Балаба?шамен ?оштасу сценарий 2021

МҚКК № 8«Тұлпар» бөбекжай-балабақшасы

Балабақшамен қоштасу.
Ертеңгілік.

Музыка жетекшісі: Сагинова Н. А.

Хромтау қаласы
2017 ж.
Музыка ойнайды, екі бала кіреді.
1Бала: Балабақша бесігім,
Тағы бір той жасайық!
Ашып мектеп есігін,
Өзіңмен қоштасайық!
Талай қызық той өткіздік,
Бірақ орны бөлекше.
Бақшаменен қоштасатын,
Бүгінгі күн ерекше.
2 Бала: Ана тілін ардақтап,
Ана салтын біз көрдік.
Сурет салып, ән жаттап,
Оқып жазып үйрендік
Сүйген өз ұл, өз қызын
Бөбегім деп аянбай,
Балабақшам өз үйім.
Апай болды анамдай…
1Бала: Дильназ, балаларды шақырайық… (шығып кетеді)
Жалпы кіру
1: Қуантамыз, сыйлаймыз 
Бақшамызды қимаймыз. 
Биіл күзде мектепке 
Біріншіге барамыз. 
2: Халқым бізге сенеді, 
Ұрпақ оған қуаныш. 
Ұстаз жақсы көреді, 
Балаларды тіл алғыш. 
3: Мектепке енді барамыз, 
Үлгілі оқушы боламыз. 
Жақсы оқып сабақты, 
Кілең бестік аламыз. 
4: Балалабақша есігін 
Сәби болып ашқанбыз 
Балапандай мәпелеп, 
Өсірді бізді бақшамыз. 
5: Жеті жасқа толамыз 
Әдепті бала боламыз. 
Қуантып ата-ананы, 
Мектепке кетіп барамыз. 
6: Болсын кіші бойымыз, 
Биікке ұшып ойымыз. 
Өсіп оймен санамыз, 
Өмірге жол саламыз. 
7: Баулап баптап өсірдіңіз 
Балалық етсек кешірдіңіз. 
Ұмытпаймыз сөзіңізді, 
Ұмытпаймыз өзіңізді. 
8: Бұл алғашқы қадамым, 
Таудай менің талабым. 
Білім нәрін алуға, 
Мен мектепке барамын. 
9: Мектепке ертең барамыз, 
Оқимыз, сауық құрамыз. 
Қашық емес арамыз, 
Бақшаға келіп тұрамыз. 
10: Аялап, баулып өсірген,
Қателік етсек кешірген.
Оқытып бізді үйреткен,
Көңілге құйған қуаныш.
Бұл кім?
Балалар: Тәрбиеші. ( Тәрбиешілер кіреді).
1-тәрбиеші: Көтеріп келіп қолымен
Жетектеп үйге қайтатын.
Сәби еді былдырлап,
Сағынышын айтатын.
Тілі таза бүгінде,
Жүгірмейді бүгінде
Жүгірмейді аптығып,
Жүректері тұр ма әлде
Қоштасатын шақты ұғып.
2- тәрбиеші: Бөбек еді ол рас,
Кіп- кішкентай кешегі.
Бүгін міне, азамат,
Болды бәрі деседі.
Әріп танып, сурет салып,
Жаттықтырды қолдарын.
Мектебіне шығарып сап
Тілейік ақ жолдарын.
Ән «Біріншіге барамын»
1-тәрбиеші: Қымбатты ата – аналар, балабақша қызметкерлері, қонақтар бүгін біздің бірнеше жыл мәпелеп, күтіп, тәрбиелеп өсірген бүлдіршіндерімізді мектеп табалдырығына шығарып салғалы отырмыз. Кәнекей кішкентай түлектеірімізді тағы да бір қошеметтеп бір қол соғып қояйық. Балалар, бүгінгі күн сіздерге сиқырлы, көп ғажап сәттер сыйлайды.
 (Балалар орындарына отырады. Есікке түрткені естіледі. Залға үлкен әдемі қоробшаны кіргізеді: «Түлектерге сыйлық».Ішіндегі хатты жүргізуші оқиды. Қоробшаны ашса, ішінен кіші топтын баласы шығады, аузындағы соскасын түкіріп жіберіп:
Бала А-ааа, бұл недеген сұмдық? Барлығы мерекеге жиналған, тойлап жатырсыңдар. Ал бізді ешкім шақырмаса да, өзіміз келдік! Достарым, келіңдер!
(қолымен былғап, достарын шақырады. Тақпақтарды оқиды.)
1 бала: Сендермен бірге өстік біз,
Көп жақсы нәрсе үйрендік.
Шығарып сап мектепке
Құттықтауға біз келдік
2 бала: Амал қанша бұл анық,
Қоштасатын кез келді,
Ойыншықтар мұңайып
Іздейді-ау енді сендерді.
3 бала: Өздеріңді олар да,
Сағынады біліңдер
Бізбен бірге ойнауға,
Келіп-кетіп жүріңдер
Жүргізуші: Балалар, бүгін сендердің ойыншыктарын да көңілсіз. Сендерді қимайды. Бірақ сендер олармен қоштасып, мектеп табалдырығын аттап, оқушы атанасындар. Олармен коштасып, би билейік.
Би кіші топтын балаларымен «Ойыншықпен қоштасу»
( Лунтик әуенмен залға кіреді)
Лунтик: Мен- мейрімді  Лунтик
Туылдым мен Айда.
Жер бетінде белгісіз,
Қалай пайда болғаным.
Жер бетінде әдемі, белгісіз бар көп заттар,
Ғажайып қой бұл әлем
Бар ғой осында көп қызық
Саламатсыздар ма! Қандай әдемі балақайлар! Сендер кімдерсіңдер?
Жүргізуші: Бізде балабақшамен қоштасу кеші болып жатыр, біздің балалар мектепке кеткелі жатыр.
Лунтик: Мектеп? Не ол? Неге қажет?
Жүргізуші: Лунтик, білесіңбе, мектепке білім алуға барады. Сан түрлі ғылымдарды зерттейді. Мысалы, математика. Бұл ғылым санауды үйретеді.
Лунтик: мен де мектепке барғым келеді.
Жүргізуші:  Жарайды, сенің мектепке дайындығынды сынап көрейік. Есеп шығарып көрейік. Мысалы, сенің қалтаңда 2 алма бар.
Лунтик: (қалтасынан іздейді)Қайда? Жоқ, менің қалтамда ештене жоқ!
Жүргізуші: жоқ, бұл есепте айтылған. Мысалы сенде 2 алма бар. Жақсылық, 1 алманы алса. Қанша қалады?
Лунтик: 2!
Жүргізуші: неге?
Лунтик: мен Жақсылыққа бермеймін.
Жүргізуші: Сондада да, Лунтик, сенен 1 алманы алса қанша қалады?
Лунтик: қалмайды!
Жүргізуші: неге?
Лунтик: мен жеп қоюға үлгерем!
Жүргізуші:Лунтик, Есепті шығара алмайды екенсің. Ал достарыңмен міңдетті түрде бөлесу керек. Енді қара біздің балалар есепті қалай шығара алады.
1.Бес бұтақты ағашта,
Бұтақ сайын бір алма.
Біреуін бер Маратқа,
Сонда қалмақ неше алма?
2. Мұз айдында жеті бала.
Асыр сап жүр сырғанап.
Сырғанамай екі бала.
Жағалауда тұр қарап.
Енді осы бар баланың
Санын айтсаң –жарадың!
3.Көлден ұшты жеті қаз,
Қайтып қонды екі қаз,
Қонбады оның нешеуі?
Кәне, кім тез шешеді?
4.Аулада бес үйрек,
Қорада үш үйрек.
Бір үйрек тығылды,
Бір үйрек жығылды,
Қалғаны неше үйрек?
5.Табақта бес алма,
Қолымда үш алма,
Інімде екі алма,
Қосқанда барлығын.
Болады неше алма?
Бір алма атама,
Бір алма әжеме,
Бір алма апама,
Бір алма әкеме,
Нешеуін алады?
Нешеуі қалады?
Ойын «Орныңды тап»
Лунтик: Жарайсыңдар, достарым. Сендер өте ақылды екенсіңдер. Ал мен онда өз еліме барып математика ғылымын үйренейін. Қош сау болыңдар балалар.
Жүргізуші: Балалар, мен сендерге жұмбақ жасырып көрейін
Жұмбақ: Бар нәрсеге жетік
Миы күшті тетік
Ол арқылы сөйлесіп
Кетесің шетелге де өтіп тың жауабы (Компьютер)
Ия, дұрыс. Ұлдарымызды болашақ програмистерді қарсы алыңыздар.
Би «Программистер»
Жүргізуші: Қалай ойлайсыңдар, компьютер мектептің оқуын ауыстыра алама, себебі ол бәрінде жасай алады ғой?
Дауыс естіледі «Әрине, компьютер бәріненде күшті. Мектептің қажеті де жоқ»
(Залға Жалқаубек кіреді құлаққаппен, планшетпенен)
Жалқаубек: Сәлем жігіттер, қыздар. Кітаптарды оқуға не керек? Кәзіргі заманда ешкім кітап оқымайды. Міне, интернет деген ең керемет зат. (Жалқаубек планшетпен ойнап тұрады)
Жүргізуші: МынаубіздіңЖалқаубек қой, ол да сендер сияқты мектепке бару керек.
Бірақ не істейтін білмейміз, күнде компьютер ойнайды, мектеп ойында да жоқ.
Сабаққа дайындалғысы келмейді, ерініп отырады. Жалқаубек сен мектепті ойлау керексің ғой.
Жалқаубек: мектеп! Мектеп! Мен неге оқуым керек, мен өзім жүрген интернетпін!
Әдебиеттердің де керегі жоқ, кім оқиды сол шаршайды. Санауға да мен ерінемін.
Жүргізуші: Жалқаубек, оқу керек, үйрену керек. Болашақта Отанымызға көмегіңді тигізесін.
Ән «Балдырғандар»
Жалқаубек: Ой, бұл бекер сөз ғой. Тек ертегілерде өтірік оқиды.
Жүргізуші: Баяғы заманнан бастап адамдар білімге өте көңіл бөлген. Нанбасан, сиқырлы сағатыңды жүргізіп көр?
Жалқаубек: сиқырлы сағат? Шынында да сағаттың көмегімен қазіргі кезде болашаққа, өткенге саяхаттауға болады екен ғой, ия?
Жүргізуші: Көр, содан соң білесін.
(Жалқаубек сағат тілін жылжытады, әуен естіледі, жарық жылтылдайды)
Жалқаубек: Не болып жатыр? Бұрыңғы заманда не болды кен көрейік?
(Әуен естіледі, залға хан кіреді)
Хан: эй, Қасым, не деген ақымықсын. Мынау не? Болашақта қазақ хандығын қалай басқарасын? Сен барлық ғылымдарды білетін, өзге тілде сөйлей алатын данышпан болуын керек. (қамшымен қорқытады) Саған бүкіл халық қарап тұр, ал сен болсаң «Үш жүз» қалай жазылатынын білмейсің. Мені халыққа масқара еттің.
Қасымханның. Қалай білмеймін? Ұшжүз.
Хан. Әлде сен білесің бе? (Хан Жалқаубекке айтады)
Жалқаубек. Мен….білмеймін…. Бұндай сөздерді қайдан үйренесіңдер?
Қасым Хан. Қайда, Қайда? мектепте!
Хан; Жүр балам біздің ауылда той болып жатыр, той бітіп қонақтарды шығарып салайық, сонан соң мен саған өзім барлығын үйретемін.
Би «Асатаяқ»
Жалқаубек: Иәәә. Мен ол туралы ешнәрсе білмеймін…
Жүргізуші: Жалқаубек, сен қамықпа, оқымастан бұрын, алдымен әріптермен танысу қажет. Міне, қарашы біздің бүлдіршендеріміз әріптердің барлығын таниды.
(Ойын «Әріпті тап»)
Жалқаубек; ия,сендер барлық әріптерді біледі екенсіңдер.
Жүргізуші: Біздің балаларымыз әріптерді тани қоймайды, сонымен қатар ноталарды да біледі.
Ал, балалар, аспаптарды
Қолдарына алыңдар.
Мың құбылтып, мың бұралтып
Саз әуенге салыңдар.
(Оркестр «Турецкое рондо»)
Жалқаубек; өткен шақта не болғанын біз білдік ал енді болашаққа саяхаттайықшы (сағат тілін жылжытады, әуенмен робот кіреді)
Робот. Мен роботпын .
Жалқаубек, О. мынаны мен түсінемін. Темірден жасалған, басы жасанды компьютер
Робот. Зерттеуге арналған объект көріп тұрмын. Білімін тексеремін.(бақылау өлшеу аспабымен Жалқаубектін қасында жүргізеді) Білім деңгейі 0 %. Тезарада оқыту керек.
Жалқаубек. Мені тексеремекші болып тұр. Алдымен өзіңді тексеріп көрейік. (4жұлдызды жығарады)Ал енді сана 2+2 тең болады? (жұлдызды артына тығады)
Робот: 4
Жалқаубек .ал енді есепте (1тығады)
Робот. 2+ 1=4! Ой мен бұзылған шығармын. Маған кету керек! (шығып кетеді)
Жалқаубек Ия, Жалқаубек, компьютерді алдап кеттің, ал біздің балалларымыз өте ақылды, олар нақыз жарқыраған жұлдыздар
Ән «Біз кішкентай жұлдыздар»
Жүргізуші: Біздің бүлдіршіндеріміздің мектепке баратын сөмкелеріне оқулықтарын,оқу құралдарын әрдайым реттеп салады. Мектепке ұстайтын сөмкені қалай жинау керек екенін жалқаубекке көрсетейікші. Ал ата аналарымыз бізге көмекке келеді..
Ойын «Портфель жинау»
Анасы бір байлам гүлдерді жинайды, әкесі шарларды үрлейді, бала керек құралдарды портфельге салады.бәрін бітіріп, бірге қол ұстасып, жүгіріп қоңырауға соғады.
Портфельмен би
Жүргізуші: Міне Жалқаубек мына сөмкені ала ғой. Бізбен бірге 1 қыркүйек күні мектепке барасын.
Жалқаубек: рахмет, мен енді түсіндім. Мектепсіз оқусыз бәрі бекер екен. (шығып кетеді)
Жүргізуші: Қараңдаршы, аспаннан жарқырап жұлдыздар түсіпті. Бұл жұлдыздар сиқырлы жұлдыздар кен.
Ойын «Менің мамандығым»
Би «Стюардесса»
Бала: Бақшаны әркім анасындай,
Қастерлейді бағалап.
Өйткені ол баласындай
Бізді өсірді аялап
Барлығы:
Мың алғыс сүйікті бақшамызға,
Мың алғыс сүйікті апайларға!
Бала: Қош бол, әсем бақшамыз,
Қош бол, құрбы-құрдастар.
Қош, балалар бақшасы
Алғаш ашқан есігім,
Қадіріңді білерміз
Біз шалғайда жүрсек те!
Ән «Біз мектепке барамыз»
Жүргізуші:Аққудай өрнек салған көл бетіне,
Бишілер билеп кетті тербетіле
Бұралып тал шыбықтай тұла бойы
Шаттық пен күлкі үйіріле келбетіне.
«Қоштасу» вальсі
Жүргізуші: Жер бетінде адам өмір өткізер,
Бар нәрсеге біліммен қолды жеткізер.
Бар ізгілік тек білімнен алынар,
Білімменен аспанға жол салынар.

Тақырыбы: Біз мектепке барамыз

Мақсаты:  Балаларды  мектепалды даярлық  тобынан  шығарып сала

отырып, оқу-білімге   деген қызығушылықтарын оятып, Отанын,  елін, жерін, құрметтеуге баулып,  адамгершілікке,сыйластыққа  тәрбиелеу.

(Фонограмманың жазылуы дыбысталады)

(Музыка ойналып  тұрады. )

Дауыс:Тыңдаңыздар,тыңдаңыздар!Құрметті қонақтар ата-аналар!Балаларды тәрбиелеу және оқыту мен қамтамасыз ету жөніндегі2018-2019 жылдарға арналған!”Біз өмірдің гүліміз”бағдарламаасын жүзеге асыру аясында мектеп алды даярлық сыныбының қоштасу кешіне Алімхан.Ермеков атындағы ЖОББ мектеп базасындағы тірек мектебінің мектеп алды даярлық тобының түлектері “Бақытты балалық шақ”ұшағымен келіп қонады.Кеш барысында қол телефондарыңызды өшіріп,әр сөздерін мұқият тындап,өнерлеріне тамсанып,қуаныштарын бөлісулеріңізді сұраймыз!Кешімізге қош келдіңіздер!

1жүргізуші:

         — — Құрметті ата-аналар, ұстаздар, қонақтар! Бүгін біз тәрбиелеген бүлдіршіндерімізді ұямыздан ұшырып, 1-сыныпқа шығарып салғалы отырмыз. Көз алдымыздағы тәп-тәтті, сүйкімді балақайларымыз мектепалды даярлықпен қоштасқалы отыр. Бір жыл бойы мектепалды даярлық тобында тәрбиеленіп, білім нәрімен сусындап, оң, солын танып, білім жолына қадам басқалы отырған бүлдіршіндеріміздің даярлық топпен қоштасу ертеңгілігіне қош келдіңіздер. Бүлдіршіндерімізге сәт-сапар тілей отырып, «Даярлық топпен қоштасып, біз мектепке барамыз!»атты ертеңгілігімізді бастауға рұқсат етіңіздер. 

2жүргізуші:Өтті  қызық көп күндер,

Алты жасқа жеттіңдер.

Барасыңдар  мектепке,

 Бір белестен өттіңдер.

 Олай болса, даярлық топпен  қоштасқалы отырған бүлдіршіндерімізді ортаға шақырайық

Балалар хор:

Үлкендерге сіз

Кішілерге сіз

Баршаңызды құрметтеп

Бас иеміз біз.

1жүргізуші:

Өсті міне  бойларың

Өсті ақыл-ойлары

Қуанышқа  ортақпын,

Құтты  болсын тойларың!

 2жүргізуші:     

Айналайын, балалар,

Алда мектеп- ана бар.

Өздеріңнен өседі,

Өнерпаздар, даналар

1жүргізуші: Балалар біз қай елде тұрамыз?

«Біздің Қазақстан», «Отан» .

— Қандай ауылда, кентте тұрасындар ?(Ақадыр кенті)

— Қай мектепте оқисыңдар,Мектептерін кімнің атымен аталады?(Әлімхан Ермеков атындағы мектепте)

-Қай сыныпта оқисыңдар?(даярлық сыныбында)

Ендеше, балалар Отанымыз Қазақстан, анамыз,ұстазымыз,мектебіміз жайлы не білетіңімізді ортаға салайық .

Қазақстан,Отан

Ана

Ұстаз

Мектеп жайлы тақпақтарын,хорларын айтады.

Есік қағылып , көгершіндер кіреді.

Хор:»Біз мектепке барамыз»

Есік қағып көгершін кіреді.

2жүргізуші:

Балалар қарандаршы бізге қонақ келді.Бұл көгершін құсы.Бізге өзімен бірге хат әкеліпті.Хатта не жазылған екен оқып көрейік.

— Сәлеметсіңдер ме,балалар! Мені сендерге «Білім ханшайымы» балалардың мектепке барардағы білімдерін тексер,- деп жіберді. Менің қолымда «Білім ханшайымының» беріп жіберген, бірнеше тапсырмалары бар. Осы тапсырмаларды оқып, орындауларыңды талап етемін. Мен сендердің берген жауаптарыңа қарап, мектепке даярлықтарыңды тексеремін.

І тапсырма Сауат ашу сабағынан

1.Дыбыстар нешеге бөлінеді?(2-ге,дауысты дауыссыз)

2.Дауысты дыбыстарды қандай текшемен белгілейміз?(қызыл)

3.Дауыссыз дыбыстар ше?(көк)

4.Мына сөздерді оқып береміз?(Айша,Айна,Ана,маса)

5.Сөздерді буынға бөліп оқы?(Бо-та, қа-ла, да-ла, ша-на.)

ІІ тапсырма Математика сабағынан.

1. 1ден-20ға дейін санап,кері санаймыз?

2.Геометриялық фигураларды атап айтамыз?

3.Сандардың көршісін тап?

Би: Құстар

Жүргізуші:
Шаттыққа толы жанары
Сыйлайды нені кім білсін
Мектепке кетіп барады
Талабы таудай бүлдіршін.
Балалардың қадамы құтты болсын
Денсаулығы әрқашан мықты болсын
Білімдерін әрі қарай дамытатын
Ерінбейтін еңбекқор мықты болсын

Ән: Қайрулла Іңкәр « Ақ мамам» әнімен

Рахмет  көп- көп

Балаларымыз көңілді

Шақырамыз ортаға

Тойымызға сән беріп

Би билейік тамаша

Кешіміздің одан әрі жалғасын биге берейік

Би: «Гүлдер»

Ұлдарымыз өнерлі
Ән де айтып береді
Бойға жиып жақсылық
Азамат боп келеді

Ойын «Кім жылдам сөз айтады»

Шарты:Төрт-төрттен ұлдар бөлінеміз, Геометриялық фигуралар бар осы фигуралар арқылы үшбұрыш және шеңбер құрастырамыз

Ұлдарымыз өнерлі
Ән де айтып береді
Бойға жиып жақсылық
Азамат боп келеді

Ән:Тұлпарым

Теңіздей тербетіліп көл бетінде,

Бишілер билеп кетті тербетіле.

Аққудай қалықтаған теңіздегі,

Бишілер өнерлерін көрсетуде,- деп ортаға Микки маус биімен қыздарды ортаға шақырайық.

Би:Микки маус

«Ия, ия» «Жоқ, жоқ» ойынын ойнайық

1. Мектепке біз барамыз ба?
2. Кілең бестік аламыз ба?
3. Айтқан тілді аламыз ба?
4. Ақылды бала боламыз ба?
5. Нан жеймін деп жылаймыз ба?
6. Ертеңгісін тұрамыз ба?
7. Сабақ та отырып ұйықтаймыз ба?
8. Ойыншықтармен ойнаймыз ба?
9. Екі алғанда жылаймыз ба?
10. Оқушы біз боламыз ба?

Жүргізуші: Олай болса ата – аналармен де «Ия, ия» «Жоқ, жоқ» ойынын ойнайық.

1. Балаңызға әрқашан тірек сіз ба?
2. Сабақ оқып, есепке сіз жүйрік сіз ба?
3. Тамағын уақытылы бересіз бе?
4. Төзімділікке сіз әр уақытта төзесіз ба?
5. Сериал көріп жатасыз ба?
6. Ұрып, нұқып үйретуге барасыз ба?
7. Оқыту мұғалімнің жұмысы деген кері тартпа сөзді айтасыз ба?
8. Сен оқыт, мен оқып шаршадым деп ұрысуға дайынсыз ба?
9. Балаңыз үшін балаларды соғасыз ба?
10. Бала үшін асулардан асасыз ба?

Би:Вальс

«Батамен ел көгерер» дейді дана халқымыз. Бізде жақсы оқу, үлгілі болу үшін үлкендердің ақ тілек баталарын, тілектерін алып, болашаққа жол бастайық.

Сөздің кезегі бастауыштың оқу ісінің меңгерушісі Тлеужанова Гүлім Сапарқызына беріледі.

2жүргізуші:

Сүйікті балғын бала шақ.

  Сендердікі болашақ.

  Озат болып оқыңдар,

  Ойға білім тоқыңдар

( Балалардың мадақтамаларын тапсыру)

Хор:Даярлықпен қоштасу

 1жүргізуші: 

—  Құрметті осы мерекеге жиналған ата-аналар! Бала біздің болашағымыз, еліміздің ертеңі. Сол ертеңгі ел тізгінін ұстайтын  ұрпағымызды тәрбиелеп, бойына ізгілік нұрын себу   мына отырған сіздер мен біздердің   міндетіміз.

    Міне, бүгін біздер осы  бүлдіршіндерімізі мектепке даярлап, шығарып салғалы отырмыз. Осы балаларға сәт сапар тілей отырып,    ата –аналар сіздерден ақ бата сұраймыз.

(Фонограмманың жазылуы дыбысталады)

Дауыс:міне,біздің кешіміз аяқталды.Біз сіздерге қызықты кезендерін көрсете алдық.Біздің тілеріміз сіздерге бақыт,шаттық,береке,мереке.

Назым Ербаева

Басқа материалдар

Балабақшамен қоштасу

Жамбыл облысы Жамбыл ауданы
«Жұлдыз» бөбекжайы» КМҚК
Педагог-психологы Интымакова Айгуль Сагинтаевна

Ертеңгілік
Балабақшамен қоштасу

Мақсаты: Сәби шағынан бастап балабақшаға бауыр басқан бүгінгі бүлдіршіндерді өнер әлеміне жетелей отырып, қызығушылығын ояту. Балалар арасында достық қарым–қатынас қалыптастыру.

Жүргізуші: Армысыздар қымбатты ата-аналар балабақша ұжымы! Біз бүгін бірнеше жыл мәпелеп, күтіп тәрбиеленген бүлдіршіндерімізді  ұямыздан ұшырып мектепке шығарып салғалы отырмыз.
Өтті қызық көп күндер,  
Алты жасқа жеттіңдер,
Барасыңдар мектепке
Бір белестен өттіңдер.
Өсті ақыл, ойларың,
Өсті міне бойларың,
Қуанышқа ортақпыз,
Құтты болсын тойларын – деп,
Сүйікті балабақшасымен, қимастықпен қоштасатын балаларымызды құрметпен қарсы алайық.

Балалар музыкамен кіреді.

Жүргізуші: Жарайсыңдар балалар
Қазақстан Гимн орындалады (хормен)
Жүргізуші: Мектеп ана шақырады бізді алдан,
Алдымызда әлі талай сан арман.
Қоштассақ та балабақшам сенімен,
Санамызда өзің берген өнегең – деп,
Бүлдіршіндеріміз мектепке баруға дайын екендігін дәрігер апайдан сұрап көрейікші.
Дәрігер апай келеді.
Дәрігер: Сәлеметсіңдер ме балалар!
Балалар: Сәлеметсіз бе дәрігер апай.
Жүргізуші: Дәрігер жолдас.
Алдындағы балалар,
Мектепке кетіп барады.
Сұрақ қойып, жауап ал,
Жарамсызы қалады.
Дәрігер апай балаларды тыңдап шығады.
Дәрігер: Бәрі тегіс қаралды,
Бәрі тегіс жарамды
Бәрі түгел дайын екен
Бәріне де рұқсат етем
Егер ауырып қалар болса
Дәрісіз–ақ емдеу керек
Денсаулықтың бұзылғанын
Жаттығумен жөндеу керек.
Дәрігер жаттығу жасатады.
Дәрігер: Ал, енді жолдарың болсын. Жаттығу жасауды ұмытпаңдар.
Жүргізуші: Дәрігер апай біздің қуанышты кешімізге келгеніңізге көп рахмет.
Дәрігер қоштасып шығып кетеді.
Ал енді, білім ханшайымын шақырып, балалардың білімдерін тексерейік.
Білім ханшайымы келеді.
Ханшайым: Сәлеметсіздер ме, балалар!
Балалар: Сәлеметсіз бе!
Ханшайым: Мен сендердің білімдеріңді тексеруге келдім. Балалар, жақсы оқитын бала неше деген баға алады?
Балалар: «5»-деген баға.
Жүргізуші: «5»-тік бағасы қандай балаларға қойылады?
Балалар: Сабақты өте жақсы оқитын, еңбекқор балаларға қояды.
Жүргізуші: Еңбек туралы кім мақал–мәтел, біледі?
Асылай: Еңбекқор бала жұмыс сұрар,
Жалқау бала түсте тұрар.
Ханшайым: Жарайсыңдар балалар!
Балалар біз қандай мемлекетте тұрамыз?
Балалар: Қазақстан
Ханшайым: Қазақстан республикасының президенті кім?
Балалар: Нұрсұлтан Назарбаев
Ханшайым: Дұрыс, жарайсыңдар балалар.
Бір жылда қанша мезгіл бар?
Балалар: Төрт мезгіл бар.
Ханшайым: Атап беріңдерші?
Балалар: Көктем, жаз, күз, қыс.
Ханшайым: 1-ден -10-ға дейін санаңдар, сосын кері санайық.
Балалар: 0, 1, 2, 3, 4, 5, 6, 7, 8, 9, 10.
10, 9, 8, 7, 6, 5, 4, 3, 2, 1.
Ханшайым: Жауаптарың дұрыс.
Балалар енді біз ойын ойнайық.
Ойын: «Ойна да, ойлан» (есеп шығару)
Ойын шарты: Үлестірмелі сандарды тақтаға жабыстыру арқылы есеп шығару.
Ханшайым: Жарайсыңдар балалар есепті дұрыс шығардыңдар.
Балабақшадан көп нәрсе үйренген екенсіңдер.
Рахмет сендерге балалар! Сәт-сапар тілеймін.
Сабақтарыңды тек 4-5–ке оқуларына тілектеспін.
Қош сау болыңдар, мектепте кездескенше.
Би: «Испан биі»
Ән: «Біз бақытты баламыз»
Бүлдіршіндеріміздің тақпақтарын қабыл алыңыздар.
Асылжан: Орын берген бақшадан
Меңгеруші жақсы адам
Сондықтан да біз үшін
Артық өзі басқадан
Аяулым: Біз мектепке барамыз
Қолға қалам аламыз
Кітапты да оқимыз
Суретті де саламыз
Би: «Жаяу»
Ойын: «Жұбын тап»
Ойын шарты: Балалар екі топқа бөлініп, үлестірілген суреттерден жануарлар мен оның төлдерін жұптастырып жинайды.
Би: «Зуби-зуби»
Тақпақ:
Гүлназ: Бақша біздің панамыз
Мектеп біздің анамыз
Ұлағатты ұстаздан
Оқып білім аламыз
Ерсұлтан: Қуанышымыз біздің мол
Мектепке біз тарттық жол
Ұмытпаймыз өзіңді
Балабақшам қош сау бол.
Би: «Көктем келді!»
Ойын: «Керекті оқу құралдары»
Ойын шарты: Балалар ойыншықтардың арасынан оқу құралдарын жинау керек.
Жүргізуші: Құрметті ата-аналар, бүлдіршіндердің балабақша қызметкерлеріне айтатын алғысын қабыл алыңыздар !!!
Гүлдендірген бақшаны,
Меңгеруші апай жақсы адам.
Сондықтан ба біз үшін,
Артықсыз сіз басқадан.
Раушан Жанатбекқызына
Барлық балалар: «Мың алғыс»

Жайдары жүз, ақ  қабақ,   
Жүреді  бізді аймалап.
Тобымызға жиі кеп,
Білгенімізді сұрайтын,
Ақыл айтып тұратын
Айнұр Амантайқызына
Барлық балалар: «Мың алғыс»

Денсаулыққа болаттай,
Ауруларды жолатпай
Күнде болған әбігер,
Қамқоршымыз дәрігер
Жансая Жанадиловнаға
Барлығы бірге: «Мың алғыс»

Естен кетпес үніңіз,
Бізбен өтті әр күніңіз.
Бізге үміт артасыз,
Бізді баптап қараған.
Күлімдеген жақсы адам
Ақ төсекке жатқызған
Басымыздан сипаған,
Айгүл, Мөлдір,
Жанар, Гүлназапайларға
Балалар бірге: «Мың алғыс»

Әлде май ма, құймақ па?
Палау ма, әлде сорпа ма?
Керек болса бал қаймақ,
Тұрады әр кез ортада
Тәп-тәтті тағамы,
Апайлар ас маманы
Клара мен Қарашаш апайға
Бәріміз бірге: «Мың алғыс»

Бүгін балабақшамен қоштасқалы тұрған түлектеріміздің тақпақтарын тыңдасақ.
Асылжан: Витамин жеп қолынан
Өскен сәби баламыз
Дәрігер апай, сізге де
Алғыс айтып барамыз
Ақнұр: Тәрбиеші мен күтуші
Анамыздай біздерге
Тек жақсылық тілейміз
Рахмет айтып сіздерге
Еркежан: Қош, балалар, сәт сапар
Үлгілі бәрің болыңдар
Жақсы оқып әрқашан
Тек «5» -тікті алыңдар
Есімхан: Оқимыз білім аламыз
Болашақ жолын саламыз
Бақшаменен қоштасып
Біз мектепке барамыз
Қасымхан: Көңілді өскен баламыз
Шырқатып әнге саламыз
Тойымызға сән берер
Би де билей аламыз
Саянұр: Үлкен сенім жүктеп алып
Мектепке кетіп барамыз
Тәрбиешім, өзіңмен
Қоштасу әнін саламыз
Қарақат: Балабақшам бесігім
Тағы бір той жасайық
Ашты мектеп есігін
Өзіңмен қоштасайық
Асылай: Үлкендердей тап–таза
Бормен жазар тақтаға
Үлгілі бала боламын
Жүретіндей мақтана
Шар ұшыру сәті. (Балалар өздерінің арман-тілектерін айтады.)
Түлектеріміздің қоштасу вальсін қабыл алыңыздар.
Би: «Вальс»
Ән: «Әрқашан күн сөнбесін»
Жүргізуші: Әр бір ұрпақ болашағымыздың алтын діңгегі. Сол ұрпақты өмірге әкеліп, адал ниет, ақ батамен өсірген ата-ана емес пе? Балалардың осы қуаныштарын бөлісіп отырған ата-аналарға сөз кезегін береміз.
Келесі сөз кезегін «Жұлдыз» бөбекжайы» меңгерушісі Раушан Жанатбекқызына сөз кезегін береміз. (Балаларға сыйлықтар табысталады.)
Жүргізуші: Барша бүлдіршінге бақыт, ашық аспан, жарқын болашақ, тыныш өмір, шат күлкі, үлкен жетістіктер мен сәттіліктер тілейміз.

                          Қош бол балабақша!
Залға балалар шармен музыка әуенімен кіреді.
Барлығы :   Жақсылыққа құмармыз,
Жақсы адам боп шығамыз.
Таза сәби жүректен,
Қабылдаңыз мың алғыс!    (шарларын ұшырады)
Олжас:        Құрметті қонақтар армысыздар,
Бәріңізде есен-аман бармысыздар.
Таусылмайтын ағытып ой арманың,
Ал, достарым ақ жол тілеп, сөз бастағын.
Қарақат:     Ақ тілекті ағытып бір тастайық,
Қоштасатын кешімізді бастайық.
Жүздерінен көрем шаттық арайын,
Болсын солай әрбір күнің, әр айың.
Ернұр:   Бүгінгі қоштасу кешімізді бастай отырып, ортаға білім мен тәрбие нәріне сусындатқан әпкилерімізді ортаға шақырайық.
Ортағы екі тәрбиеші «Астапурай» өлеңінің әуенімен ән айтады.
Гүлшат:
Сәлем гүлдей жайнаған балғындарым-ай,
Бақшамыздан тәрбие алғандарым-ай.
Енді міне ер жетіп бәрің бірге –ай,
Достарыңмен мектепке барғандарың-ай
Қайырмасы
Балаларым-ай, балғындарым-ай,                                    (2 рет)
Кілең беске оқыңдар жарқындарым-ай.
Ақдидар:
Күлерсіңдер әрқашан шаттаныңдар-ай,
Барлығыңда болашаққа аттаныңдар-ай.
Аттаныңдар жұптарың жазылмасын-ай,
Ешқандайда қиындықтыр жолықпасын-ай.
Қайырмасы.
Балаларым-ай, балғындарым-ай,                                      (2 рет)
Кілең беске оқыңдар жарқындарым-ай.

Гүлшат:
Өтті қызық көп күндер,
Жеті жасқа жеттіңдер.
Барасыңдар мектепке
Бір белестен өттіңдер.
Қымбатты ата-аналар, балабақша қызметкерлері, қонақтар! Бүгін біз бірнеше жыл мәпелеп, күтіп тәрбиелеген бүлдіршіндерімізді ұямыздан ұшырып, мектепке шығарып салғалы отырмыз. Олардың әр бірі балабақшадан  білім деген іргетасын қалап, мектепте үлгілі оқушы болатынына сеніміз мол. Кәнекей, кішкентай түлектерімізге тағы да бір қошеметпен қол соғып қояйық.

Ақдидар:
Өсті ақыл, ойларың,
Өсті, міне, бойларың.
Қуанышқа ортақпыз
Құтты болсын тойларың!

Гүлшат: Бүгінгі кешіміздің түлектерін таныстырып өтсек.
Биязы мінезімен
Түрлі рөлді сомдайды.
Күлімдеген Жанельді
Барлық досы қолдайды.
Ақдидар:
Спортты жаны сүйеді
Салаутты өмір сүреді.
Бар қоғамдық жұмыстың,
Ортасында жүреді.
Серік топтың жүрегі.
Гүлшат:
Қандай да болсын игі іс,
Онсыз сірә бітпейді.
Гүл жайнаған Нұрайды
Жауқазын гүлге теңейміз.
Ақдидар:
Сабырлы,  жайсаң мінезі
Адалдықты сүйеді.
Бәрі де бәрі сыйлайды
Топтас құрбы Әсемді.
Гүлшат:
Бойында үлкен намыс бар,
Әрқашан алға ұмтылған.
Сегіз қырлы, бір сырлы
Намысшыл жігіт Бексұлтан.
Гүлшат:
Ортамыздың ажары,
Перизаттай ерке қыз.
Әр қылығын көтеріп,
Еркелете береміз.
Ақдидар:
Ойы ұшқыр Құндыз,
Математиканы сүйеді.
Қиын есеп болса да,
Лезде шешіп береді.
Гүлшат:
Айтыскер болу арманы
Өзі сондай салмақты.
Нұрландырған ортаны,
Біздің Қарақат жан-жақты.
Ақдидар:
Кіп-кішкентай болса да
Елді аузына қаратар.
Сүйкімді қыз  Д Балауса
Көркі оның көз тартар.
Гүлшат:
Білімді қыз инабат,
Болар бізге қолқанат.
Жақсылықты арқалап,
Нұрданада бар талант.
Ақдидар:
Мына біздің Балауса
Ибалы да өнерлі.
Ақылы оның өте көп,
Сүйкімді боп жүреді.
Өз тілін жақсы көреді
Өнерден кесте өреді.
Гүлшат:
Олжас деген бала бар,
Бойында түрлі сала бар.
Көпшілікті қуантып,
Үлкен үмітпен қаратар.
Ақдидар:
Ән салғанда шырқап бір,
Шаршамайды сірә бір.
Нұрбек біздің өнерлі,
Сырын терең ұға біл.
Гүлшат:
Арқасында талпыныстың,
Көп қарайсың жалықпай.
Кітапқа деген құмарлық,
Нұрлыхан көмектесер өзіңе
Алдағы білім көзіне.
Ақдидар:
Санжар болса кішкентай,
Баяулап ұшқан күйкентай.
Өнеріне қарасаң,
Самғап ұшқан қырандай.
Гүлшат:
Инабатты сұлу қыз.
Әдемі де түзу қыз.
Сымбат топтың аруы,
Еркелетіп жүреміз.
Ақдидар:
Аюп деген ұл да бар,
Қыздар оны мақтаған.
Жарыс десе жайнайтын,
Топ намысын қорғайтын.
Гүлшат:
Өнермен ашып жетілген,
Шешендік сөзбен көсілген.
Таныстырсам оны мен,
Ернұр оның есімі екен.
Ақдидар:
Спортпенен білім жағын бір қосқан,
Кем қалмаған талантпенен табысқан.
Қараңызда Ерболатымыз  ортада,
Тауды бұзар шын кіріссе намыстан.
Гүлшат:
Еңбек сүйгіш, таудай талап бойында,
Барлық істі тыңдау  оның ойында.
Қуанамыз кіші топтан келгеніне,
Алдиярдай  асыл жігіт тобымызда.
Ақдидар:
Біледі ол жақсы менен жаманды,
Өнерменен тамсандырған адамды.
Зүрият Нұрай ортамызда сұлу қыз,
Сұлулығымен бағындырар ғаламды.
Гүлшат:
Әрі сұлу, әрі игі
Келші Бағнұр қылықты.
Он бір ұлы бар үйдің
Жалғыз қызы сияқты.
Ақдидар.
Қане, Аяжан тобымның,
Гүлі болып шыға ғой.
Сені көрген адамның
Қуанбауы күнә ғой.
Гүлшат:
Парасатты ер жігіт,
Ақылменен біледі.
Сегіз қырлы, бір сырлы
Нұрсәт күліп келеді.
Ақдидар:
Өлшеу жоқ өнерінің табысына,
Болашаққа ойдағыдай барысына.
Ерболаттай жігіт бар ортамызда,
Көрсеткен үздік өнер сайысында.
Гүлшат:
Қуанам мен тобымның нұрларына,
Балалардың туған ой мен қырларына.
Тәрбиелеп өсірген жемістерім,
Ризамын Бағдаулеттей ұлдарыма.
«Балауса» тобының бітіруші түлектеріне тағы да бір қошемет көрсетіп қояйық.

Гүлшат:
Мерекеде сызылтып ән салады,
Ән айтып би де билеп жан салады.
Бұл ұлы мерекеде ән салғанда
Бүкіл ел шапалақтап қарсы алады
Ән « Бақытты баламыз»

Алдыңдағы балалар
Мектепке кетіп барады.
Тақпақ айтып бір-бірден,
Қимай кетіп барады,-дей келе ортаға балаларымызды өз тақпақтарын айтуға шақырамыз.
Аяжан:
Балабақша, балабақша,
Шаңырағы  шаттықтың.
Балабақша қорғаны,
Балғын сәби жастықтың.
Қуанамыз сыйлаймыз,
Қуаныштың мың гүлін.
Бақшамызбен қимай біз
Қоштасатын күн бүгін.
Бексұлтан:
Оқимыз, білім аламыз,
Болашақ жолын саламыз.
Бақшамызбен қоштасып,
Біз мектепке барамыз.
Әсем:
Үлкендердей тап-таза,
Жазамыз бормен тақтаға.
Үлгілі бала боламыз
Жүретіндей мақтана.
Ернұр:
Талай қызық той өткіздік,
Бірақ орны бөлекше.
Бақшамызбен қоштасатын,
Бүгінгі той ерекше.
Д. Балауса:
Алты жасқа толамыз,
Әдепті бала боламыз.
Қуантып ата-ананы
Мектепке кетіп барамыз.
Бағнұр:
Ботақаным бөбек деп,
Еркелеткен ұл-қызын.
Анамызды ерекше
Қуантатын күн бүгін.
Өсті міне бойымыз
Толды тағы ойымыз.
Қуанышқа ортақпыз,
Құтты болсын тойымыз.
Бағдаулет:
Бұл қуаныш себебін,
Бізге қарап ұғарсың.
Ер жетті деп бөбегін
Туған Отан қуансын.
Перизат:
Оқимыз білім аламыз,
Болашақ жолын саламыз.
Бақшаменен қоштасып
Біріншіге барамыз.
Гүлшат: Рахмет көп-көп.
Балаларымыз көңілді,
Шақырамыз ортаға.
Тойымызға сән беріп,
Би билейік тамаша.
Би «папури»
Енді балалардың балабақшадағы апайларына өз ризашылықтарын білдірмек.
Нұрсәт:
Гүлдендірген бақшаны,
Меңгеруші апай жақсы адам.
Сондықтан да біз үшін,
Артықсыз сіз басқадан.
Гүлшат Шамадинқызына мың алғыс!
Сымбат:
Жайдары жүз, ай қабақ
Жүреді бізді қарайлап.
Тобымызға жиі кеп
Білгеніңді сұрайтын
Ақыл айтып тұратын,
Қалдыкүл әпкиге көп рахмет!
Серік:
Денсаулығы болаттай,
Ауруларды жолатпай.
Күнде болған әбігер,
Қамқоршымыз дәрігер.
Айсәуле әпкиге мың алғыс!
Нұрдана:
Үйренгенбіз өнер біз,
Шетімізден шеберміз.
Бал татыған әндерді
Мың бұралған билерді
Үйреткен Гүлнар әпкиге мың алғыс!
Ерболат:
Күліп қарап ісімізге шаттанған,
Дәмді асымен жайған бізге дастархан.
Анамыздай аялаған біздерді
Күміс, Жанат, Элмира  әпкилердің мінезі бай дархан.
Аюп:
Қызық сабақ тренингтер өткізген,
Үйрендік талай жақсы істер біз сізден.
Психолог  Нұрсұлу әпки жайдары
Қабылдасын бүгін алғыс біздерден.
Жанель:
Бізді баптап қараған,
Күлімдеген жақсы адам.
Ақ төсекке жатқызған
Басымыздан сипаған.
Бибінұр әпкиге мың рахмет!
Құндыз:
Жазу жазып үйреткен,
Әріптерді оқытқан.
Санамақты жаттатып,
Санауды бізге үйреткен.
Жақсы болсақ қуанған,
Қате болсақ кешірген
Гүлшат, Ақдидар әпкиге мың рахмет!
Н. Нұрай:
Знать англиский и казахский,
Русский тоже надо знать.
Чтоб прочесть простую сказку
Или что-то написать.
Анар әпкиге мың рахмет!
Санжар:
Бізде мұнда әрдайым,
Бәрі бәрі дап-дайын.
Қамымызды ойлаған,
Қоймашы Қарашаш әпкиге мың алғыс!
Нұрбек:
Еңбек еткен еңселі,
Сырты менен ішіне.
Балабақша қызметін
Иығына көтере.
Әлия әпкиге мың рахмет!
З.Нұрай:
Балабақшам, бесігім,
Қайсысын айта берейін.
Қабыл алшы гүлімді
Сіздерге сыйлап кетейін.
:
Мектепке енді барамыз,
Оқимыз, сауық құрамыз.
Қашық емес арамыз
Бақшаға келіп тұрамыз.
Ақдидар:  міне, балалар сендер көптен күткен қимастығы мен қуанышы бірдей мерекелерің басталып та кетті. Сендерді қуанышты күндеріңмен құттықтауға сәбилер тобынан келіп тұрған бүлдіршіндердің ақ тілегін тыңдасақ.
Азамат:
Қош, балалар, сәт сапар,
Бақытты бәрің болыңдар.
Жақсы оқып сабақты
Кілең бестік алыңдар
Асылай:
Бірге ойнап, бірге жүрген
Күндерімізді қимаймыз.
Естелік болсын біздерден
Кітап, дәптер сыйлаймыз.
Ән «………..»
Гүлшат:
Көктем жаздың кереметі көп екен,
Көбелектер әсем гүлдің сәні екен.
Шақырайық олай болса ортаға,
Биші топты «Көбелектер» биімен.
Би «Көбелектер»
Көрініс «Портфель»

Нұрлыхан:
Ойыншықты жинаймыз,
Бөбектерге сыйлаймыз.
Өнер- білім үйреткен
Балабақшаны қимаймыз.          (ойыншығын сыйлайды)
Алдияр:
Біздер үшін еңбек еткен шаршамай,
Баршаңызға рахмет апайлар.
Балабақша көркі болсын әрқашан,
Кейінгі бүлдіршін балғын балалар.     (ойыншығын сыйлайды)
Ән: « …………………………………………..»
Қотытынды:
Гүлшат:
Бүгін міне, балабақшамыздың түлектерін ұшырғалы отырмыз. Балабақшаға бүлдіршін болып келіп, шәкірт болып аттанғалы тұрған тәрбиеленушілеріміздің балабақша қабырғасында жүріп «Қатынас», «Таным», «Денсаулық», «Шығармашылық», «Әлеуметтік орта»  салаларында өздерін дамытып, білімдерін шыңдап, мектеп білім ордасының табалдырығын аттауға дайын екендерін таныта білді.
Биылғы түлектер өнерлі де алғыр болып мектепте де зор табысқа ие болады деген сенімдеміз. Осыған орай балабақша түлектеріне ақ жол тілеп, лебізін білдіруге балабақша меңгерушісі Шайымбетова Күлшат Шамадинқызына сөз береміз.

Рахмет ретінде астында тұрған жарнамалардың біреуін басуды сұраймын!