына салып, уңышны җыеп алуга кадәр күпме йокысыз төннәр, борчулы көннәр үткәрә. Бәйрәм тантанасында сәхнә түренә нәкъ менә игенчеләрнең беренче булып күтәрелүе юкка түгел. Аларга район башлыгы Рамил Муллин һәм район авыл хуҗалыгы һәм азык төлек идарәсе начальнигы Альберт Хуҗин район башлыгының Рәхмәт хатын һәм кыйммәтле пакетлар тапшырды.
Иген уңышы югары булсын өчен — җирнең яхшылап эшкәртелүе, үстерелгән уңышны амбарларга урнаштыруда оста шоферлар кирәк. Бәйрәм сәхнәсендә җир эшкәртүдә югары күрсәткечләргә ирешкән механизаторлар, ашлык ташуда өлгерлек күрсәткән алдынгы шоферлар район башлыгы кулыннан бүләк алдылар.
Мөслим данын еракларга таратуда, чит өлкәләргә танытуда «Агромастер» җитештерү компаниясенең өлеше бәяләп бетергесез. Биредә җитештерелгән агрегатларны ерак төбәкләрдән үк килеп алалар. Компаниянең энергия саклауга корылган тракторлар да җитештерә башлавы аларның ни дәрәҗәдә алга китүләрен дәлилли. Биредә җитештерелгән һәр агрегат иң элек «Исламов» хуҗалыгы кырларында сынау уза. Ике тармакның да җитәкләүче Илгиз Исламов: «Безнең бөтен байлыгыбыз — җир һәм бу залда утыручы халык. Әллә нинди куәтле техникалар чыгарып та, аларда сезнең кебек тырышып, яратып эшләүче эшче куллар булмаса, бернинди дә уңышка ирешә алмас идек», — дип, алдынгыларга рәхмәтләрен җиткерде.
Авыл хуҗалыгының терлекчелек тармагы да, һәр көнне тынгысыз хезмәтне таләп итә. Тармакта эшләүчеләр өчен бәйрәм көне дә, ял көне дә юк. Тантана барышында, терлек азыгы әзерләүдә югары күрсәткечләргә ирешкән механизаторлар, сыер савучылар, бозау караучылар да район башлыгының бүләген кабул итте.
Әлбәттә, авыл хуҗалыгының һәр тармагында да эшне профессиональ дәрәҗәдә оста оештыручы җитәкчеләр, белгечләр һәм хезмәткәрләр бар. Бәйрәм тантанасында, бертөркем шундый райондашларыбызга, Россия Федерациясенең, Татарстан Республикасының дәрәҗәле бүләкләре, мактаулы исемнәре бирелде, муниципаль район башлыгының Мактау кәгазьләре тапшырылды.
Район мәдәният йортының «Ык буйлары» җыр һәм бию ансамбле, «Мөслим» тугайлары» фольклор ансамбле һәм үзешчән сәнгатьтә катнашучы егет-кызлары хезмәт алдынгыларына үзләренең җыр-моңнарын, дәртле биюләрен бүләк иттеләр.
БҮЛӘКЛӘНҮЧЕЛӘР:
Агропромышленность комплексында күпьеллык намуслы хезмәте өчен Шәрипов Рөстәм Мирзагали улына «Россия Федерациясенең атказанган авыл хуҗалыгы хезмәткәре»дигән мактаулы исем бирелде.
«Туган як» агрофирмасының «Мәллә» бүлекчәсе бухгалтеры Хатыйпова Әлфинә Әзһәр кызы; район дәүләт ветеринария берләшмәсенең ветврач-серологы Габдуллина Рәмилә Зәкәрия кызы; район дәүләт ветеринария берләшмәсенең ветврач-ветсанэксперты Фазлыева Рәзилә Гали кызы; ветеран җитәкче Талыйпов Илфак Әмир улы Россия Федерациясе Авыл хуҗалыгы министрлыгының Рәхмәте белән бүләкләнделәр.
«Исламов» фермер хуҗалыгының директор урынбасары Вагыйзов Фәндүс Хәмзә улына «Татарстан Республикасының атказанган авыл хуҗалыгы хезмәткәре» дигән мактаулы исем бирелде.
«Туган як» агрофирмасы җәмгыяте осеминаторы Хатыйпова Клара Миңнеәхтәм кызы; «Органик Групп Ык» җәмгыятенең «Дуслык» бүлекчәсе инженеры Зарипов Илнур Нәҗип улы; «Шиһапов» фермер хуҗалыгы җитәкчесе Шиһапов Илсур Гайнетдин улы; «Органик Групп Урожай» җәмгыятенең баш бухгалтеры Шәймәрданова Флүсә Хөснетдин кызы; «Органик Групп Урожай» җәмгыятенең «Мәгариф» бүлекчәсе сыер савучысы Миргалиева Суфия Фәнис кызы; «Әюпов» фермер хуҗалыгы җитәкчесе Әюпов Рамил Миргалим улы Татарстан Республикасы Авыл хуҗалыгы һәм азык-төлек министрлыгының Мактау грамотасы белән бүләкләнделәр.
.JPG)
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Оставляйте реакции
К сожалению, реакцию можно поставить не более одного раза
Мы работаем над улучшением нашего сервиса
Яңалыклар
Хөрмәтле авыл хуҗалыгы һәм эшкәртү сәнәгате хезмәткәрләре!
Барыгызны да чын күңелдән һөнәри бәйрәмегез – Авыл хуҗалыгы һәм эшкәртү сәнәгате хезмәткәрләре көне белән котлыйм.
Сезнең, авыл хуҗалыгы предприятиеләре эшчәннәренең, тырыш, тынгысыз хезмәте белән илдә азык-төлек муллыгы булдырыла. Икмәк – ул тормыш нигезе, безнең бүгенге муллыгыбыз һәм иртәгәсе көнгә ышаныч билгесе. Шуңа да авыл хезмәтчәннәренең көзге байлык чорында уза торган Уңыш бәйрәме – барыбыз өчен дә аеруча әһәмиятле вакыйга.
Уртак тырышлык нәтиҗәсендә быел район басуларыннан 133 мең тоннадан артык икмәк җыеп алып, амбарларга салдык. Бер гектардан уртача 31,3 центнер уңыш чыкты. Яшелчә үстерүдә дә күрсәткечләребез яхшы. Ел башыннан 20 мең тоннадан артык сөт, тере авырлыкта 99 мең тоннадан артык ит җитештердек. Крестьян-фермер һәм шәхси хуҗалыклар тырышлыгы да мактауга лаек. Барысы өчен дә рәхмәт сезгә!
Табыныбызны ризыклы итүче, ил куәтен арттыруга ихлас көчен бирүче авыл хуҗалыгы хезмәтчәннәре! Сезнең иртә таңнан караңгы төнгә кадәр басу-кырларда, кече һәм эре предприятиеләрдә җитештерелә торган продукцияне барыбыз да көн саен көтеп алабыз.
Бәйрәмегез котлы, мөбарәк булсын! Үзегезгә, гаиләгезгә, якыннарыгызга сәламәтлек, иминлек, йортларыгызга бәрәкәт, эшегездә уңышлар, хәерле гомер телим.
Муниципаль район башлыгы – Совет рәисе Фаил Камаев.
Следите за самым важным и интересным в Telegram-каналеТатмедиа
Оставляйте реакции
К сожалению, реакцию можно поставить не более одного раза
Мы работаем над улучшением нашего сервиса
Яңа ел кичәсе – 2020 ел.
Жыр «Яна ел вальсы» , «Лэйсэн» хатын кызлар вокал ансамбле жырлый.
1.Якты өмет сыман, Тузгый ап-ак буран.
Шатлык белән тулы йөрәкләр.
Өр яңа ел килә бәхет керсен илгә .
Телик әле изге теләкләр
2.Ил гел тыныч булсын, Сабыйлар күп тусын.
Кавышсыннар өзлеп сөйгәннәр.
Яшәсеннәр бергә Һәркемдә бит җиргә
Рәхәт яшәр өчен туганнар. — ак карлар ява бурап — бурап
1.Хәерле кич, хөрмәтле дуслар, туган нигезләрен сагынып кайтучы кунаклар! Яңа ел белән сезне!
2.Бусагадан атлап керергә әзер торган 2020 нче ел котлы булсын. Зур сөенечләр, иминлек, беркайчан да бетмәс бәхетләр алып килсен!!!
1.Күңелләргә нур өстәп, иң матур көннәре, игелекле, бәрәкәтле эшләре белән 2019 нче ел илебездән китә. Яңа елга кергәндә без гадәт буенча иске елда узган юлга әйләнеп карыйбыз…
2.Ә хәзер кыскача гына башкарган эшләргә йомгак ясау һәм бәйрәм белән котлау өчен сүзне Кодаш авыл советы биллэмэсе башлыгы Габсалямов Азат Финарат улына бирәбез. Рәхим итегез!..
1.Кар болытын җилләр сүтеп бара,
Ел арты ел шулай үтеп бара.
Уралса да уйлар ак хыялга,
Уза гомер, уза, атлый алга.
2.Ярдан дулкын каккан көймә кебек,
Бер ел чикте дисбе төймә кебек.
Чигәләргә сылап карның агын,
Бер ел шулай узып китте тагын…
Концерт номеры……(1.жыр Алсу Каримова. 2 бию Илюза Хисматова.)
(Уен или Жыр)
1.Петр 1 фәрманы белән Яңа ел 1700 нче елда 1 гыйнварда үткәрелә башлый. Яшебез ничә дә булса да, 8 яшьтәме, 18 дәме, 50 дәме, 70 тәме, мөһим түгел. Яңа елга зур өметләр баглый. Кышның салкын айларында үтүенә карамастан бу бәйрәмне чиксез яратабыз, котеп алабыз.
2.Димәк, бәйрәм җыр – биюсез, әлбәттә инде, уеннарсыз булмый…
Хәзер сәхнәгә кызыклы уенга чакырам. Чама белән 5 кешене.
ничек
Уен: Кайберәүләрнең перчатка белән капчыкка… кар тутырганнары бар, ә менә шырпы кабына шырпы тутырганнары бар микән?
Перчатка белән шырпы тутыру уены.
1.Ап — ак карлар ява бурап — бурап,
Уй — гамьнәрем кайта урап — урап,
Урап кайта б ә х е т көткәннәргә,
Китеп бара ерак үткәннәргә.
Бурап — бурап ап — ак карлар ява,
Аклыклары күңелләргә дәва.
имин юллар гына
Концерт номеры ….(1.Жыр Флорида Хузина,2.Бию Кошки.)
Кадерле дуслар эйдэгез эле бездэ узебезчэ татарча берне оздереп биеп алыйк.
татар биюе башкарыла, биюгә тамашачылар да чакырыла.
1.Дуслар, үзенең Кар кызын ияртеп, яраткан җәнлекләрен, н и к т ер,
үзе белән алмыйча
, мәңге яшь Кыш бабабыз да килеп җиткән. Әйдәгез аларны кул чабып каршы алыйк…
Рәхим итегез, Кыш бабай. Кар кызы,Яна ел!
Кыш бабай. Исәнмесез, улларым, кызларым! Исәнмесез, килгән кунаклар! Котлы булсын Яңа еллар! Яңа ел сезнең барыгызга да бәхет, шатлык, сәламәтлек алып килсен. Күңелләрегез мәңге яшь булып калсын! Юлда килгәндә бик арыдым.
Мин бераз утырып ял итеп алыйм, ә кызым син сөйли тор. Кар кызы.
Дуслар җыелды кичәгә,
Балкый бәйрәм утлары!
Дөнья якты! Бу галәмнең
Җырлаган минутлары!
Сөен, күңел! Уйна да көл,
Килде бәйрәм сәгатең
Куансыннар картлар, яшьләр,
Белеп шатлык сәгатен!..
1.Йә, рәхим ит, Яңа ел, төкле аягың белән.
Яңа ел. Исемем минем — Яңа ел
Мин бәхет таратучы.
Җир йөзендә һәр нәрсәне
Өзелеп яратучы.
Сезне өзелеп сагынганга
Килдем мин яныгызга.
Бәхет, шатлык,
сәламәтлек
Телим мин барчагызга.
Үз илемдә, үз телемдә
Бәйрәм белән котлыйм Сезне.
2020 нче елның
Имин булсын һәрбер көне
2.Рэхмэт амин шулай булсын,эйдэ эле яна ел оздереп берне биептэ курсэт.
(яна ел биюе)
2.Кыш бабай, син ял ит, без сиңа үзебезнең чыгышыбызны күрсәтеп китик әле.
Кон.номер.1. Жыр Фларида Хузина. «Сандугач», 2.Сказка.
2.Уенга рэхим итегез дуслар.Кыш бабай белән берлектә “Фикер йөртү” уены 5-6 кешене чакырабыз. Әйдәгез, Кыш бабай киткәнче аның белән уйнап калыгыз.
Кыш бабай, уен синнән башлана. Үз гомереңдә күп җирләрдә йөрдең, янәшәңдә һәрчак г ү з ә л зат — Кар кызы булды. Син үзең яратып дәшкән иң матур хатын – кыз исемен әйт әле. (Кыш бабай яраткан хатын кыз исемен әйтә. Калганнар чират буенча соңгы хәрефтән башланган хатын-кыз исемен әйтәләр. Кем әтә алмый –шул уеннан чыга бара.Азаккы кеше җиңүче була.)
……М ә с ә л ә н,
1.Хупҗамал – Ландыш – Шаһидә – Әнисә – Әдип – Петр – Раил – Ленар – Рәис – Сәлим- Мостафа –Айрат – Таһир –Рәфис-Сәйдәр – Рифкат – Тәкый – Йолдыз – Зариф – Фаил – Ләбиб – Булат – Таҗи – Ирек- Камил –
ягыннан килдем мин
-Маскалар керә. (киенеп килучелэр булса)
1. Менә Кыш бабай адаштырып калдырган җәнлекләрең дә килеп җитте.
— Әйдәгез, хәзер Кыш бабай белән Кар кызын үзенең якыннары белән биетеп алыйк.
Бию көе куела.
2.Кыш бабай, еллар гасырларга тупланса да, дәртең, яшьлегең һаман арта гына бара. Күңелгә чиксез өметләр, ышаныч, җирдә яшәргә көч бирәсең. Рәхмәт сиңа. Киләсе елларда да сине шулай көтеп алсыннар.
Бию мышки
Кыш бабай. Улларым, кызларым! Сезнең белән бәйрәм бик күңелле булды. Безнең китәр вакытыбыз да җитте. Мин сезнең янда үземнең оныгымны — Яңа елны калдырам. 2020 нче елда барыгыз да аның белән дус булырга тырышыгыз. Яңа ел илебездәге тынычлыкны сакласын, барыбызга да сәламәтлек алып килсен. Оныгым, син кайда кил бирегэ сүз хәзер сиңа.
Кыш бабай белән Кар кызы чыгалар. 1.Әйдәгез, безгә өр яңа ел калдырган, күңелле бәйрәм мизгелләре бүләк иткән Кыш бабай белән Кар кызын алкышлап озатыйк. Сау булыгыз.сәламәтлек
Сказка «Три девицы»
2.Чираттагы уенны тәкъдим итәбез. (жебегэн )
1.Яңа елда исән — мул тормышка
Аяк бассак иде, йа Рабби!
Кил, Яңа ел, изгелегең белән
Явызлыкны беркем яратмый.
2.Күкләр аяз, дөнья имин булсын,
Авырлыклар ишек какмасын.
Шәфкатьле бул, беркем бу тормышта
Шатлык чәчеп, кайгы тапмасын.
1.Иңнәренә тормыш авырлыгын
Күтәрмәсен ялгыз аналар.
Ата — ана тигезлеге белән
Пар канатлы үссен балалар.
Э хэзер барыгызныда яна ел валсына чакырабыз.
Жыр «Лэйсан» хатын кызлар вокал ансамбле.
2.Дөнья матур, илләр имин булсын,
Тыныч булсын туган җиребез.
Сәламәтлек, бәхет, шатлык белән
Узса икән һәрбер көнебез.
1.Хөрмәтле дуслар , кунаклар, бүгенге бәйрәм кичәсендә актив катнашканнар!.. Якынлашып килүче 2020 нче елда барыгыз да сау – сәламәт булыгыз. Кышкы аклыкка. Язгы сафлыкка, җәйге җылылыкка,
көзге муллыкка сөенеп, тормыштан тәм табып, өмет белән яшәгез. Кайгы — хәсрәтләр, борчу — мәшәкатьләр сезне ерактан урап узсын. Яңа елда гына түгел, ә ел буе кәефләрегез һәрвакыт күтәренке булсын. Сау булыгыз!