Праздник паисия святогорца когда

Служба преподобному Паисию Святогорцу

Утверждено Священным Синодом
Русской Православной Церкви
8 декабря 2020 года (журнал № 99).

Месяца июня в 29-й день

Преподобнаго Паисия Святогорца

На малей вечерни

На Господи, воззвах: стихиры, глас 4.

Подобен: Дал еси знамение:

Отче Паисие досточудне,/ знаменьми воистинну чудес твоих/ в последняя времена явился еси/ веси Фарасския древо многоплодное,/ родителей твоих похвала,/ столп воздержания,/ Афона и всея Церкве слава./ Темже верных собрания/ пении по долгу благохвалят житие твое.

Отче Паисие богоблаженне,/ града Коницы украшение,/ пламенную любовь от юности ко Господу имея,/ житии святых и преподобных отец назидался еси/ и, во благочестия наставники тех избрав,/ ученик верный и последователь твердый/ воздержания и постничества был еси.

Отче Паисие священне,/ помыслы лютаго сопротивника отверг,/ чистейший молниезрачный образ Христа/ в сердце твоем приял еси./ Темже, безбожия помышления разгоняя,/ истины догматы и богатство веры/ ныне концем земли проповедуеши.

Отче Паисие преподобне,/ вышнее Троицы действо издетска стяжав,/ благодать пощения приял еси/ и, любовь велию ко святым имея,/ младенческая вся отвергл еси,/ движа ко изумлению вся сродники и домашния твоя,/ прообразуя тако, святе, путь жития твоего.

Слава, глас 2:

Неустанныя подвиги твоя, богоносе Паисие,/ яко ясныя образы подражания и спасения вси познахом:/ страстей бо всяческая востания победив,/ во времена последняя яко солнце возшел еси/ на горе Афонстей и во инех странах,/ просвещая твоими чудесы и наставлении./ Темже в молитвах не престай,/ ума нашего мрак греховный разгнати,/ да познаем вси велию милость.

И ныне, Богородичен:

Все упование мое на Тя возлагаю,/ Мати Божия,/ сохрани мя под кровом Твоим.

На стиховне стихиры, глас 2.

Подобен: Доме Евфрафов:

Коница и Синай,/ и гора Афонская,/ ликуют и хвалятся/ божественною памятию твоею,/ отче Паисие.

Стих: Восхвалятся преподобнии во славе/ и возрадуются на ложах своих.

Гробу твоему честному,/ отче Паисие,/ с верою множества покланяются,/ надеющеся прияти/ благодать твою, славне.

Стих: Воспойте Господу песнь нову,/ хваление Его в Церкви преподобных.

Ходатая ко Христу/ ведают тя вси,/ Паисие всеблаженне,/ темже и прошений своих/ приемлют исполнение.

Слава, глас тойже:

Имея в души, отче Паисие,/ свет Святыя Троицы,/ осияваеши благочестно/ призывающих тя, всеславне.

И ныне, Богородичен, глас тойже:

Владычице Богородице,/ молися непрестанно Сыну Твоему/ о воспевающих рождество Твое,/ Богоневесто Пречистая.

Тропарь писан на велицей вечерни.

На велицей вечерни

На Господи, воззвах: стихиры на 8, глас 1.

Подобен: Всехвальнии мученицы:

От отрочества зело возлюбил еси/ монашеское жительство/ и пребывание единомысленное,/ честный Паисие,/ темже мирская обольщения,/ плотския сласти и вся преходящая/ мужественне презрел еси/ и, ум твой в Горняя вперив,/ яко ангел в телеси пожил еси.

Воинства мирскаго ратник быв,/ преблаженне Паисие,/ образ добродетели сущим с тобою показал еси,/ иноческим же полком сочетався,/ учитель благочестия многим явился еси,/ наставляя тех ко спасению/ словесы твоими, знаменьми и чудесы,/ яже творил еси/ Христа божественною благодатию.

Возшед на гору Синайскую,/ тамо преподобно пожил еси,/ подражая Моисею боговидцу/ и Иоанну, лествицы божественныя списателю,/ славне Паисие,/ в посте, яко безплотен пожив,/ дарования Утешителя Духа Святаго приял еси,/ якоже древле отцы наши и вси святии.

Обители Стомион в Конице усердный инок/ и Есфигмена благопокорный послушник был еси,/ и Филофеевскую обитель, преподобне, прославил еси,/ последи же на гору Синай,/ яко ангел, вселился еси,/ промышляя о потребных людем бедным/ и о всякой твари.

Поучении и чудесы многоразличными/ киновию Суротийскую утвердил еси/ и благочестным девам и женам,/ отче преподобне Паисие,/ воистинну богосветлый наставник, путевождь и учитель явился еси,/ темже гроб твой, якоже велие сокровище,/ священная обитель содержащи,/ веселится честне.

Юным мудрый попечитель явился еси,/ постниче святый Паисие,/ недугующим врач и помощник,/ страстьми губительными обдержимым избавитель,/ безбожным скорое вразумление,/ учеником благонадежное утверждение/ и всякому человеку ближний во Христе и знаемый.

Слава, глас 6:

Подвижников стезею шествуя,/ богоносе Паисие,/ к добродетельному житию устремился еси/ и, ветхаго человека совлекся,/ непрестанною же молитвою ум очистив,/ Духа Святаго сладости причастник показался еси./ И ныне, богоукрашенный отче,/ стяжанию благодати Духа Святаго/ нас прилежно научаеши.

И ныне, Богородичен, глас тойже: Кто Тебе не ублажит, Пресвятая Дево:

Прокимен дне. И чтения три преподобническая.

На литии стихиры самогласны, глас 1:

Веселися о Господе горо Афонская,/ в тебе бо, яко цвет весенний,/ в последняя времена преподобный Паисий процвете,/ иже слез излиянием,/ яко делатель добрый, душу свою воздела,/ добродетелей древо насади/ и плоды безстрастия и прозрения принесе,/ подаваяй страстей врачевание/ и исцеление недугов душевных вкупе и телесных./ Темже ныне к нему притекаем/ и с верою умильно вопием:/ молися, святе Паисие, милостивому Богу за ны,/ воспевающих житие твое/ и велия твоя дарования.

Глас 2:

Своему хотению умертвився,/ яко иный Павел, страстей свободился еси/ и одеждею световидною Духа Утешителя облеклся еси./ Темже, яко телесныма очима,/ помышления человеков зрети сподобился еси,/ будущая предведая и полезная провещавая/ приступающим к тебе, отче Паисие./ Сего ради и мы, руце к тебе простирающе,/ яко имущу велие дерзновение ко Господу,/ молитися за ны просим,/ яко да волнение моря житейскаго прейдем/ и в пристанище Царствия Небеснаго достигнем.

Глас 3:

Отче преподобне,/ на всяк день человеков множества,/ яко ковчег спасения,/ келлию твою обступаху:/ едини убо спасения души взыскующе,/ друзии же исцеления недугов,/ помыслов исправления/ и прилучшихся в житии разрешений просяще./ Такожде и ныне ко гробу твоему,/ людие притекающе,/ тогожде с верою просят,/ с нимиже и мы тебе сице вопием:/ блаженне старче Паисие,/ молитвами твоими и нас укрепи.

Глас 4:

Море сланое страстей прешед/ и духов лукавых гордыню низложив,/ вместилище Утешителя Духа был еси,/ преподобне отче Паисие./ Ты бо, зерцало ума очистив,/ моляся, Богочеловека Господа узрел еси,/ Пречистую Его Матерь,/ Лукиллиана и Евфимию, мучеников славных/ и лики прочих святых./ С нимиже и ныне молися Господу,/ помиловатися душам нашим.

Слава, глас тойже:

Подражателя Христова, Паисия преподобнаго,/ на Святей Горе пожившаго,/ похвальными словесы воспоим,/ той бо струями слез распаление страстей угаси,/ душу просвети и ум очисти,/ и светлейший сосуд благодати явися./ И ныне, собору постников сочетався,/ непрестанно молится о призывающих честное имя его.

И ныне, Богородичен, глас тойже:

От всяких бед рабы Твоя защити,/ Благословенная Богородице,/ да Тя прославим,/ надежду душ наших.

На стиховне стихиры, глас 5.

Подобен: Радуйся, постников:

Радуйся, Фарасския земли прозябение,/ Святыя Горы реко приснотекущая,/ учителю благочестия,/ обители Суротийския питателю,/ подвизающихся добрый образе,/ Синая благое украшение,/ града Коницы хранителю/ и всея Еллады пресветлое солнце,/ юности попечителю и помощниче,/ человече Небесный и во плоти ангеле,/ целителю недужных и страждущих упокоение,/ Паисие отче наш,/ Церкве Христовы новая звездо и досточудная.

Стих: Честна пред Господем/ смерть преподобных Его.

Радуйся, отче наш Паисие,/ отроком изрядный благочестия проповедниче,/ страждущим скорое избавление,/ безчинным кроткое вразумление,/ сущим в бедах подкрепление,/ скорбящим утешение,/ верным вспоможение,/ всем, приходящим к тебе помощниче,/ преподобных сопричастниче/ и теплый о нас к Богу молитвенниче.

Стих: Блажен муж, бояйся Господа,/ в заповедех Его восхощет зело.

Радуйся, преподобне отче Паисие,/ священников богомудрый наставниче,/ благочестно жити хотящих учителю,/ постником истинное правило/ и богодохновенный провидче!/ Ты, дар прозрения имея,/ сокрытая помышления ума обличал еси/ и недуги душевныя врачевал еси./ Темже по всей земли имя твое прославися/ и вернии со усердием молятся,/ твоея помощи взыскующе.

Слава, глас 8:

Постнически пожив и сласти житейския одолев,/ плоти желания и сладострастие всякое победил еси/ и посещения благодатнаго сподобился еси,/ преподобне старче Паисие,/ ты бо, в келлии своей пребывая,/ великомученицу Евфимию яве узрел еси/ и о мученичестем подвизе ея беседовал еси./ С неюже о нас молися,/ даровати душам нашим велию милость.

И ныне, Богородичен, глас тойже:

Владычице, прими молитвы раб Твоих/ и избави нас/ от всякия нужды и печали.

Тропарь, глас 1:

Фарасския земли порождение/ и Афона славное украшение,/ блаженне отче Паисие,/ преподобных изрядный подражателю,/ яко всесветлое солнце просиял еси/ и благодатию верных множества озарил еси:/ слава Давшему ти крепость,/ слава Венчавшему тя,/ слава Даровавшему тобою всем исцеления.

На утрени

По 1-м стихословии седален, глас 1.

Подобен: Гроб Твой, Спасе:

Благодатию Христовою просвещен, якоже древнии отцы с безсловесными зверьми пожил еси, отче богомудре, и птиц и змиев друг соделался еси. Темже вси, видевшии тя, ужасахуся и Вседержителя Бога прославляху.

Слава, и ныне, Богородичен, глас и подобен тойже:

Икону честную Страшнаго Предстательства Матере Владыки держал еси, преподобне отче Паисие, и, воззрев к Вышним, явися ти от нея свет, озаряяй вся. Сего ради молися непрестанно с Приснодевою о душах наших.

По 2-м стихословии седален, глас 3.

Подобен: Красоте девства:

Многочуднаго честнаго Паисия, Горы Афонския славу и Каппадокийския земли прозябение, гордыню змиеву поправшаго, страсти плотския сокрушившаго и множества верных чудесы облагодетельствовавша достойно вси да почтим.

Слава, и ныне, Богородичен, глас и подобен тойже:

Приснодеву Госпожу Владычицу, земнородных род украсившую и сладчайший зрак имущую, в кущи Афонстей узрел еси, преподобне Паисие, и со умилением Той поклонился еси. Темже с Нею не закосни молитися о нас ко Господу.

Величание:

Ублажаем тя,/ преподобне отче Паисие,/ и чтим святую память твою,/ наставниче монахов/ и собеседниче Ангелов.

Псалом избранный: Терпя, потерпех Господа:

По полиелеи седален, глас 8.

Подобен: Премудрости:

Молитвами и подвиги твоими, отче Паисие, юным детоводитель и людем, страстию губительною одержимым, наставник был еси; имущим неудобоисцельныя обычаи греховныя преизрядный врач явился еси; взыскующим же пути спасения известный советник познался еси, подвижниче богопросвещенный. Темже вернии, в Суроти твоему гробу покланяющеся, радуются и благочестно память твою по долгу воспевают.

Слава, и ныне, Богородичен, глас и подобен тойже:

Святый образ Твой, Дево, сущий в Сионе, узрев, божественный Паисий на горе Афонстей наказа иконописателем прилежно списати и велию Твою благодать всем проповеда. Сего ради, Богородице, не оскудей непрестанно Христа молящи о всех рабех Твоих, воспевающих благочестно Пречистое Твое Рождество.

Степенна, 1-й антифон 4-го гласа. Прокимен, глас 4: Честна пред Господем/ смерть преподобных Его. Стих: Блажен муж, бояйся Господа, в заповедех Его восхощет зело. Всякое дыхание: Евангелие от Матфеа, зачало 43.

По 50-м псалме стихира, глас 6:

Во всю землю изыде вещание подвиг твоих,/ преподобне Паисие,/ ты бо в двадесятем веце по Рождестве Спасове,/ яко звезда утренняя возсиял еси/ и православных множества просветил еси,/ во еже ведети волю Господню./ Сего ради ныне, на Небеса возшед/ и стяжав велие дерзновение,/ молися о спасении душ наших.

Канон, глас 8.

Песнь 1

Ирмос: Колесницегонителя фараоня погрузи,/ чудотворяй иногда/ Моисейский жезл, крестообразно поразив/ и разделив море,/ Израиля же беглеца пешеходца спасе,/ песнь Богови воспевающа.

Даждь ми разум, Христе Всесильне, да возмогу всеусердно воспети житие и многая чудеса преподобнаго Твоего, Паисия честнаго и многочуднаго.

Благочестно, яко ангел, на земли пожив, славне Паисие, плоть и страстей востания духу покорил еси и даров Божиих приятелище явился еси, всем потребная подавая.

Всея твари Создателя теплою мольбою умилостивляя, скорый помощник страждущим и в скорби сущим явился еси, святе Паисие, святыя Горы похвало.

Богородичен: В пучине страстей погружаемь, утопаю, Мати Богородице, темже, яко нищий и окаянный, взываю: молитвами Твоими бурю искушений моих устави, Горы святыя Хранительнице.

Песнь 3

Ирмос: Утверждей в начале небеса разумом,/ и землю на водах основавый,/ на камени мя, Христе, заповедей Твоих утверди,/ яко несть свят паче Тебе,/ Едине Человеколюбче.

Христовою благодатию победитель на духи лукавыя показался еси, отче Паисие, зело крепко смирив юношу Георгия, силою бесовскою одержима и обольщена бывша губительным учением.

Духоносный отче Паисие! Господь всяческих, красен добротою паче сынов человеческих, Свой Образ тебе некогда откры и исполни тя благодати велия.

Недоумеет ум человеческий, како яве приял еси в твоей келлии многопетую великомученицу и дивную Евфимию, святе Паисие блаженне, отцев похвало.

Богородичен: Исцелений источник и врачевание изрядное Тя, Мати, вемы, удручаемии вси болезньми телесными. Темже с верою просим Твоея, Богоневесто, божественныя помощи.

Седален, глас 4.

Подобен: Скоро предвари:

Непрестанно в молитве пребывая, душу твою храм Духа Святаго соделал еси, Паисие преподобне, и столп светел, верныя просвещаяй, явился еси, моля о всех Христа, Иже всех Содетеля и Вседержителя.

Слава, и ныне, Богородичен, глас и подобен тойже:

Дево Неискусомужная, христиан Упование и ангелов Веселие! Велие дерзновение пред Престолом Сына Твоего имущи, присно молися, Владычице, о чтущих Тя.

Песнь 4

Ирмос: Ты моя крепость, Господи,/ Ты моя и сила,/ Ты мой Бог, Ты мое радование,/ не оставль недра Отча,/ и нашу нищету посетив./ Тем с пророком Аввакумом зову Ти:/ силе Твоей слава, Человеколюбче.

Силу с Небесе приемь, тяжкия болезни претерпевал еси, богомудре Паисие, и славословная пения усердно ко Христу возглашал еси. Темже и дар исцеления душ и телес приял еси.

Учению святых отец твердо следуя, мужественне в Солуни Христа исповедал еси, всеблаженне, и, яко ангел, с прочими иноки в путь богоразумный шествовал еси, образ веры подая человеком.

Руце твои преподобнеи ко Господу воздевая, земли отступал еси, всехвальне Паисие, и свет невещественный множицею лице твое осеняше. Темже и зрящии в сиянии лик твой зело удивляхуся.

Богородичен: Во утробу Твою Вседержитель вселися, Богородице, и человеков смешение от тли обнови, клятву же разрешив и смерть упразднив, темнозрачнаго противника беззаконнаго гордыню смири до конца.

Песнь 5

Ирмос: Вскую мя отринул еси/ от лица Твоего, Свете Незаходимый,/ и покрыла мя есть чуждая тьма окаяннаго,/ но обрати мя и к свету заповедей Твоих/ пути моя направи, молюся.

Духом деяния приходящих к тебе прозревая и попечение милостивное показуя, вся потребная ко спасению им подавал еси, богоносе отче Паисие.

Кроток и нестяжателен, молитвы делатель прилежный, тишины любитель и любве рачитель, Бога усердный почитатель и человеком милостивый предстатель явился еси, богомудре Паисие.

Суесловия, зело верныя соблазняющая, наставленьми и ученьми православными, знаменьми и чудесы сокрушил еси, всеблаженне отче Паисие.

Богородичен: Ева убо прамати клятву рода древле прият, Ты же, Богородице, радость и мир Рождеством Твоим всем принесла еси. Темже Предстательницу человеком Твои раби Тя имамы, Владычице.

Песнь 6

Ирмос: Очисти мя, Спасе,/ многа бо беззакония моя,/ и из глубины зол возведи, молюся,/ к Тебе бо возопих, и услыши мя,/ Боже, спасения моего.

Целомудренно на земли пожив, верных души словесы твоими богатно напитал еси, преподобне отче Паисие, и образ благочестия и чистаго жития всем явил еси.

Яко живительный источник, струи воздержания изливая, множество юных напоил еси, Паисие преподобне, и сих от блуда и нечистоты к потоку благодати привел еси.

Православия догматы множицею в житии твоем богомудренно и умодержавно яве утверждал еси, Паисие преподобне, Святыя Горы богоносный учителю.

Богородичен: Не имам дара слезнаго, еже плакати грехов моих множество, ни умиления, ни стенания спасительнаго, Мати, обаче мольбами Твоими ко Христу, лютое невоздержание мое сокруши.

Кондак, глас 8.

Подобен: Взбранной Воеводе:

Святыя Горы подвижника преславнаго/ и Церкве молитвенника теплаго/ восхвалим в песнех всеусердно,/ верныя к жизни изрядней наставляюща/ и всякая прошения сих исполняюща,/ и тако ему возопиим:/ радуйся, отче Паисие.

Икос:

Яко ангел в последняя времена на Горе Афонстей явился еси, преподобне Паисие, на земли бо благочестне пожив, подвижников древних равностоятель показался еси. Темже с любовию вопием ти таковая:

Радуйся, Каппадокии божественное рождение;

радуйся, Афона велие богатство.

Радуйся, Коницы богодухновенная похвало;

радуйся, киновии Суротийския украшение.

Радуйся, реко многоструйная божественных дарований;

радуйся, поточе неистощимый спасительных врачеваний.

Радуйся, яко прославляеши обители Афонския;

радуйся, яко обитаеши на горе Синайстей.

Радуйся, многих благодатных даров приемниче;

радуйся, о людских невежествиих печальниче.

Радуйся, избавителю люте страждущих;

радуйся, провидче помышлений сокровенных.

Радуйся, отче Паисие.

Песнь 7

Ирмос: Божия снизхождения/ огнь устыдеся в Вавилоне иногда./ Сего ради отроцы в пещи, радованною ногою,/ яко во цветнице, ликующе, пояху:/ благословен еси, Боже отец наших.

Научал еси изрядно наставленьми юных сословие, еже супружество избрати или тесный путь иноческий предпочести. Темже онии с тобою вопияху, поюще: благословен Бог отец наших.

Недуги телесныя терпеливно подъем, в сладость тяжкия болезни вменил еси, преподобне отче Паисие, темже и приял еси от Бога благодать независтную, чудодейственне страсти многоразличныя исцеляти.

Веселится обитель девическая, яже в Суроти, имущи, яко сокровище даров Святаго Духа, мощи твоя, блаженне Паисие, и Вседержителю восклицает: благословен Бог отец наших.

Богородичен: Струями чудес Твоих, Пренепорочная Владычице, земнородных чини от прелести велиара, скорбей, многоразличных бед и болезней телесных, Пречистая, свобождаются.

Песнь 8

Ирмос: Седмерицею пещь/ халдейский мучитель/ Богочестивым неистовно разжже,/ силою же лучшею спасены, сия видев,/ Творцу и Избавителю вопияше:/ отроцы, благословите,/ священницы, воспойте,/ людие, превозносите во вся веки.

Собрания верных на Святей Горе к тебе, отче, усердно притекаху, прияти твою, преподобне, благодать и силу: ты бо от Бога многая дарования стяжал еси и во времена сия мудрый наставник человеком показался еси.

Познавшии, преподобне, жития твоего изряднейшая на горе Афонстей и во инех странах, воспевают Господа Человеколюбца: ты бо словесы и делы, яко звезда, возсиял еси и тьму человеком страждущим разгнал еси.

Всенощными твоими стоянии и многими посты образ изрядна подвижника на Горе Святей и в Синаи явил еси, всеславне Паисие. Ты и ныне ко Христу за люди руце усердно воздеваеши, древним отцем равночестне.

Богородичен: Многими согрешеньми недугующии, житейскими попечении и душевными страстьми обдержимии, к Тебе, Нескверней и Нетленней Владычице, смиренно вопием: молитвами Твоими из рова прегрешений возведи нас.

Песнь 9

Ирмос: Ужасеся о сем Небо,/ и земли удивишася концы,/ яко Бог явися человеком плотски,/ и чрево Твое бысть пространнейшее Небес./ Тем Тя, Богородицу,/ Ангелов и человек чиноначалия величают.

От тины прегрешений избавлься, око твое душевное очистил еси и тем болезни человеков лютыя, душевныя и телесныя ясно зрел еси, блаженне Паисие, и всех, приходящих к тебе, на лучшая наставлял еси.

Яко древле отцы, тако и ты неуклонным путем Христовым богоугодно шествовал еси, Паисие чудне, и равно с Тихоном и прочими спостники Афонскими образ святыни во дни наши явил еси.

Яко имеяй дерзновение в Вышних, сохрани молитвами твоими от вреда льстиваго, и злых жития находящих, и бури прегрешений благочестно чтущих память твою и радостно поющих тя, преподобне.

Богородичен: Неистовствующия прилоги лукаваго отжени державою Твоею, Богородице Дево, яко родила еси чудно Христа, Победителя Славнаго, потребившаго гордыню древняго змия и главу того сокрушившаго.

Светилен:

Преподобнаго Паисия, Горы Святыя славу, Суротийския обители хранителя, путевождя молящихся и юных наставника в пениих почтим, славословяще божественне житие того и деяния.

Слава, и ныне, Богородичен:

Дево Преславная, христиан утверждение, благоговейное предстательство немощным человеком, болящим исцеление и страждущим крепосте, вселенныя покрове! Благочестно Тя воспеваем, раби Твои.

На хвалитех стихиры, глас 8.

Подобен: Что вас наречем:

Отче преподобне Паисие!/ Фарасския веси благое прозябение,/ Коницы многоценное сокровище,/ Суротийския обители похвало и радование,/ Горы Синайския подвижниче,/ Афона величайшее украшение,/ теплый о нас молитвенниче,/ моли спастися душам нашим.

Отче всеблаженне Паисие!/ Древних подвижников подобниче,/ добродетелей смиренномудрый исполнителю,/ монахов предивный наставниче,/ юных мудрый учителю,/ болящих известный целителю,/ демонов и нечаемых зол прогонителю,/ моли спастися душам нашим.

Отче досточудне Паисие!/ Бедствующих теплый предстателю,/ молящихся скорый услышателю,/ связуемых страстию наркомании избавителю,/ благодати Духа Святаго сосуде избранный,/ ангелов собеседниче и преподобных сожителю,/ Царствия Небеснаго наследниче,/ моли спастися душам нашим.

Отче богоносе Паисие,/ о всех, верою тя воспевающих,/ не оскудей тепле молитися,/ стяжал бо еси дерзновение ко Господу/ и многими даровании от Него обогатился еси,/ прорицати будущая, яко настоящая,/ исцеления подавати душевная и телесная/ и к Царствию Небесному верныя путеводити.

Слава, глас тойже:

Преподобне старче Паисие,/ во всю землю изыде глас наставлений твоих,/ ты бо, яко ангел во плоти пожив,/ живоносная евангельская словеса возвещал еси/ и, образ терпения верным показуя,/ совершенне на Бога уповати научал еси./ Мы же, ведуще тя наставника мудра/ и ходатая пред Богом тепла/ с верою и любовию вопием ти:/ моли спастися душам нашим.

И ныне, Богородичен:

Небесная поют Тя,/ Обрадованная, Мати Безневестная,/ и мы славословим неизследованное Твое Рождество,/ Богородице, моли спастися душам нашим.

На Литургии служба вся преподобническая

Молитва

О, преподобне и богоносне отче Паисие, богомудрый наставниче, лествицею добродетелей от земли в Царствие Небесное восшедый и благодать, во еже ходатайствовати о нас пред Престолом Всемилостиваго Бога, приемый!

Ты, во дни земнаго жития тяжкия болезни претерпевая и благодарственная пения за вся Богу воздавая, от Него благодать восприял еси телесныя недуги исцеляти и души, грехми омраченныя, врачевати. Ныне, предстоя Престолу Вседержителя, Того милосердие к нам приклони, да твоим молитвенным предстательством дарует нам Господь крепость во искушениих, мужество в борьбе с духами злобы поднебесныя, прощение всех наших грехов, яже от юности нашея даже до настоящаго дне сотворихом словом, делом и помышлением, и да научит нас, яже подобает благое творити, во еже богоугодне житие скончати и ближним с любовию и смирением послужити.

Ей, отче святый, паки молим тя: помози нам пути греховнаго отвратитися, плоды же покаяния и обновления во Христе душ наших Господеви принести и во образ жития твоего, еже любве и милосердия исполнено бысть, уз греховнаго жительства разрешившеся, к Небесным Чертогом взыти, идеже вкупе с тобою сподобимся прославляти Бога в Троице славимаго Отца и Сына и Святаго Духа во веки веков. Аминь.

Преподобный Паисий Святогорец — один из наиболее почитаемых православных святых XX века, монах и старец Святой Горы Афон. 8 лет назад, 13 января 2015 года, он был причислен к лику святых. Геронда оставил нам бесценное духовное наследие — нравственно-аскетические труды, письма, беседы. В них старец простым и понятным каждому языком говорит о Боге, духовном делании, внешней и внутренней борьбе, и в этих размышлениях заключен 40-летний монашеский опыт.

Один чистый, добрый помысел обладает силой большей, чем любой аскетический подвиг.

***

Если ты хочешь исправить Церковь, то старайся лучше исправить себя самого, а не других. Если ты исправишь самого себя, то сразу же исправится частичка Церкви.

***

То, что делается от сердца, не утомляет. Сердце — это словно самозаряжающееся устройство: чем больше оно работает, тем больше и заряжается.

***

Человеку, для того чтобы понять, верно ли он преуспевает в духовном отношении, нужно прежде всего испытать себя, радуется ли он, отдавая, а не принимая.

***

Если человек трудится умиротворенно, он сохраняет мир и освящает весь день. Делая какую-то работу со спешкой, мы приобретаем нервозность. А труд, совершаемый с нервозностью, не освящается.

***

Борьба со страстями — это постоянное сладкое мученичество за соблюдение заповедей ради любви Христовой. Лучше геройски погибнуть, чем быть побежденным страстями и оскорбить Христа.

***

Что такое молитвенное правило? Это возможность попросить у Бога прощения. Кто знает, быть может, последняя в жизни. Поэтому им никогда не стоит пренебрегать.

***

Духовная жизнь не имеет строгой регламентации. Человек со слабым здоровьем, который не способен к большим аскетическим подвигам, может смириться, проявить любовь к ближнему и простить ему какую-то ошибку.

***

Человек должен становиться лучше по доброй воле. Не важно, станет ли он фонарем в городе или маяком на скалах. Главное, чтобы он нес в себе свет.

***

Чтобы преуспеть в духовной жизни, следует всегда находить для других <…> смягчающие обстоятельства. Себя же самого не оправдывать никогда. Ни в коем случае нельзя перекладывать на других свою собственную вину.

***

Быть мужественным — значит иметь героизм и храбрость внутри. Люди, ставшие великими (герои), имели большое сердце и доблесть. Мужество — это всецелое доверительное посвящение себя Богу. Если кто-то тебе скажет что-то дурное — ничего страшного. Сразу вспоминай, сколько раз ты сам грешил и ошибался. Сносить обиды и несправедливость — вот настоящее мужество.

***

Если ты легко впадаешь в гордость, это означает, что имеешь высокое о себе мнение. Думаешь, что что-то из себя представляешь. Человек не стал бы гордиться, если бы не думал, что что-то из себя представляет.

***

Уважая своего ближнего, человек уважает самого себя, но при этом самого себя в расчет не берет.

***

Если люди не доверились Богу настолько, чтобы полностью на Него положиться, то им не избежать страданий.

***

Кто может обнять кратким словом всё относящееся к делу спасения? Я могу только дать вам мой совет, чтобы вы с величайшим усердием читали Божественное Писание и учение святых отцов наших, которым дано разуметь тайны Царствия Небесного, то есть истинный смысл Священного Писания; в их духопросвещенном учении в совершенстве находятся все наставления, необходимые для душевного спасения.

Источник obitel-minsk.ru

(36)

13 января Православная Церковь вспоминает преподобного Паисия Святогорца. В этот день в 2015 году Священный Синод Вселенского Патриархата единогласно определил причислить старца Паисия Святогорца к лику святых Православной Церкви.

Паисий Святогорец родился 25 июля 1924 года, в селении Фарасы, в многодетной семье. С детства Арсений (Паисий) мечтал стать монахом, приобщался к молитвенному деланию, учился смиренномудрию и воздержанию. Родители часто рассказывали ему о преподобном Арсении, чьё имя он носил от Крещения, и кого потом сам Арсений ставил в пример.

Утверждают, что в пятнадцатилетнем возрасте Арсений удостоился чудесного явления Спасителя, что ещё больше утвердило его в ревности о Господе и благочестии. Вскоре он обратился в епархиальное управление с просьбой о вступлении в монашество, но беседовавший с ним представитель ответил, что ему необходимо подрасти.

Во время Гражданской войны коммунисты заточили было Арсения в тюрьму, но впоследствии, разобравшись, освободили. В виду участия братьев в войне, Арсений вынужден был взвалить на себя бремя крестьянских работ, став помощником и опорой для матери. Мысль о вступлении в монашество пришлось отложить.

В 1950 году, после возвращения со службы и непродолжительного пребывания в Конице, Арсений отправился на Святую Гору. Он желал найти старца, который бы взял его в послушание. Однако поиски не привели к искомому результату. К тому же Арсений получил весть от отца о возникших трудностях. И он решил отправиться домой.

Вернувшись с Афона, Арсений занялся плотницким ремеслом. Из заработанных средств он уделял родным и жертвовал беднякам. Кому-то безвозмездно делал окна и двери. Несмотря на профессиональную деятельность, требующую сил, Арсений постился, по ночам предавался молитвам и совершал поклоны, спал же он прямо на полу.

В марте 1953 года, следуя призванию, Арсений принял окончательное решение оставить суету мира и посвятить свою жизнь монашескому подвигу. Раздав сбережения нищим, он вновь отправился на Афон. Поначалу его выбор остановился на монастыре Констамонит, однако ко времени его прибытия на место на стороне южного побережья разыгрался шторм. Признав это за действие Божьего Провидения, он сел на судно, маршрут которого пролегал вдоль северной стороны, и вышел к монастырю Эсфигмен. Монастырь отличался строгим порядком. Здесь было у кого учиться, и от кого перенимать духовный опыт.

27 марта 1954 года Арсений, пройдя испытания, был пострижен в монашество. С тех пор он стал носить имя «Аверкий». 3 марта 1957 состоялся постриг Аверкия в мантию. Тогда же он получил новое имя «Паисий», в честь Паисия II, митрополита Кесарийского.

В 1964 году отец Паисий поселился в Иверском скиту. Он охотно помогал окружавшей его братии, а по возможности предавался безмолвному уединению, занимался молитвенным деланием и богомыслием.

Последнее время старца мучила боль. Он чутко реагировал на холод и уже с сентября начинал отапливать келью. Телесные силы иссякали.

22 октября 1993 года отец Паисий покинул территорию Святой Горы и направился в монастырь Суроти. На Афонскую Гору он больше не вернулся. В Суроти ему сделалось плохо и он был доставлен в больницу. Там обнаружилось, что у него – рак. 4 февраля 1994 года сделали операцию, затем ещё одну.

Отец Паисий хотел было отправиться на Афон и там завершить земной путь, но этому препятствовало ухудшение его состояния. Он решил остаться в Суроти. 11 июля отец Паисий причастился Святых Христовых Тайн. 12 июля 1994 года сердце подвижника остановилось.

13 января 2015 года, Священный Синод Вселенского Патриархата единогласно определил причислить Старца Паисия Святогорца к лику святых Православной Церкви.

Тропарь преподобному Паисию Святогорцу, глас 5. 

Боже́ственныя любве́ о́гнь прие́мый, превосходя­́щим по́двигом вда́лся еси́ весь Бо́гови, и уте­ше́­ние мно́гим лю́дем был еси́, словесы́ боже́­ственными наказу́яй, моли́твами чудотворя́й, Паи́сие Богоно́се, и ны́не мо́лишися непреста́нно о всем ми́ре, преподо́бне.

Кондак преподобному Паисию Святогорцу, глас 8. 

А́нгельски на земли́ пожи́вый, любо́вию просия́л еси́, преподо́бне Паи́сие, мона́хов вели́кое утвержде́ние, ве́рных к житию́ свято́му вождь, вселе́нныя же утеше́ние сладча́йшее показа́лся еси, сего́ ра́ди зове́м ти: ра́дуйся, о́тче всеми́рный.

11 июля (перенесли с 12 июля) в день памяти св. прп. Паисия Святогорца, ранним утром совершили Божественную Литургию. В нашей обители хранятся святыни связанные с прп. Паисием Святогорцем, частицы четок, рубашки и скуфейки. За богослужением молились о мире в Украине и во всем мире.

 В конце Божествественной Литургии было совершено Славление.

На кануне было совершено полиелейное богослужение.