Бергә. Хәерле кич, хөрмәтле тамашачылар!!!!!!!!!!!
1 А.б.Әнкәйләргә Аллаһ ярдәм бирсен!
Аларгадыр бөтен авырлык.
Әнкәйләргә якты йолдызлардан
Йә кояштан һәйкәл салырлык!
2 А.б. Әни, әнием, әнкәй! Бу сүзне кадерләп, назлап әйтәбез, күңелебездәге бөтен рәхмәтне шушы гади сүзгә салабыз, һәрвакыт яныбызда булган, уңышларыбыз өчен шатланып, кайгыларыбызны уртаклашып яшәгән газиз әниебезгә дәшәбез.
1.А.б. Балагызның берәве сез,
Гаиләнең йөрәге сез,
Иминлекнең терәге сез,
Һәркемнең дә кирәге сез.
Сез чаялар, сез батырлар,
Сез дөньяда иң матурлар.
Сез булганга тормыш ямьле,
Сез булганга яшәү гамьле.
2 А.б. Туганнан алып, әниләребез һәрчак янәшәдә: “Әннә” диеп телебез ачыла,беренче адымнарыбызны күреп, газиз әниләребез сөенә, чәчәк букеты тоттырып, мәктәпкә озатучы да ул! Безнең иң якын киңәшчебез дә, сердәшчебез дә! Аллаһы Тәгалә хатын-кызны йомшак табигатьле, сүзчән, нәфис, хисчән итеп яраткан һәм гүзәл затларга гаиләдәге иң җаваплы, четерекле вазыйфаны – бала тәрбияләүне йөкләгән. Хатын-кыз – иң элек ана һәм гаилә учагын саклаучы ул.
1 А.б. 27 ноябрь – Аналар көне. Шушы бинабызда җыелган барлык аналарны һәм тамашачыларны бәйрәм белән котлыйбыз. Күңел күгегез аяз, тормышларыгыз имин, табыннарыгыз мул булсын, кайгы- хәсрәт күрмичә, балаларыгызның, онык – оныкчыкларыгызның игелеген күреп, исән – имин яшәгез.
2 А.б. Хөрмәтле тамашачылар!Аналар көненә багышланган “Әнием — кадерлем” дип исемләнгән концерт программабызны башлыйбыз. Рәхим итеп карагыз.
( 2)Сезнең каршыгызда Р.Абдуллина җитәкчелегендәге “Сәйләннәр” бию төркеме
3) Әниләрне бәйрәм белән котлап, Исмагилова Ранилә “Мин язларга сине тиңлим, Әнкәй” шигырен укый)
А.б. Йөрәк каның миңа гомер биргән,
Бишек җырың – сандугачлар моңын.
Күкрәк сөтең аша иман иңгән.
Җил – яңгырдан саклый кайнар тының.
Синең хисләр аша җанга күчкән
Илһам нуры яши йөрәгемдә.
Мин бит синең яшьлек өлгең ,Әнкәй,
Синең моң ул минем күзләремдә.
Халык җырын җырладың син безгә,
Атап түгел, тик эш арасында.
Боекканда юатты да ул җыр,
Дәвалады йөрәк ярасын да.
Сагынуга түзә алмый кайчак
Ятасың син мамык түшәгеңә.
Кайтып керсәк, кочагыңа алып,
Сайратасың былбыл түшләреңдә.
Бар сырхавың бетә безне күргәч,
Яшең юа җыерчыклы битне.
Үзең өчен түгел, безнең өчен
Яшьнәп яшәп бар гомерең үтте.
Сүндермә син, Әнкәй, өй учагын,
Йөрәк утың янсын озак еллар.
Күңел җылың тоеп, туган йортка
Кайтсын сагынып безнең кызлар,уллар.
Әле догаларың саклап тора
Борчулардан безне, бәлалардан.
Яшә озак, Әнкәй, игелек күреп,
Безнең дәвам – онык ,балалардан.
4.Ә хәзер – күңелле тәнәфес.”Әҗем бабай – больницада” миниатюрасы
А.б. “Әни, синең хәер-фатихаң” (Ф.Яруллин.)
Ашкынабыз ерак юлларга без
Яулар өчен күбрәк җиңү-дан.
Юлда безне бәлаләрдән саклый,
Әни, синең хәер-фатихаң.
Баш очында кайчак кояш сүнә,
Атмас кебек була якты таң.
Караңгыда безгә юл күрсәтә,
Әни, синең хәер-фатихаң.
Киңәшергә янда дус югында,
Бәргәләнгән чакта ялгыз җан –
Иң акыллы бер киңәшче була,
Әни, синең хәер-фатихаң.
Шунсыз җирдә яшәү мөмкин түгел,
Шунсыз булмас иде безгә сан –
Туган көннән үлгәнчегә кадәр
Кирәк, әни, хәер-фатихаң.
5.Хәзерге җырыбызны тәүге тапкыр ана булу бәхетенә ирешкән Әниләргә багышлыйбыз.”Әниемнең кочагы” Исмагилова Ранилә Исмагилова һәм Гөлфинә Валиахметова .
А.б. Әнкәм назы.( Шәмсия Җиһангирова)
Бишекләргә салгансыңдыр сөеп,
Назлап үпкәнсеңдер чәчемнән.-
Ул назны мин инде хәтерләмим,
Чоңгылына еллар яшергән.
Әллә нишләп сыкрап куя күңел,
Син, әнкәем, искә төшкәндә,
Бишекләрдә бер тибрәлер идем,
Белмәгәндә ниләр эшләргә.
Исемә төшер: нинди иде ул наз –
Әнкәм назы, әнкәм җылысы?
Инде үзем әни булсам да мин,
Синең нәни кызың булыймчы?!
Кагыл әле минем чәчләремә,
Назлап салчы, әнием, бишеккә.
Синең назны тойсам башкасына
Түзәрмен, бирешмәм ничек тә…
6.Сезнең каршыгызда “Сәйләннәр” бию төркеме.
7. “Бала баласы – балдан татлы”, — диләр. Әйе, бу – кадерле әбиләребезнең сүзләре.Әбиләр әниләрне генә түгел, оныкларны да кадерләп үстерүчеләр бит алар.Мухамадиев Әмир “Әйбәт тә минем әби “шигырен укый.
А.б.Кайтсам – китсәм, нурлы йөзең белән
Ишек ачып каршы аласың.
Шулай өзелеп тик әнкәйләр генә
Яратадыр газиз баласын.
Авызыңнан өзеп, өем – өем
Күчтәнәчләр төяп куясың;
Миңа рәхәт: инде картайсам да,
Килә һаман бала буласым.
Кайчакларда, куеныңа сыенып,
Килә үксеп- үксеп елыйсым.
Син генә бит, әнкәй, һәр сүземне
Ихлас күңел белән тыңлыйсың.
…Итәгеңдә утырасым килә,
Тоеп кулларыңның җылысын.
…Кайткан саен нигә миннән , әнкәй,
“Килдеңме, балам?” – дип сорыйсың?
Ничек инде килим?! Очып кайттым!
Җан иңдергән изге нигезгә.
“Синең өең Казанда бит” димә,
Күңелем ятмый минем ул сүзгә.
Туган йортка кайтып кына була! –
Тагын ничә йортың булса да.
Монда мине тибрәлдергән бишек,
Тәпи атлап чыккан бусага.
Инде күптән искергән булса да,
Паркет түгел булса да идән…
Дөньяның бу җәннәт иңгән җире,
Мәккәм шушы минем, Мәдинәм!
Метр да җитмешнең яртысына
Тигезләшеп килсә дә буең, —
Газиз, кадерлерәк беркемем юк! –
Иртән уем синдә, кич уем…
Синең янда үткән бала чагым
Серле әкият кебек мәл сиңа!
Туган йортсыз, назсыз, тәмле сүзсез, —
Синсез үткән гомер жәл миңа.(Ш.Җиһангирова)
8.Ә хәзерге җырыбыз залда утыручы ике тапкыр ана булу бәхетенә ирешкән Әниләргә багышлана.Сезнең каршыгызда Илсөя Валиахметова.”Ак чәчәкләр”
˟ ˟ ˟ ˟
А.б.Кайчан кайтсам да туган ягыма,
Капка төбеннән каршы аласың…
“Кычыткан иде борыным…” диеп,
Әз күчтәнәчне зурлап аласың.
Китә башласам,газиз әнкәем,
Яшь тулы күзең түбән иясең…
“Нәрсә җибәрим…”дип сөйли – сөйли,
Күчтәнәчләрне таудай өясең.
“Каладыр инде әллә нәрсәләр…
Елармын инде, калса, син киткәч…
Җаның теләгән бөтен нәрсәне
Биреп булмый шул ,сирәк күрешкәч…
Сирәк кайтасың…Сагынам тәкатьсез!
Минем өчен шул һаман бала син.
Гел – гел сызланып, әрнеп торучы
Йөрәгемнең иң татлы ярасы…”
“Нәрсә җибәрим…Тагын нәрсә?!” дип
Борчылма, әнкәй, берни кирәкми!
Татлы сүзләрең. Назыңны биреп,
Алып каласың минем йөрәкне…(Ш.Җиһангирова)
9. Ә хәзер сезнең каршыгызда Аккошлар биюе.
˟ ˟ ˟ ˟
А.б.Бүләк иткән ак шәлемне, әнкәй,
Иңнәреңә бер дә япмыйсың,
Керләнмәсен диеп, төреп кенә
Иске сандыгыңда саклыйсың.
Мин бит аны сатып алган идем,
Ашка барган чакта ябар дип,
Озак кайтмый торып сагындырсам,
”Кызым бүләге” дип карар дип.
…Ә син аны һаман кызганасың,
Кара тисә, дисең, керләнсә…
Ап – ак күңелеңә ак шәлкәең
Бик килешер иде югыйсә!
Ничә әйттең инде:
“Шәлеңне, — дип, —
Үлсәм, кире алып китәрсең…”
Әй, әнкәем, ак шәлкәең сине
Алмаштыра алыр микән соң?!(Ш.Җиһангирова)
10. Хәзер башкарылачак җырыбыз өч баласы булган Әниләргә бәйрәм сәламе булып яңгырый.Каримова Энҗе һәм Сабирова Инзилә башкара.
˟ ˟ ˟ ˟
А.б. Әнкәй белән икәү чәй эчәбез,
Ни сөйләшсәк, шул сүз килешә.
“Алай ярамас” дип уйлап тормыйм,
Тарсынмыйм, оялмыйм мин һич тә.
Әнкәм миннән бер гаеп эзләми,
Бәйләнми һәр әйткән сүземә.
Телем белән “былбыллар сайратам”,
Сүзләр сайлап тормыйм үзем дә.
Шәһәрдә бит алай яшәп булмый,
Һәр сүзеңне үлчәп сөйлисең.
Дөнья тулы кеше арасында
Япа – ялгыз иңрәп йөрисең.
Анда сиңа бөтен кеше чит- ят,
Эч сереңне сөйләр кеше юк.
Кайгың бармы, шатлыкларың бармы –
Беркемнең дә синдә эше юк.
Әкрен – әкрен ваемсызлык баса,
Битарафлык били җаныңны.
Минем дә бит садә күңелемә
“Шәһәр җиле” килеп кагылды…
Эчик әле чәйләр тәмләп – тәмләп,
Гөр – гөр килеп икәү, әнкәем,
Авыл җанын пакьләр өчен кайтты
Шәһәрләшкән газиз бәбкәең.(Ш.Җиһангирова)
11.Сезнең каршыгызда янәдән “Сәйләннәр” бию төркеме.
12.Валиахметова Гөлфинә Әниемә.
˟ ˟ ˟ ˟
Изге сыйфатлар(Г.Васыйлова)
Әни!Әнкәй!Нинди якын сүзләр!
Барысын да җыйган эченә.
Матур да ул,изге сүз дә бит ул-
Сокланасың аның көченә.
Сабырлыгың чиктән ашкан, Әнкәй,
Бәхет өләшәсең кул сузып.
Гомер юлың ак буразна булып,
Балкып тора безгә юл сызып.
Изгелекнең синдә чиге юктыр,
Мәрхәмәтең төпсез коедыр.
Саулыгыңны бирсен,я, бер Ходам!
Бәхет нурларында коендыр.
Газиз Әнкәй, синдә генә шулай
Күп җыелган изге сыйфатлар.
”Җәннәт – аналарның аяк асты”-
Диеп әйтә изге китаплар.
13.Хәзер яңгыраячак җырыбыз 4 баласы булган Әниләргә багышлана.Сезнең каршыгызда әниле- кызлы Валиахметовалар.
˟ ˟ ˟ ˟
А.б.Дистәләрне кушып дистәләргә
Сүтәсең син гомер йомгагын.
Һәркем өчен маяк булыр иде
Әнкәй, синең үткән елларың.
Тормыш кичкән чакта сабыр булдың,
Сыгылмадың җилдә ,давылда.
Түземлегең күреп сокланмыйча
Калган кеше бармы авылда?!
Үзең уңган,үзең кешелекле,
Шуңа күрә арта хөрмәтең.
Сиңа карап төшендек без, Әнкәй.
Яшәү серен, гомер кыйммәтен.
Тик бер генә безгә яшәү язган,
Тик бер генә яшәү мизгеле.
Без бәхетле булыр идек,Әнкәй,
Яши алсак синең шикелле.
14.Ә хәзер күңелле тәнәфес – “Поездда” миниатюрасы.
А.б.Фирүзә Җамалетдинова
Каерылып Әнкәй печән чаба,
Шулай чаба иде элек тә.
Мин ташыган булам кочаклап та,
Сәнәк очларына элеп тә.
Ир-егетләр дәшә каерылып:
-Алла ярдәм бирсен сезләргә!
Алсу җиләк.Хуш ис.Яшел болын….
Җиһан ямьсез түземсезләргә.
Эшкә түзем әнкәй.Әткәм белән
Тигез бүлеп, тигез күтәрде.
Күкрәүләрдә чалгы сабы белән
Терәп торыр иде күкләрне.
Алсу йөзле тукранбашлар бии,
Ә болыннар янә яшелдән.
Каерылып печән чаба Әнкәй,
Ялгызлыгын кая яшергән?
Кирәк өчен түгел.Малкае юк,
Бәрәне дә ике баш кына.
Печән чаба, балам күңеле дип,
Әйләнмәсен юллар ташына.
Кайталмыйм шул.Печән вакытларын
Басып китә юллар тузаны.
Бар тузансыз юллардан да җәйнең,
Гомеремнең очып узганы.
Ә мин бүген сабый.Яланаяк
Печән җыям Әнкәй артыннан.
Алсу йөзле тукранбашлар бии,күрче,
Мин эзләгән бәхет – алтыннар…
˟ ˟ ˟ ˟
15. Сезнең каршыгызда “Сәйләннәр” бию төркеме.
А.б. Әнкәйләрдән үрнәк алабыз без.
Әнкәйләрдән күчә тыйнаклык.
Безгә гомер биргән Әнкәйләргә
Исән чакта һәйкәл куярлык.
Ана яши җирдә бала өчен,
Гомер буе булып терәге.
Аккан суга, янган утка керә,
Бала өчен тибә йөрәге.
Бер минут та истән чыгармый ул,
Гомер биргән сөю җимешен.
Җаны белән тоеп яши Ана,
Баласының йөрәк тибешен.
16.Хәзерге җырыбызны 5 баласы булган әниләргә багышлыйбыз.Ранилә Исмагилова һәм Гөлфинә Валиахметова
А.б.Ана күңеле – диңгез. Бар да сыя:
Борчулар да, шатлык – барсы да.
Сөенечле язлар, якты җәйләр,
Көзе – кышы, моңы-зары да.
Дулкынлана диңгез.Баласының
Бочуларын күрсә,хафадан.
Баласына гомер, тәүфыйк сорап,
Яши ана һәркөн Алладан.
Балалары шатлык бүләк итсә,
Йөрәгенә сыймый сөенеч.
Яшәтәсе иде Әниләрне,
Китермичә һич тә көенеч.
Һәрбер Ана тели үз баласын
Гел бәхетле итеп күрергә.
Әзер алар, газиз баласына,
Ярты җанын бүлеп бирергә.
Инсаф, әдәп үрнәге ул һәрчак.
Бөек аның куйган хезмәте.
Ана хакын хаклап, күрсәтик без
Аналарга тиеш хөрмәтне.
17. Хәзер “Попугай” миниатюрасын карап китегез.
А.б.Хатын –кызның йөрәгендә кояш яши.
Бар дөньяны җылытырлык көчкә ия.
Җаны изге, күңеле нечкә нәфис затка
Илбашы да, батырлар да башын ия.
Бала ханнан олы була, дәлилләнгән,
Ә баладан олы була тик Аналар.
Алтмыш яшькә җиткәндә дә ана өчен
Бала булып кала икән ул балалар
Әниләрнең йөрәгенең тирәнлеген
Аңлыйбыз без әни булгач тик үзебез.
Мең тәңкә дә бер Әнине алыштырмас,
Кояш булып мәңге яшә ,Әниебез!
18. Сезнең каршыгызда Исмагилова Ранилә һәм Валиахметова Гөлфинә.
А.б.Бар нәрсәне табып була җирдә,
Табып була эшне, акчаны.
Сатып алып була зур байлыкка,
Чит илдәге гүзәл бакчаны.
Тик сатылмый җирдә сәламәтлек,
Сатып алып булмый гомерне.
Табып булмый әгәр бер югалтсаң,
Бу дөньяда әти-әнине.
Шуңа күрә яшәгәндә дуслар,
Кадерлик без әти-әнине.
Алар безгә гомер бүләк иткән,
Иң газизләр җирдә түгелме?!
Күп нәрсәне рәтләп була җирдә,
Я табыла аның башкасы.
Ә югалтсаң әти-әниләрне,
Аларның бит булмый яңасы.
19. Егетләр башкаруында җырыбыз 6 һәм аннан да күбрәк баласы булган әниләргә багышлана.
20. Сезнең каршыгызда дәртле биюләре белән 6-7 нче класс кызлары.
21.Хор.
Хөрмәтле тамашачылар! Аналар көненә багышланган концертыбыз ахырына якынлашты.
Сезне тагын бер кат бәйрәм белән котлыйбыз һәм бары тик иң изге теләкләребезне генә юллыйбыз.
Әниләр көненә багышланган
сценарий.
«Илгә — матурлык, җиргә — батырлыкны
сез бирәсез, газиз әниләр!»
«Солнышко, радость, счастье моё – мая мама!»
Кичә Римма Ибраhимова
башкаруында композитор Р.Абдуллиннын, Т.Миннуллин сузлэренэ язылган жыры
янгырый. «Бишек жыры».
Сәхнәгә
ике алып баручы чыга.
1.А-б. Ана назы — жирдэ ул мэнгелек,
Мэнгелек жыр — бишек жырыгыз.
Без узасы юлда маяк булып
Гомер буе балкып торыгыз.
Тормышларыгыз матур,
йөзләрегез көләч, булсын, сәламәтлек
һәрдаим юлдашыгыз булсын. Кадерле әниләр! Сезне
бәйрәмегез белән тәбрик итәбез. Сезгә озын
гомер, бәхет,сәламәтлек телибез.
2 а.б. На свете добрых слов немало,
Но всех добрее и важней одно:
Из двух слогов простое слово: «мама»
И нету слов дороже, чем оно.
—
Дорогие мамы!
Поздравляем
вас с Днем Матери.
Без
сна ночей прошло немало,
Забот,
тревог не перечесть.
Земной
поклон вам все родные мамы
За
то , что вы на свете есть !
1.а.б. Елмайса
йозеннэн анлыйм
Энкэемнен телэген.
Донья кинлегенэ тинлим
Энкэемнен йорэген,
Энкэй, сина булэк итэм
Ботен донья голлэрен.
Юллар кебек озын булсын,
Энкэем, гомерлэрен.
Ай нурыннан да нурлырак
Энкэемнен йозлэре.
Монлы койдэй кунелемдэ
Энкэемнен сузлэре.
Айдан,
кояштан кадерле — син ул, әнием.
Иң ягымлы ,иң сөйкемле — син ул, әнием
Безнен бугенге бэйрэм кичэбез
кадерлелэребез сезгэ, газиз энилэребезгэ багышлана
2.а.б. Слова «Мама, мать-одни из самых
древних на Земле». Все люди уважают и любят матерей. Словом «Мать» называют и
свою Родину, чтобы подчеркнуть , что она по- матерински относится к своим
детям.
Во многих
странах отмечается «День Матери». Люди поздравляют своих матерей и приезжают к
ним в гости, дарят подарки, устраивают для них праздник. И мы сегодня собрались
здесь чтобы поздравить своих мам.
1 а.б. Мәхәббәте
һичбер киртәләрне белми торган, күкрәк сөте
белән хәят биргән… ананы олылыйк! Дөньяның
бөтен матурлыгы анада. Анадан башка шагыйрь дә, анадан башка батыр
да булмый. Дан аналарга!
Мэрхэмэтле безнен энилэр.
Жиргэ матурлыкны, илгэ батырлыкны
Сез бирэсез, гузэл энилэр.
Сездэ яши сурелмэслек хислэр,
Йөзегездэ шәфкать нурлары.
Сезнен жырлар аша кучә безгә
Туган халкыбызнын моннары
Бүген
әйтеләсе теләкләребез, җырларыбыз,
биюләребез – барысы да чын йөрәктән,
күңелнең иң-иң түреннән —
сезнең өчен. Кабул итеп алыгыз, рәхәтләнеп
тыңлагыз, ял итегез.
Концерт
номеры.________________________________________________________________
Лирик көй
яңгырый. алып баручылар чыга.
1.а.б. Энием! Энкэем! Газиз Анам! Синнэн дэ
якынрак, кадерлерэк кем бар сон доньяда?! Кукрэк сотен имезеп, конен-тонгэ,
тонен-конгэ ялгап, куз карасыдай устерэсен бит син балаларынны.
2.а.б. Мама! Мамочка! Сколько тепла таит это
магическое слово. Материнская любовь греет нас до старости. Мама учит
нас быть мудрыми, дает советы, заботиться о нас, передает свои песни,
оберегает нас.
Младенец
старательно складывает по слогам «Ма-ма » и почувствовав удачу, смеется
счастливый. Мама! Вслушивайтесь, как гордо звучит этот слово! В народе живет много добрых слов о матери.
Например:
При солнышке- тепло , при матери –добро.
1.а.б. Ана өчен баладан газиз
нәрсә булмас.
2.
а.б. Нет лучшего
дружка, чем родная матушка.
1
а.б. Баланың
бармагы авыртыр, ананың йөрәге авыртыр.
2.а.б. Без отца полсироты, а без матери и
вся сирота.
1.а.б. Улы данга чыкса, анасы яшәрер.
1 а.б. Әйе, Ана – бөек исем,
Нәрсә
җитә ана булуга!
Шуңа күрә
Зур горурлык белән
Без сөйлибез АНА турында.
Концерт
номеры.________________________________________________________________
Лирик көй
яңгырый. алып баручылар әкрен генә чыга.
1 А. б. Бар хэстэрем, бар хэсрэтем
Бала очен.
Хормэтем да, хезмэтем дэ
Бала очен.
Укенулэр, утенулэр
Бала очен.
Тынгысыз кон,
йокысыз тон
Бала очен.
2 А.б. Утка, суга укталуым
Бала очен.
Чыгар юлдан тукталуым
Бала очен.
Таннан эувэл кайнар аш та
Бала очен.
Тэгэрэгэн кайнар яшъ тэ
Бала очен.
1 А.б. Иртэн — кичен йорэк хисем
Бала очен.
Барлык эшем, барлык кочем
Бала очен
Янам — тузэм ,кеям — кунэм
Бала очен.
Горур башны тубэн иям
Бала очен.
Тонен якты таннар котэм
Бала очен.
Кунелемдэ жырлар йортэм
Бала очен.
Бала очен…
Концерт
номеры________________________________________________________________
!.А.б. Ана күңеле кебек җылы, нурлы
Күк йөзендә
кояш, йолдыз юк.
Ана сөюе кебек чиксез
тирән
Җир йөзендә
һичбер диңгез юк.
Синең өчен
кайгыртучы әниең булуы нинди зур бәхет ул. Аны ярату гына
җитми, аның кадерләрен белергә,сүзен тыңларга,
яхшы укуың, үзеңне үрнәк тотуың,
әшкә өйрәнеп үсүең белән анны
шатландырырга кирәк.
1А.б. Ак чэчлэрен жем-жем килэ,
Энкэй, ул шатлыктандыр.
Гомереннен бакчасында
Былбыллар озмэсен жыр.
Кадерлелэребез! Бу жырыбыз сезгэ багышлана.
Концерт номеры________________________________________________________________
2
а.б. Люблю тебя
мама, за что не знаю.
Наверно за то , что дышу и мечтаю.
И радуюсь солнцу и светлому дню,
За это тебя, я родная люблю.
За небо, за ветер, за воздух вокруг.
Люблю тебя мама , ты лучший мой друг!
Алексей
Максимович Горький писал: «Без солнца не цветут цветы, без любви нет счастья,
без женщины нет любви, без матери нет ни поэта, ни героя. Вся радость мира- от
матерей!.»
Если вы
хотите сделать маму самым счастливым человеком, поступайте так, чтобы она
радовалась и с гордостью могла сказать : «Знаете, какие у меня хорошие дети!»
1.а.б. Есть мама у жеребенка,
Есть
мама у львенка,
Есть
мама у самого маленького котенка
И
у ребенка есть мама
Любимая,
славная, самая!
«Песня
мамонтенка».__________________________________________________________________
Лирик
җыр яңгырый
1А.б. Аналар ботен йорэк жылыларын биреп
устергэн балалар, усеп буйга житу белэн, очар кошлар кебек, тирэ-якка
таралалар. Нишлисен бит, ананын боеклеге дэ энэ шунда — ул илебез-нен, hэр
почмагында, намус белэн хезмэт итэ алырлык, белемле, тырыш сэлэтле, илhамлы
балаларын устереп Ватаныбыз кулына тапшыра.
2 А.б. Э аннан сон?!
Аннан сон, кош теледэй генэ бер хат котэ, изге хэбэр котэ ана.
Хат ташучы килми микэн, диеп. ,
Борылып карый барган юлыннан.
Конгэ чыкса, кузе тэрэзэдэ,
Иртэ — кичен сунми уты да.
Хатлары юк, узе кайтыр, диеп,
Бик сон гына китэ йокыга.
Ана котэ,
Ана омет итэ…
1 А.Б.Менэ шулай, усеп буйга житкэн, инде узлэре эти hэм эни булган,
туган ояларыннан еракта яшэуче балалар, соекле энилэренэ хат яздылар.
Лирик җыр
яңгырый. Балалар урындыкларга утыралар, дәфтәр, ручка алалар.
1 бала.
«Кил син безгэ, эни, ботенлэйгэ
Бер кайгысыз, рэхэт торырсын,
Оебезнен. курке булырсын».
2 бала.
«Син безгэ кил, эни!
Без доньянын, ожмахында гомер итэбез.
Килэм дисэн, шушы сэгатьтэ ук
Алыр очен кайтып житэбез»
3 бала.
«И шатланыр идек, эни эгэр,
Килер ризалыгын белдерсэн.
Туп-тугэрэк бэхетебез безнен
Тулып ташыр иде, син килсэн».
4 бала.
«Кайчан курешербез, бик сагындык…»
5 бала.
«Кон туды исэ сине котэбез».
6 бала.
«Ник килмисен инде, эни, ник килмисен?»
А. б.: Алты бала шундый хат язды
Озелеп-озелеп, сагынып ананы.
Шушы сузлэр булды ананын
Алты хатка язган жавабы.
(Прожектор Ана образын
яктырта). (кой янгырый)
(Ана балаларына язган хатын укый)
«Бара алмыйм сезгэ,
балаларым.
Сагынсагыз, кайтып курегез,
Кайта алмас жирдэ тугелсез.
Ана кунеле ераклыкны белми,
Тоеп яшим сезнен, хэллэрне,
Кирэклекне сизсэм, узем барырмын мин,
Котеп тормам сезнен хэбэрне.
Китэ алмыйм буген, .
Эгэр китсэм, мэрхум эткэегез кайтып керер сыман,
Мине таба алмый бер ялгызы
Боегып йорер сыман.
Чит нигездэ сагыну авырлыгы
Ныграк сизелер сыман,
Туган нигез белэн бэйлэп торган
Жеплэр озелер сыман.
Яудан каитмый калган зур улым да
Кайтып житэр сыман.
Туган нигез хэтерлэтэ мина,
Сезнен бергэ чакны,
Туган нигез сезнен hэp адымын
истэлеген саклый.
Нигез ташлап киту авыр мина,
Кем белми сон аны, кайсыгыз?!
Сез узегез жыелып кайтыгыз!
Мин сорамыйм сездэн артыгын,
Сез тоярсыз кайту шатлыгын».
А.б. Ана, ана!
Син куш йорэкледер,
Кэусэр сенгэн синен кунелгэ.
Баштан сыйпап бер елмайдын исэ,
Ботен донья ямьгэ кумелэ.
Ана булу-изгелекнен тажы,
Доньяда ин олы дэрэжэ.
Ана хеше hэрбер баласынын
Бэхетенэ ача тэрэзэ.
Ана сина гел яхшылык тели,
Гаеплэрен булса — кичерэ…,
Турылыклы калыйк гомер буе
Ана дигэн куркэм кешегэ.
Әниләр
турында җыр башкарыла.
2 а.б. Мама! Самое понятное слово на земле.
Оно звучит на всех языках мира одинакого нежно. У мамы самые ласковые и нежные
руки, они все умеют. У мамы самое доброе и чуткое сердце. Оно ни к чему не
остается равнодушным. И сколько бы ни было человеку лет 5 или 50, ему всегда
нужна мама…
Руки
мамы качали детей в колыбели, когда они были маленькими. Это мама согревала их
своим дыханием и убаюкивала своей песней.
1.Солнца ярче
для меня- мама!
2. Мир и
счастье для меня-мама!
1.Шум ветвей,
цветы полей-мама!
2.Зов летящих
журавлей- мама!
1. В роднике
чиста вода-мама!
2. В небе яркая
звезда-мама!
1. Пусть звенят
повсюду песни
Про любимых
наших мам.
Мы за все,
за все родные
Говорим
«Спасибо Вам!»
Песня
«Милая мама»_____________________________________________________________
А.б. Татар хатыннары. Безнен,
жан сойгэннэр, аналар…
Аналарны хормэтлэп жирдэ шигырьлэр языла,
аналарны хормэтлэп жирдэ сурэтлэр ясала,
аналарны хормэтлэп жирдэ hэйкэллэр куела,
Э аналар тапкан балаларнын жаннары кыела.
Жирдэ hаман эле тынмаган сугышларда кыела.
Аналарны кадерлилэр, аналарны соялэр,
аналарнын алдында башларны иялэр,
э аналар йокысыз тондэ бишек жырлары жырлыйлар,
сугышларда жаннары кыелган уллары очен елыйлар.
Безнен тобэктэн дэ никадэр
ана Боек Ватан сугышына газиз баласын озатты, шунын күпмесе яу кырында
ятып калды, хэбэрсез югалды. Ачы хэсрэттэн чэчлэренэ чал тошкэн, вакытсыз
картайган энкэйлэрнен дэ инде кубесе вафат, урыннары ожмахтадыр, арсландай
батыр уллар устергэн, фэрештэлэрнен.
Купме солдат, Ватан алдындагы сугышчан антын утэп, Эфган сугышында, Чечня
сугышында hэлак булды.
А.б. Хормэтле энилэр!
Без сезнен алда баш иябез. Мен-мен рэхмэт сезгэ!
Питрау флольклор
ансамбле чыгышы. «Солдат озату» күренеше.
1 А.б. Газиз Энкэй!
Йомшактыр кулларын,
Татлыдыр сузлэрен,,
Жылыдыр карашын,
Тансыктыр табынын.
Сабыйлык языннан
Бугенге конгэчэ
Безлэргэ зур бэйрэм
Тибеше жаныннын!
И, Ходай, кабул ит
Безлэрдэн зур гозер
Энкэйгэ бир саулык!
Энкэйгэ бир Гомер!
2 А.Б. Пусть день твой будет
Солнечным, прекрасным.
И розами твой будет устлан путь.
И каждый вечер – звездным,
Чистым, ясным.
О, мама!
Всегда счастливой будь!
А. б. Газиз Энкэй!
Ин сойкемле сузлэр-синеке!
Йомшак, жылы куллар-синеке!
Ин-ин татлы сузлэр-синеке!
Жан изрэткеч жырлар-синеке!
Синсез донья курмэс идек,
Синсез берни белмэс идек,
Синсез берни кылмас идек,
Синсез кеше булмас идек!
2
А.Б. Пусть этот день станет своеобразным днем благодарения нашим дорогим и
любимым мамочкам, за их неоценимый труд, за их всемогущую любовь.
1.А. Б. Чәчәк букетлары бүләк итсәк,
Чәчәк
букетлары корыр ул.
Йөрәк
җылыбызны бүләк иттек,
Югалтмассыз,
мәңге торыр ул.
Ходай
Сезгэ жан тынычлыгы, тэн сихэтлеге, озын гомер насыйп итсен. Мен-мен рэхмэт
Сезгэ, энкэйлэр!
2
А.Б. На этом наш праздник заканчивается. И мы еще раз поздравляем Вас, милые
мамы! И пусть не покидает вас терпение, которое так необходимо сейчас вам всем.
И пусть все восхищаются вашей красотой. Ведь вы — самое прекрасное, что есть.
Вы – самый красивый, нежный и благоуханный цветок в мире. До свидания!
1.
А.Б. Хушыгыз!
Барлык
катнашучылар сәхнәгә чыга.
«Бәхеттә-шатлыкта»
җыр яңгырый ____________________________________________
«Әниемнең җылы кочагы» дип исемләнгән, эниләр коненэ багышланган татарча сценарий (концерт программасы) эниләрне котлау өчен.
Сәхнә түренә зур хәрефләр белән:
«Барлыгың да, даның-шөһрәтең дә
Анадандыр, кеше, таны шуны.
Бул ананың табан асларында —
Шуннан уза җәннәтләрнең юлы», — дип язып куелган.
Алып баручылар: Кыз һәм егет. Текстларны алардан укытмыйча, аерым шигырьләр рәвешендә төрле кешеләрдән яттан сөйләтергә дә мөмкин.
Кыз. Әни!
Бу сүзләрдә нинди тирән мәгънә!
Бу сүзләрдә нинди серлелек.
Әниләрдән тормыш башлана бит.
Ана сүзе шуңа бик бөек!
Егет. Дуслар!
Әниләрдә — йортның ачкычлары.
Әниләрдә — учак шырпысы.
Ана кочагында туңып булмый,
Ул кочакның чиксез җылысы.
Кыз. Әниләрнең көне бүген. Бәйрәм.
Ә бит һәр көн алар көне ул.
Әни безнең өчен бөтен дөнья:
Суы да ул, җире, күге ул!
Егет. Бәйрәмегез белән, кадерле Әниләр! Саулык-сәламәтлек, гаилә шатлыклары, елларның иминлеге, күңелләрнең тынычлыгы — барысы да — Сезгә! Бүгенге бәйрәм улларыгыз, кызларыгыз өчен сөенү хисләрен тагын да арттырсын. Кояшны җылырак, җилләрне ягымлырак, көннәрне аязрак, күкләрне зәңгәррәк итсен!
Кыз. Сабый чакта, бишектә ятканда, әле үзеңне аңламаганда, белмәгәндә, син инде әниеңнең ягымлы тавышын таныйсың, аның җырларына изрәп йоклыйсың, аның татлы сүзләренә кул чәбәкләп көләсең.
Егет. фәлән сыйныф укучысы Фәлән Фәләнова башкаруында
«Әниемнең җылы кочагы» җыры. Мөнир Мазунов сүзләре, Әнвәр Бакиров көе.
Сөекле әниемнең
Борчыгандыр җанын
Күңелемнең көйсез һәр чагы.
Еласам, юаткан.
Иркәләп уйнаткан
Әниемнең җылы кочагы.
Уйнаудан туйганда.
Талчыгып калганда.
Ял сорагач керфек очларым.
Җыр көйләп, тирбәтеп.
Йоклаткан изрәтеп.
Әниемнең җылы кочагы.
Давыллы көннәрдә.
Ышыклап җилләрдән.
Күкрәгенә кыскан кем тагы?
Кадерләп үстергән.
Яшәргә көч биргән
Әниемнең җылы кочагы.
Кыз. Җылы сүзгә бакый саран булдым:
Ничек әйтим аны бу көндә?
Ул сүзләргә күңелләрем бик бай:
Син укырсың, әни, күземнән.
Егет. Еллар уза. Без дә үзгәрәбез.
Сиңа карап шуны беләбез.
Синең сабыр гына яшәвеңдә
Килер көнебезне күрәбез.
Кыз. Без янында әле. Борчымыйбыз.
Белгертмибез сиңа авырда.
Китермәскә сиңа тырышабыз
Җиңел хәсрәт, үтәр кайгы да.
Егет. фәлән сыйныф укучысы Фәлән Фәләнова башкаруында җыр:
«Син һаман да унсигездә кебек». Расих Ханнанов сузләре, Айрат Кобагышев көе.
Син һаман да унсигездә кебек,
Син һаман да шулай сөйкемле.
Чәчләреңне тик шаярып кына
Акка буягансың шикелле.
Яшьлек узды, сизми калдым, дисең.
Сүзкәйләрең дөрес түгел лә;
Яшерен генә дөрләп янар өчен.
Качып калган бит ул күңелдә..
Син һаман да унсигездә кебек.
Син һаман да шулай ягымлы.
Күзләрендә мин әле дә күрәм
Мәхәббәтле тәүге язымны.
Кыз. Әни… Бер генә көнегезне аннан башка күз алдына китереп карагыз әле. Аны яныгызда юк итеп. Каядыр еракка кунакка киткән чагынмы, эш буенча командировкаларда йөргәненме… Кояш та сүрәнрәк янадыр кебек. Йокларга яткач, керфеккә йокы эленми. Үзебез пешергән ашларның тәме сизелми.
Егет. Мин берничә сәгатькә генә чыгып китсә дә, әниемне сагынам. Җылы өйдә дә туңдыргандай, гөлләр дә моңаеп утыргандай, мич башындагы мәченең дә кәефе киткәндәй…
Кыз. Өйгә әни генә кайтып керә…
Егет. Кояш сезнең өегездән чыккан шикелле. Йортыгызга нур иңгәндәй, гөлләрнең күзләре ачылгандай, мәченең җырлыйсы килгәндәй…
Кыз. Ярый әле әниләребез бар.
Егет. Ярый әле алар сау-сәламәт һәм безнең тормышыбызны да кайгырталар.
Кыз. Тормышыбыз терәге булып яшәгән, саф күңелле, йомшак телле, нурлы йөзле әниләребез хөрмәтенә тагын бер җыр. Башкара Фәлән Фәләнова.
Әниемә
Гафу Каербеков сүзләре Шомиш Калдаяков көе Госман Әхмәтҗанов тәрҗемәсе
Биргәнсең син миңа ал нурын таңнарның.
Җыйгансың син миңа бар гөлен даланың.
Биргәнсең канатлар талпыныр чагымда.
Балалык рәхмәтем җырымда чагыла.
Кушымта:
Кадерләп үстергән мин синең җимешең,
Куеның — гөлбакча, назлы җил — сулышың.
Инде буй җитсәм дә, мин сиңа сабыймын.
Күңелең назларын күзеңнән таныймын.
Боларга бәрабәр ни генә бирәем,
Бердәнбер бүләгем — тугры йөрәгем.
Итә күр канәгать, риза бул шушыңа.
Үзеңә аталган җырымны кушып ал.
Кушымта.
Бурычлы сиңа мин, әнкәем-алтыным,
Сиңа дип эзләдем дөньяның асылын.
Ай белән кояшны бирим дип уйладым,
Үрелеп алырга җитмәде буйларым.
Кушымта.
Егет. Еллар узар, еракларга таралырбыз. Әниләрне сагынып кунакка кайтырбыз, аларны сагынып хатлар язарбыз.
Кыз. «Әнигә хат». Концертны нәфис сүз белән Фәлән Фәләнова дәвам итә.
Әнигә хат
Иртә туса, малын карыйсың бар,
Яшәп буламыни уйнап кына…
Тормыш итеп булмый, сагынсаң да.
Бары минем хакта уйлап кына.
Берни көтмисең син, хәбәрләрем
Килеп торгаласа сирәк-мирәк.
Берни сорамыйсың… Күзең — серсез:
Яннарымда миңа, ди, син кирәк!
Гел син кирәк авыр чакларымда.
Чирләгәндә, күңел боекканда.
Бүген кояш бик күңелсез туды —
Әни, синең хәлең ничек анда?
Бүген болыт бик таралып ята.
Санын җыяр чамасы юк кебек.
Сызламыймы кулың, аякларың.
Чара тапмагандай терелерлек.
Маллар юлны табып кайталармы,
Барасыңмы әллә каршысына?
Көннәр салкын: уран шәлләреңнең
Мамыгына, йомшак, яхшысына.
Калын киен, аягыңа киез
Итекләр ки әле кичен, иртән.
Чәйнең кыйммәтлесе, бөртеклесе
Сихәт бирер тәннәреңә, эчсәң.
Тамагыңнан кысма, безнең өчен
Тәмле ризыкларны саклый күрмә.
Әни булгач, бала хәлен беләм —
Берни көтмим синнән мин үзем дә.
Шөкер итәм синең исәнлеккә.
Хәбәрләрең килеп торгаласа
Торалдымы, димен, көндәгечә.
Әтәч тавышын салып, көн туса.
Саулыгыңнан, бакча эшләреннән
Ямь тапмыйсың кебек — ни булган?
Сиңа язган хатым бара күрсен —
Күңелеңне бассын шул догам.
Егет. «Ана күңеле — балада, бала күңеле — далада», ди халык. Әйе, кайвакыт шулай да була. Моның өчен безне әниләр кичерсеннәр. Шулай да, дусларым, аналар хәтерен калдырмаска, алар йөрәгенә яра салмаска тырышыйк.
Кыз. Сезнең игътибарыгызга Шәриф Хөсәеновның «Әниемнең ак күлмәге» пьесасыннан бер өзек. (Ихтыяр буенча.) (Әниләр образы кергән проза әсәрләрен дә, мәсәлән, Ә.Еникинең «Ана белән кыз»ын сәхнәләштерергә мөмкин.)
Егет. Әни! Мәктәптән кайтуыбызны тәмле чәйләр кайнатып, ризыклар пешереп көтеп алучы ул.
Кыз. Әни! Мәктәпкә барганда бишлеләр, исәнлек-саулык теләп озатып калучы ул.
Егет. Әни! Без мәктәптә чакта, имтиханнар биргәндә, контроль эшләр эшләгәндә, догалар укып, тел ачкычлары сораучы ул.
Кыз. Әни! Олы юлларга чыгып киткәндә, хәерле сәгатьләр теләп калучы ул.
Егет. Әни! Авырганда синең урыныңа үзе авырырга әзер торучы. Ходайдан сиңа җиңеллекләр сораучы ул.
Кыз. Әни! Кулларын туңганда — өреп җылытучы.
Егет. Йөрәгең елаганда — сүз белән бәгырь ташларын эретүче.
Кыз. Хәсрәт килгәндә — җиңеләйтүче.
Егет. Шатлык килгәндә — синнән дә артыграк сөенүче.
Кыз. Беркемгә чишмәгән серләреңне күзеңнән укучы.
Егет. Беркемгә аңлатмаган әлеге серләрне шунда ук аңлаучы.
Кыз. Бөтен дөнья синнән баш тартканда да, синнән йөз чөермәүче.
Егет. Соңгы сулышында да синең исемеңне атаучы.
Кыз. Хәер-фатыйхасын биреп калырга тырышучы.
Егет. Әнә шундый изге күңелле әниләр турында, әниләрне котлау өчен безнең җырлар! фәлән сыйныф укучысы Фәлән Фәләнова башкаруында
«Әниләр» җыры. Мостафа Ногман сүзләре, Рөстәм Яхин көе.
Гомер таңнарыбыз аткан көнне
Зарыгу белән көтеп алучы,
Безнең өчен тау кадәрле йөкләр
Күтәрергә әзер калучы —
Әниләр,
Мәрхәмәтле безнең әниләр.
Җиргә матурлыкны,
Илгә батырлыкны
Сез бирәсез, гүзәл әниләр.
Сездә яши сүрелмәслек хисләр.
Йөзегездә шәфкать нурлары.
Сезнең җырлар аша күчә безгә
Туган халкыбызның моңнары,
Әниләр,
Мәрхәмәтле безнең әниләр.
Якты йолдыз кебек сез балкыйсыз
Тормыш юлларыбыз күгендә.
Иң кадерле бер кешебез булып.
Сакланасыз күңел түрендә.
Әниләр,
Мәрхәмәтле безнең әниләр,
Җиргә матурлыкны,
Илгә батырлыкны
Сез бирәсез, газиз әниләр.
Кыз. Кадерле әниләребез!
Егет. Йөрәк парәләребез!
Кыз. Иң якын кешеләребез!
Егет. Иң-иң сөеклеләребез!
Икесе бергә. Бәйрәм белән әниләр!
Алып баручылар баш ия һәм пәрдә төшә. Музыка уйный. Тәмам.
Татарстан Республикасы Арча районы
“Яңа Кенәр урта мәктәбе” филиалы
“Түбән Оры башлангыч мәктәбе”
Уздырды: башлангыч класс укытучысы
Яруллина Фирдания Саматовна
Ноябрь
2016
Максат: укучыларда әниләргә ихтирам, кадер-хөрмәт, ярату, олылау хисләре, әдәплелек, әхлаклылык сыйфатлары тәрбияләү.
Үткәрү формасы: кичә;
Күрсәтмәлелек: Әниләр турында сочинение, әниләрнең портретлары, презентация.
Әзерлек: Әниләр турында җырлар өйрәнү, шигырьләр ятлау, әниләр турында презентация төзү.
Уздыру урыны: Түбән Оры мәдәният йорты.
Бәйрәм барышы:
Укытучы. Ана! Һәркем өчен иң изге, иң кадерле зат. Бу якты дөньяга килгәч тә нарасыен йомшак куллары белән сыйпап, ак биләүгә биләүче, елаганда юатучы, татлы йокыдан иркәләп уятучы, яшәргә көч-дәрт бирүче газиз әниләр! Бүгенге кичәбезне Сезнең хөрмәткә багышлыйбыз.
. Әйдәгез әле, укучылар. Әниләребезне бәйрәм белән котлап аларга үзебезнең теләкләребезне җиткерик.
Иртүк торып битен юган,
Кем уяткан Ләйләне?
Уятмаган, үзе торган —
Бүген әни бәйрәме.
Пәрдәләрне ачып куйды,
Көн кояшлы, көн ямьле!
Якты булсын, балкып торсын —
Бүген әни бәйрәме.
Өстәл өстен кат-кат сөртте,
Җәйде ап-ак җәймәне.
Чиста булсын, пөхтә булсын
Бүген әни бәйрәме.
Күмәкләшеп без дә, дуслар,
Җырлап алыйк, әйдә әле:
Котлы булсын!
Гөрләп торсын
Әниләрнең бәйрәме! С.Сөләйманова
Җыр. Мамочка милая,мама.
Бүген әниләр бәйрәме (Р.Вәлиева)
Нигә бүген бөтен җирдә
Чәчәкләр балкый бездә,
Нигә кояш көлеп карый,—
Беләбез һәммәбез дә.
Бүген — әниләр бәйрәме,
Бүген җирдә тантана.
Кояш шуңа көлә бүген,
Гөлләр шуңа шатлана.
Әниләрнең бәйрәменә
Куана шулай алар.
Әниләрне котлый бүген
Җирдә барлык балалар.
Мин дә котлыйм, әнкәм, сине,
Теләгем бар минем дә:
Мәңге шулай кояш кебек
Балкый күңел күгемдә!
Җыр . Кояш гомере.
Кадерле әниләребез. Сезне Әниләр көне белән котлыйбыз.Сезгә озын гомер, нык сәламәтлек телибез.(Укучылар әниләренә бүләкләрен тапшыралар)
Укытучы.
Көннәр якты булсын өчен,
Йокы татлы булсын өчен
Әни кирәк!
Җил-яңгырдан саклар өчен,
Усаллардан яклар өчен
Әни кирәк!
Ашлар тәмле булсын өчен,
Дөнья ямьле булсын өчен
Әни кирәк!
Гөлләр чәчәк атсын өчен,
Бәхет-шатлык артсын өчен
Әни кирәк!
Иң кадерле кеше җирдә —
Әни, димәк!
Җыр. Лотфуллина Ания
Кызлар башкаруында татар биюе.
Укытучы. Безнең укучыларыбыз бу бәйрәмгә бик тырышып әзерләнделәр. Алар әниләренең портретларын ясадылар, сочинениеләр яздылар. Ә хәзер балаларга сүз бирик.
(Укучылар сочинениеләрен укыйлар, әниләренә атап концерт номеры башкара.Презентация күрсәтелә)
1.Юсупов Әлфис. Сочинениесен укый .
Иң матур әни
Минем әни бу дөньяның
Иң чибәре, сылуы.
Нинди бәхет –
Һәр баланың
Үз әние булуы!
Минем әни, һич бәхәссез,
Иң сөйкемле әни ул!
Әйткән сүзе,
Кылган эше –
Һәммәбезгә туры юл.
Борчыйсым килми әнине,
Елмаеп, көлеп йөрсен.
Иң матур әни икәнен
Бөтен дусларым күрсен!
2.Хайруллина Динара . Сочинениесен укый.
Шигырь
Өебезнең кояшы (Ф. Зыятдинова)
Бәлки, минем әбине
Сез дә белә торгансыз?
Әбиемне “әби” диеп
Әйтүе дә уңайсыз.
Минем әби яшь әле
Минем әби чип-чибәр.
Әбине күргән кешеләр:
“Кызлар кебек син”, – диләр.
Кояштай балкып тора
Әбиемнең карашы.
Ничек менә әбием күк
Җылы, якты буласы?!
Җыр. Әбием, әбекәем.
3. Фирзәр әнисе турында сөйли.
Җыр. Мин үсәм.
4. Мухаметшина Рәзилә. Сочинениесын укый.
Җыр. Әнием.
Уен“Чәчәкләрне җый”(уенда 4 әни, 4 бала катнаша. Кәрҗиндә 4 төстәге чәчәкләрнең таҗлары, әниләрдә чәчәкләрнең уртасы. Һәр бала үзенең әнисенең кулындагы чәчәк төсенә туры килгән чәчәк таҗларын сайлап алып килә, әни белән бала чәчәк төзиләр).
2 уен. Шул чәчәк таҗларының берсенә сорау язылган. Шуларга әниләр җавап бирәләр.
Концерт номерлары.
1. Шаян бию. Бабай белән кыз.
2. Җыр. Байрамова Ләйсән.
3. Мари биюе.
4. Шигырь .Туган ягы кирәк кешегә (Ф.Яруллин)
Читтә йөргән чакта, сагындырып,
Керер өчен төнлә төшенә,
Зәңгәр таңлы, биек аяз күкле
Туган ягы кирәк кешегә.
Зур уңышлар яулап, заманалар
Матур бәя бирсә эшенә,-
Шатлыкларын ишеттерер өчен
Туган ягы кирәк кешегә.
Йөри-йөри күңеле тупасланса,
Тузан кунса яшьлек хисенә,-
Бер сафланып килер өчен тагын
Туган ягы кирәк кешегә.
Яшәр өчен бетмәс көч алырга
Олысына һәм дә кечегә, —
Мәхәббәтле, ямьле, мәрхәмәтле
Туган ягы кирәк кешегә.
5. Күңелле кадриль. Бию.
6. Җыр. Сибагатуллин Зөлфәт.
Бәйрәм кичәсен Н Дәүлинең әниләргә багышланган сүзләре белән тәмамлыйсы килә.
Әни. Нинди зур сүз бу!
Кеше үз гомерендә шул сүзне ничәмә-ничә кабат әйтә икән? Әйткән саен, ул сүз яңадан-яңа мәгънә алып килә. Ана шул бер сүздән синең шатлыгыңны да, кайгыңны да, уйларыңны да белә. Алай гына түгел, ана бу сүз аша синең йөрәгеңне күрә. Әйе, күрә. Чөнки «әни» дигән сүз ул үзе йөрәктә туа. Ә йөрәктән чыккан сүз йөрәккә барып керә. Әни дип әйттеңме, син инде көчле дә, син инде бәхетле дә!
Кадерле әниеләребез! Сезгә озын гомер, нык сәламәтлек телибез. Балаларыгызның, онык-оныкчыкларыгызның игелеген күреп озын- озак яшәгез.
Җыр . Әти-әни.
Внеурочная деятельность (конкурсные работы)
Дошкольное образование
Внимание! Администрация сайта rosuchebnik.ru не несет ответственности за содержание методических разработок, а также за соответствие разработки ФГОС.
Кечкенәләр төркемендә әниләр бәйрәме сценариясе.
Максат: балаларда әниләргә карата игътибарлылык, мәрхәмәтлелек, ярату тәрбияләү; бию, җырлау күнекмәләрен ныгыту; балаларда зәвык, иҗади сәләт үстерү.
Алдан ясалган эш: әниләргә бүләкләр.
Алдан әзерлек: шигырьләр, җырлар, биюләр өйрәнү.
Зал бәйрәмчә бизәлгән. Бәйрәмгә әниләр чакырыла. Ишектән кергәндә тылсымлы тартмадан фигуралар алалар. Кызыл төстәгеләр бер якка, яшел төстәгеләр икенче якка утыра бара. Өстәл өстенә гөлләр, чәчәкләр куела, шарлар эленә. Музыка уйный. Бәйрәмдә катнашучы балалар чәчәкләр тотып кереп, ярым-түгәрәк ясап бииләр. Биеп бетергәч чәчәкләрне кәрзингә җыялар.
Бәйрәм барышы:
Күмәк чәчәкләр биюе
Алып баручы.
Һәр ел саен килә бу бәйрәм
һәр көн туган кояш шикелле.
Еллар саен данлый бу бәйрәм,
Гүзәл кеше — әни кешене!
Алып баручы. Кадерле әниләр! Сезне чын күңелдән бәйрәмегез белән котлыйбыз. Сезгә сәламәтлек, шатлык, озын гомер телибез.
Балалар белән бергә сөйләү:
Әни — ул һава! (кулларны өскә күтәрү)
Әни — ул яктылык! (кулларны өскә күтәреп фонариклар ясау)
Әни — ул бәхет! (кулларны күкрәккә кую)
Әни — ул әкият! («Во!»дип баш бармакны күрсәтү)
Әни — ул елмаю! (елмаеп күрсәтү, көлү)
Әни — ул ярату! (әниләргә “воздушный поцелуй” җибәрү )
Җыр “Җырлыйм әнием турында”
Алып баручы: әниләр, бүгенге көн сезгә багышлана. Бүгенге күңел ачу чарасы сезнең барлык мәшакатьләрне оныттырып, яхшы кәеф алып килсен иде.
Әниләргә бүген безнең Иң
кадерле сүзебез.
Шат биюләр, матур җырлар, уеннарны
Сезгә дип әзерләдек.
Бүләк итеп үзебез.
Алып баручы: бүгенге бәйрәм гади генә булмас, бүген без әниләребезне дә уеннарда катнашырга чакырабыз. Кергәндә төрле төстәге фигуралар алып, икегә бүленеп утыру юкка гына булмады. Уеннар булгач бәяләүче жюри да булырга тиеш. Жюри составында булачак. Балаларыбыз сезнең өчен җан атып үзләренең һөнәрләрен күрсәтерләр. Уеннарда актив катнашып бергәләп күңел ачып ял итик.
Әниләр белән уеннар
Беренче бирем: һәр команданың үзенә исем кирәк. Әйдәгез озакка сузмыйча бер исем уйлыйбыз.
Икенче бирем: ә хәзер сезгә 3 минут вакыт бирелә. Шул вакытта сезгә
“Ниса” белән беткән татар хатын-кызлар исемнәрен уйларга кирәк. Кайсы команда күбрәк исем табар?
Алып баручы: сез исемнәр уйлаган арада Асель белән Нәргизә
башкаруында “Мин әнигә булышам” җырын тыңлап китик.
Вакыт чыкты, әйдәгез әниләребезгә сүз бирик.
Өченче бирем: уеннарны дәвам итәбез, хөрмәтле әниләрбез. Өченче бирем төсле кәгазьдән бер матуркатлаулы булмаган открытка ясарга. Вакыт чикле. Ә без ул арада кызларыбыз Диана, Алия, Дәлия башкаруында “Дәү әнигә бүләккә” җырын тыңлыйк.
Дүртенче бирем: уен өчен һәр командадан берәр әни кирәк. Җырлый- җырлый мисаллар чишәсе була.
Клоун керә. Бишенче биремне уйната.
Бишенче бирем: чираттагы уенны уйнау өчен шулай ук һәр командадан берәр әни кирәк була. Гәзитне күчерә-күчерә барып билгеле бер аралыкны узасы.
Алтынчы бирем: чираттагы уеныбыз “әниеңне киендер” дип атала. Командадан берәр әни белән баласы бирегә чакырыла. Бала бирелгән муенсалар, ленталар, браслетлар белән әнисен киендерә.
Җиденче бирем: “Сүзсез сәхнә” дип атала. Жирәбә буенча бирелгән ромашка таҗларын алып сүзсез генә шунда язылганны аңлатасы.
- Газда кулың пеште.
- Балаңа дәрес каратасың.
- Сөйгәнеңне эштән каршы алу.
- Кунакка әзерләнәсең.
- Елаган баланы юату.
- Эшкә соңга калу
Сез әзерләнгән арада малайлар башкаруында “Гөмбәләр биюе”н карыйбыз.
Сигезенче бирем: бу уенны уйнау өчен әниләр акчаларны саный-саный, сорауларга җавап бирергә һәм хисапта ялгышмаска тиеш булалар.
- Балагызның исеме ничек?
- Балагызның фамилиясе ничек?
- Балагызга ничә яшь?
- Балагызның әтисе ни исемле?
- Балагызның аяк киеме размеры нинди?
- Балагызның туган көне кайчан?
- Балагызның күз төсе нинди?
- Балагыз нинди группага йөри?
- Балагыз ничәгә кадәр саный белә?
Кызларыбыз башкаруында “Яулыклар юабыз ” биюе.
Уеннар беткәч балалар “Подари улыбку миру ” җырына шарлар тотып кереп, әниләренә үзләре ясаган бүләкләрне бирәләр.
Алып баручы.
Бәйрәм бүләксез булмый ул,
Барыгыз да беләсез.
Безнең ничек тырышканны,
Хәзер менә күрерсез.
(Балалар ясаган бүләкләрен әниләргә бирәләр)
Бергә:
Көннәр һәрчак аяз булсын,
Кояш гел көлеп торсын.
Әниләр дә кояш кебек
Озын гомерле булсын.
Ведущий:
Күмәкләшеп барыбыз бергә
Биеп алыйк, әйдә әле.
Котлы булсын, гөрләп торсын
Әниләрнең бәйрәме!
Жюри әниләрнең уенына нәтиҗә чыгара.
Интеллектуаль сораулар:
- Шалканны чәчәләрме? (юк, орлыкны)
- Бер мичкәдә ике төрле сыеклык? (йомырка)
- Нинди сорауга “әйе” дип җавап биреп булмый (йоклыйсынмы?)
- Табышмак сүзен ничек укырга? (сулдан уңга)
- Җансыз җанлыны уята (будильник)
- Иң кирәктән — иң кирәк (саулык)
Алып баручы: Әйе, тормышта иң кирәге әллә нинди байлыкларга да сатып алып булмый торган — саулык. Кадерле әниләребез, сезгә ныклы сәламәтлек, тигез канатлы гаиләләребездә һәрчак балаларыбызның менә
шундый бәхетле, шат, сәламәт, иманлы, миһербанлы булуларына сөенеп кенә яшәргә насыйп булсын.
Жюри нәтиҗә чыгара
Алып баручы: Кадерле әниләребез, сезгә бүгенге бәйрәмдә катнашуыгыз өчен зур рәхмәт, тагын бер кат барыгызны да бәйрәм белән котлыйбыз.
Шуның белән безнең бәйрәмебез тәмам.